સરકાર આને સુરક્ષા ચિંતાઓ સાથે જોડી રહી છે. જ્યારે વિપક્ષ અને માનવાધિકાર સંગઠનો તેને ચૂંટણી હિંસામાં વધારો કરનાર પગલું ગણાવી રહ્યા છે.
સરકારનો ચર્ચાસ્પદ નિર્ણય
બાંગ્લાદેશમાં 2026ની ચૂંટણી પહેલા, વચગાળાની સરકાર દ્વારા લેવાયેલો વિવાદાસ્પદ નિર્ણય દેશભરમાં ચર્ચાનો વિષય બન્યો છે. સરકારે ચૂંટણી લડતા ઉમેદવારો અને રાજકીય રીતે મહત્વપૂર્ણ કહેવાતા વ્યક્તિઓને હથિયાર લાઇસન્સ અને બંદૂકધારી આપવાની નીતિ જારી કરી છે. જ્યારે સરકાર આ નિર્ણયને સુરક્ષા કારણોસર જરૂરી ગણાવી રહી છે. ત્યારે વિપક્ષ, ચૂંટણી નિષ્ણાંતો અને માનવાધિકાર સંગઠનો માને છે કે તે ચૂંટણી હિંસાને વધુ ભડકાવશે.
શું છે સરકારનો નવો નિર્ણય ?
ગૃહ મંત્રાલય દ્વારા જારી કરાયેલી વિશેષ નીતિ હેઠળ, બે શ્રેણીના લોકો હથિયાર લાઇસન્સ માટે અરજી કરી શકશે. પ્રથમ શ્રેણીમાં એવા વ્યક્તિઓનો સમાવેશ થાય છે. જેમને સરકાર દ્વારા રાજકીય રીતે મહત્વપૂર્ણ જાહેર કરવામાં આવ્યા છે. બીજી શ્રેણીમાં એવા ઉમેદવારોનો સમાવેશ થાય છે જેમના 13મી સંસદીય ચૂંટણી માટે ઉમેદવારી પત્રો સ્વીકારવામાં આવ્યા છે. ગૃહ બાબતોના સલાહકાર લેફ્ટનન્ટ જનરલ મોહમ્મદ જહાંગીર આલમ ચૌધરીએ જણાવ્યું છે કે, ચૂંટણી લડનારા ઉમેદવારોને શસ્ત્રો રાખવાની મંજૂરી આપવામાં આવશે. જે ઉમેદવારોના શસ્ત્રો અગાઉ સરકારી કસ્ટડીમાં જમા કરાવવામાં આવ્યા હતા તેમને પણ તે પરત કરવામાં આવશે.
કાયદો અને વ્યવસ્થા પર પ્રશ્નો
આ નિર્ણય એવા સમયે આવ્યો છે જ્યારે દેશમાં કાયદો અને વ્યવસ્થા પહેલાથી જ નાજુક માનવામાં આવી રહી છે. 2024ના વિદ્યાર્થી આંદોલન બાદ અવામી લીગ સરકારના પતનથી વહીવટી અસ્થિરતા વધી છે. પોલીસ વ્યવસ્થા નબળી પડી છે, અને સંભવિત ઉમેદવારોના સમર્થકો વચ્ચે ઘણા વિસ્તારોમાં હિંસક અથડામણો થઈ રહી છે. વધુમાં, છેલ્લા દોઢ વર્ષમાં ચોરાયેલા શસ્ત્રો મેળવવામાં નિષ્ફળતાથી લોકોમાં ભયનું વાતાવરણ સર્જાયું છે. ચૂંટણી પંચે સ્પષ્ટપણે જણાવ્યું છે કે આ નિર્ણયની તેમની સાથે અગાઉથી ચર્ચા કરવામાં આવી ન હતી.
સરકારે આ નિર્ણય કેમ લીધો?
બાંગ્લાદેશ સરકાર જણાવે છે કે આ નિર્ણય ચૂંટણી ઉમેદવારો અને રાજકીય રીતે મહત્વપૂર્ણ વ્યક્તિઓની સલામતી સુનિશ્ચિત કરવા માટે લેવામાં આવ્યો હતો. સરકારના મતે, કાયદો અને વ્યવસ્થાની સ્થિતિ હાલમાં નાજુક છે, રાજકીય હિંસા વધી છે અને ઘણા નેતાઓને તેમના જીવનું જોખમ છે. આવી સ્થિતિમાં, હથિયારોના લાઇસન્સ અને બંદૂકધારીઓ આપવાથી ઉમેદવારોની વ્યક્તિગત સુરક્ષા મજબૂત થશે અને તેઓ ભય વિના ચૂંટણી પ્રવૃત્તિઓમાં ભાગ લઈ શકશે.
આ પણ વાંચોઃ સાઉદી અરેબિયાના કરમુક્ત વિદેશી કામદારોનો સીધો લાભ 3 લાખ ભારતીયોને કેવી રીતે, જાણો શું મામલો?
