આ વર્ષે AI કંપનીઓએ ભારતીય વપરાશકર્તાઓને ખુશ કર્યા છે. AI રેસમાં એકબીજાથી આગળ નીકળી જવાનો પ્રયાસ કરતી કંપનીઓએ તેમના સબ્સ્ક્રિપ્શન પ્લાન ફ્રી કર્યા છે. જેનાથી વપરાશકર્તાઓ ચૂકવણી કર્યા વિના પ્રીમિયમ સુવિધાઓનો આનંદ માણી શકે છે. આનો ફાયદો વપરાશકર્તાને જ નહીં પણ AI કંપનીઓ તેમના મોડેલોને તાલીમ આપવા માટે લાખો લોકો પાસેથી ડેટા પણ મેળવશે. ચાલો જાણીએ કે આ વર્ષે કઈ કંપનીઓએ તેમના સબ્સ્ક્રિપ્શન મફતમાં ઓફર કર્યા છે.
Google
આ વર્ષના નવેમ્બરમાં, ગૂગલે Jio વપરાશકર્તાઓ માટે તેનું Gemini AI Pro સબ્સ્ક્રિપ્શન ફ્રી કર્યું. Jio ના ભારતમાં આશરે 500 મિલિયન વપરાશકર્તાઓ છે, અને તેઓ ₹1,950 ના માસિક ભાવે 18 મહિના માટે આ મફત પ્લાન મેળવી રહ્યા છે. ગયા અઠવાડિયે Google એ ભારતને એવા દેશોની યાદીમાં ઉમેર્યું જ્યાં તે તેના AI Plus પેકેજ પર નોંધપાત્ર ડિસ્કાઉન્ટ આપી રહ્યું છે.
OpenAI
OpenAI એ ભારતીય વપરાશકર્તાઓ માટે તેના AI ચેટબોટ, ChatGPT નો ઉપયોગ પણ સસ્તો બનાવ્યો છે. કંપનીએ તાજેતરમાં ChatGPT Go પ્લાન સંપૂર્ણપણે મફત બનાવ્યો છે. આ પ્લાન જેની કિંમત ₹399 પ્રતિ મહિને છે. આ પ્લાનને એક વર્ષ માટે બધા વપરાશકર્તાઓને મફતમાં આપવામાં આવી રહ્યો છે. અન્ય દેશોમાં વપરાશકર્તાઓ પાસેથી આ પ્લાન માટે ચાર્જ લેવામાં આવે છે.
Perplexity AI
Google ની જેમ Perplexity પણ ટેલિકોમ કંપની Airtel સાથે કામ કરી રહી છે. ભારતમાં Airtel વપરાશકર્તાઓને Perplexity Pro સબ્સ્ક્રિપ્શન મફતમાં ઓફર કરવામાં આવી રહી છે. આનાથી વપરાશકર્તાઓ આ પ્લાનનો મફતમાં ઉપયોગ કરી શકે છે, જેની કિંમત દર વર્ષે લગભગ ₹17,000 છે.
AI કંપનીઓનો ભારત પ્રત્યે પ્રેમ
કંપનીઓ ભારતને પ્રેમ કરવાનું એક મુખ્ય કારણ તેનો વપરાશકર્તા આધાર છે. ભારતમાં આશરે 730 મિલિયન સ્માર્ટફોન વપરાશકર્તાઓ છે, જે દર મહિને સરેરાશ 21GB ડેટા વાપરે છે. મફતમાં પ્લાન ઓફર કરવાથી કંપનીઓના વપરાશકર્તા આધારમાં ઝડપી વૃદ્ધિ થઈ છે. ChatGPT Go મફત બન્યા પછી કંપનીએ વપરાશકર્તાઓની સંખ્યામાં વાર્ષિક ધોરણે 607 ટકાનો વધારો જોયો છે. , જેમિનીના દૈનિક વપરાશકર્તાઓમાં પણ 15 ટકાનો વધારો થયો છે.
