સ્ટાર ક્રિકેટર યશસ્વી જયસ્વાલને પેટમાં દુખાવાની ફરિયાદ બાદ હોસ્પિટલમાં દાખલ કરવામાં આવ્યા હતા. એક મીડિયા રિપોર્ટ અનુસાર, તેમને હોસ્પિટલમાંથી રજા આપવામાં આવી છે, પરંતુ છેલ્લા બે દિવસમાં તેમનું વજન નોંધપાત્ર રીતે ઘટી ગયું છે જેને લઈને ડોક્ટરે બે દિવસ આરામ કરવાની સલાહ આપી છે. ત્યારે આ બધાની વચ્ચે યશસ્વી જયસ્વાલે સોશિયલ મીડિયા પ્લેટફોર્મ પર પોસ્ટ કરી જાણકારી આપી હતી.
હોસ્પિટલમાંથી રજા મળ્યા બાદ યશસ્વી જયસ્વાલ હાલમાં મુંબઈમાં
યશસ્વી જયસ્વાલ 2025 સૈયદ મુશ્તાક અલી ટ્રોફીમાં મુંબઈ તરફથી રમી રહ્યા હતા અને ઘણી પ્રભાવશાળી ઇનિંગ્સ રમી હતી. જોકે, ટુર્નામેન્ટની મધ્યમાં, રાજસ્થાન સામેની મેચ પછી, તેમને પેટમાં તીવ્ર દુખાવો થવા લાગ્યો. ત્યારબાદ તેમને હોસ્પિટલમાં લઈ જવામાં આવ્યા, જ્યાં તેમને પેટમાં સોજો હોવાનું નિદાન થયું. સીટી સ્કેન કરવામાં આવ્યું, અને ડોક્ટરોએ તેમને આરામ કરવાની સલાહ આપી છે. હોસ્પિટલમાંથી રજા મળ્યા બાદ તે હાલમાં મુંબઈમાં છે. જયસ્વાલે હવે સ્વાસ્થ્ય અપડેટ આપ્યું છે.
<script async src="
” charset=”utf-8″>” style=”position: static; visibility: visible; width: 550px; height: 297px; display: block; flex-grow: 1;” data-tweet-id=”2001908504786014487″>
<script async="" src="
” charset=”utf-8″>
યશસ્વી જયસ્વાલે સોશિયલ મીડિયા પોસ્ટ કરી
યશસ્વી જયસ્વાલે સોશિયલ મીડિયા પ્લેટફોર્મ પર પોસ્ટ કર્યું, “છેલ્લા કેટલાક દિવસોમાં મને મળેલી અનેક શુભેચ્છાઓ માટે હું બધાનો આભાર માનવા માંગુ છું. હું સ્વસ્થ થઈ રહ્યો છું. હું ઉત્તમ તબીબી સારવાર માટે આભારી છું. હું ટૂંક સમયમાં મેદાનમાં પાછા ફરવા માટે પણ ઉત્સુક છું.” જયસ્વાલે 2025 સૈયદ મુશ્તાક અલી ટ્રોફીમાં મુંબઈ માટે ફક્ત ત્રણ મેચ રમી હતી, જેમાં એક સદી સહિત માત્ર 145 રન બનાવ્યા હતા. બાદમાં, જ્યારે તે બીમાર પડ્યો, ત્યારે તેને હોસ્પિટલમાં દાખલ કરવામાં આવ્યો.
યશસ્વી જયસ્વાલ મુંબઈની બીજી મેચમાં રમી શકશે ?
ડોક્ટરો દ્વારા સંપૂર્ણ આરામની સલાહ આપવામાં આવ્યા બાદ યશસ્વી જયસ્વાલ વિજય હજારે ટ્રોફીમાં મુંબઈની પહેલી મેચ રમે તેવી શક્યતા ઓછી છે. મુંબઈનો મુકાબલો 24 ડિસેમ્બરે સિક્કિમ સામે છે, જેમાં રોહિત શર્મા પણ રમશે. જો જયસ્વાલ ઝડપથી સ્વસ્થ થઈ જાય, તો તે 29 ડિસેમ્બરે છત્તીસગઢ સામે મુંબઈની બીજી મેચમાં રમી શકે છે.આવતા મહિને ન્યુઝીલેન્ડ સામે વનડે શ્રેણી પણ છે. તેથી, બીસીસીઆઈની મેડિકલ ટીમ જયસ્વાલના સ્વાસ્થ્ય પર નજર રાખી રહી છે. ન્યુઝીલેન્ડ સામે ત્રણ મેચની વનડે શ્રેણી 11 જાન્યુઆરીથી શરૂ થવાની છે.
તે ભારત માટે ત્રણેય ફોર્મેટ રમી ચૂક્યો છે
યશસ્વી જયસ્વાલ ભારતીય ટીમ માટે ત્રણેય ફોર્મેટમાં ક્રિકેટ રમી ચૂક્યા છે. તેમણે 28 ટેસ્ટ મેચમાં કુલ 2511 રન બનાવ્યા છે, જેમાં સાત સદી અને 13 અડધી સદીનો સમાવેશ થાય છે. તેમણે ચાર વનડેમાં 171 રન પણ બનાવ્યા છે. તેમણે 23 ટી20 મેચમાં 723 રન બનાવ્યા છે, જેમાં ત્રણેય ફોર્મેટમાં સદી ફટકારી છે.
યશસ્વી જયસ્વાલે દક્ષિણ આફ્રિકા સામે વનડે સદી ફટકારી હતી
યશસ્વી જયસ્વાલે તાજેતરમાં દક્ષિણ આફ્રિકા સામેની ત્રીજી વનડેમાં ધમાકેદાર ઇનિંગ રમી હતી, જેમાં તેણે 89 બોલમાં 8 ચોગ્ગા અને 6 છગ્ગા સહિત 106 રન બનાવ્યા હતા. આ તેની ODI ક્રિકેટમાં પહેલી સદી હતી.
