આ દેશો વચ્ચે તણાવ ધીમે ધીમે વધી રહ્યો છે. તેઓ એકબીજા પર હુમલો કરી રહ્યા છે.
સંઘર્ષનો માહોલ થયો ઉત્પન્ન
એશિયામાં છ દેશો સામસામે આવી ગયા છે. પાકિસ્તાન અને અફઘાનિસ્તાન વચ્ચે સતત તણાવ વધી રહ્યો છે. દરમિયાન, તાઇવાન પર ચીન અને જાપાન વચ્ચેનો સંઘર્ષ વધી રહ્યો છે. થાઇલેન્ડ અને કંબોડિયા વચ્ચેનો સરહદ વિવાદ ફરી એકવાર તણાવનું કારણ બની રહ્યો છે. પહેલો મોરચો બે મુસ્લિમ દેશો વચ્ચે છે. ભારતના બે પડોશી દેશો, પાકિસ્તાન અને અફઘાનિસ્તાન, સામસામે છે. ગયા મહિનાથી, બંને એકબીજા પર હવાઈ હુમલા કરી રહ્યા છે. બીજો મોરચો ચીન અને જાપાન વચ્ચે છે.
અથડામણની શરુઆત થતા વાતાવરણ થયુ તંગ
તાજેતરમાં, જાપાનના વડા પ્રધાન તાકાચીએ તાઇવાન અંગે ટિપ્પણી કરી હતી. જેના કારણે બંને દેશો વચ્ચેનો સંઘર્ષ વધુ વધ્યો છે. દરમિયાન, થાઇલેન્ડ અને કંબોડિયા વચ્ચે ત્રીજો મોરચો ખુલ્યો છે. બંને દેશોએ એકબીજા પર યુદ્ધવિરામનું ઉલ્લંઘન કરવાનો આરોપ લગાવ્યો છે. પાકિસ્તાન અને અફઘાનિસ્તાન વચ્ચે ઓક્ટોબરમાં અથડામણ શરૂ થઈ હતી. પાકિસ્તાને અફઘાનિસ્તાન પર હવાઈ હુમલા શરૂ કર્યા હતા. પાકિસ્તાનનો દાવો છે કે અફઘાનિસ્તાન આતંકવાદને આશ્રય આપે છે.
આંતરિક બાબતોમાં દખલગીરી
ચીન અને જાપાન વચ્ચે તાઇવાનને લઈને તણાવ શરૂ થયો હતો. જાપાનના વડા પ્રધાન સના તાકાચીના તાઇવાન અંગેના નિવેદન પછી બંને દેશો વચ્ચે અણબનાવ સર્જાયો હતો. 7 નવેમ્બરના રોજ, તાકાચીએ સંસદમાં જણાવ્યું હતું કે જો ચીન તાઇવાન પર હુમલો કરે છે અને જાપાનની સુરક્ષાને જોખમમાં મૂકે છે. તો જાપાન બદલો લઈ શકે છે. આ નિવેદનથી ચીન ગુસ્સે થયું. ચીને તાઇવાન પર જાપાની પીએમના નિવેદનને તેના આંતરિક બાબતોમાં દખલગીરી ગણાવી. જોકે, તાકાઇચીએ પોતાનું નિવેદન પાછું ખેંચવાનો ઇનકાર કર્યો છે.
