SLR રાઇફલ્સ, 303 રાઇફલ્સ અને અન્ય શસ્ત્રો અને દારૂગોળો પણ જપ્ત કરવામાં આવ્યો છે.
સંયુક્ત સર્ચ ઓપરેશન યથાવત્
છત્તીસગઢના બીજાપુર જિલ્લામાં સુરક્ષા દળો અને નક્સલવાદીઓ વચ્ચે થયેલી અથડામણમાં બે સૈનિકો શહીદ અને સાત નક્સલવાદીઓ ઠાર મરાયા છે. સૈનિકો અને નક્સલવાદીઓ વચ્ચે આ ભીષણ અથડામણ બીજાપુર-દંતેવાડા સરહદ પર થઈ રહી હતી. બીજાપુરના એસપી ડૉ. જીતેન્દ્ર યાદવે જણાવ્યું હતું કે ડીઆરજી દંતેવાડા-બીજાપુર, સ્પેશિયલ ટાસ્ક ફોર્સ અને CRPFની સંયુક્ત ટીમ દ્વારા બીજાપુર-દંતેવાડા સરહદી ક્ષેત્રના પશ્ચિમ બસ્તર ડિવિઝન વિસ્તારમાં સંયુક્ત સર્ચ ઓપરેશન ચાલી રહ્યું હતુ.
પોલીસ અને નક્સલવાદીઓ વચ્ચે ફાયરિંગ
છત્તીસગઢના બીજાપુર જિલ્લામાં સુરક્ષા દળો અને નક્સલવાદીઓ વચ્ચે થયેલી અથડામણમાં બે સૈનિકો શહીદ થયા. સાત નક્સલવાદીઓ પણ માર્યા ગયા હતા. સૈનિકો અને નક્સલવાદીઓ વચ્ચે આ ભીષણ અથડામણ બીજાપુર-દંતેવાડા સરહદ પર થઈ રહી છે. અત્યાર સુધી ઉપલબ્ધ માહિતી અનુસાર, આ અથડામણમાં સાત નક્સલવાદીઓ માર્યા ગયા છે, અને બે સૈનિકો શહીદ થયા છે.
સાત નક્સલીઓના મૃતદેહ મળ્યાં
બસ્તર રેન્જના ઇન્સ્પેક્ટર જનરલ સુંદરરાજ પટ્ટલિંગમે જણાવ્યું હતું કે એન્કાઉન્ટર સ્થળ પરથી અત્યાર સુધીમાં સાત નક્સલીઓના મૃતદેહ મળી આવ્યા છે. SLR રાઇફલ્સ, 303 રાઇફલ્સ અને અન્ય શસ્ત્રો અને દારૂગોળો પણ જપ્ત કરવામાં આવ્યો છે. આ એન્કાઉન્ટરમાં DRG બીજાપુરના બે સૈનિકો, હેડ કોન્સ્ટેબલ મોનુ વદાદી અને કોન્સ્ટેબલ દુકારુ ગોંડે શહીદ થયા હતા. અન્ય એક સૈનિક, સોમદેવ યાદવ, ઘાયલ થયો હતો. ઘાયલ સૈનિકની સારવાર ચાલી રહી છે અને તે ખતરાથી બહાર છે.
