- આણંદ બેઠક ઉપર 5,02,507 મતદારોએ મતાધિકારનો ઉપયોગ કરતાં 69.13 ટકા મતદાન નોંધાયું હતું
- જેમાં 1 મહિલા અને 4 પુરુષ ઉમેદવારોનો સમાવેશ થાય છે
- ગુજરાત રાજ્યની સ્થાપના પછી 1962માં ગુજરાતમાં 22 બેઠકો હતી
ભારતની આઝાદી બાદ 1951ના વર્ષમાં સમગ્ર દેશમાં લોકસભાની પ્રથમ સામાન્ય ચૂંટણી યોજાઈ હતી. ત્યારબાદ ક્રમશઃ 1957, 1962, 1967, 1971, 1977 અને 1984ના વર્ષમાં લોકસભાની સામાન્ય ચૂંટણી યોજાઈ હતી. જેમાં આણંદ લોકસભા મતદાર વિભાગની વાત કરીએ તો 1984ના વર્ષમાં આણંદ મતદાર વિભાગમાં પાંચ ઉમેદવારોએ તેમની ઉમેદવારી નોંધાવી હતી. જેમાં 1 મહિલા અને 4 પુરુષ ઉમેદવારોનો સમાવેશ થાય છે. મતગણતરી બાદ પાંચ ઉમેદવારો પૈકી ત્રણ ઉમેદવારોએ તેમની ડિપોઝીટ ગુમાવી હતી.
લોકસભાની આ સામાન્ય ચૂંટણીમાં આણંદ મતદાર વિભાગમાં 7,26,873 મતદારો નોંધાયા હતા. જે પૈકી 5,02,507 મતદારોએ તેમના મતાધિકારનો ઉપયોગ કરતાં લોકસભાની આ ચૂંટણીમાં 63.13 ટકા મતદાન નોંધાયું હતું. આ મતદાન પૈકી 2.77 મત એટલે કે 13,925 મત રીજેક્ટ થયા હતા. મતગણતરી બાદ વિજેતા ઉમેદવારને 2,50,877 (51.35 ટકા) મત અને હરીફ ઉમેદવારને 1,75,704 (35.96 ટકા) મત મળ્યા હતા. જ્યારે અન્ય 3 ઉમેદવારોને ક્રમશઃ 56,741 (11.61 ટકા) મત 3,096 (0.63 ટકા) મત અને 2,164 (0.44 ટકા) મત મળ્યા હતા.ગુજરાત રાજ્યના પરિપ્રેક્ષમાં જોઈએ તો લોકસભાની આ પ્રથમ બે ચૂંટણીમાં બોમ્બે રાજ્ય હતું અને બૃહદ મુંબઈ હેઠળ ગુજરાતના પ્રદેશનો સમાવેશ થતો હતો. જેના કારણે બોમ્બે રાજ્ય નીચે ગુજરાતની કેટલીક બેઠકો આવતી હતી. ગુજરાત રાજ્યની સ્થાપના પછી 1962માં ગુજરાતમાં 22 બેઠકો હતી. તેમાં 1967માં 2 (બે) બેઠકોનો વધારો થતાં બેઠકોની સંખ્યા 24 થઈ હતી. ત્યારબાદ 1977ની ચૂંટણીમાં ગુજરાતમાં વધુ 2 (બે) બેઠકોનો ઉમેરો થતાં સમગ્ર ગુજરાતની બેઠકો 26 થઈ હતી.
આ ચૂંટણીમાં સૌથી વધુ ઉમેદવારોના કારણે રસાકસીભરી બની હતી
1984ની આ ચૂંટણીમાં ગુજરાતના વિવિધ મતદાર વિભાગ અને તેમાં ઉભા રહેલા ઉમેદવારોની સંખ્યાને ધ્યાને લઈએ તો રાજ્યના 26 મતદાર વિભાગોમાં મતદાર વિભાગ દીઠ ઓછામાં ઓછા 4 ઉમેદવારો ધંધુકા, કેરા અને બુલસરની બેઠક ઉપર અને વધુમાં વધુ 19 ઉમેદવારો ગાંધીનગરની બેઠક ઉપર જોવા મળ્યા હતા. આ 229 ઉમેદવારો પૈકી 3 બેઠક ઉપર 4-4 ઉમેદવારોએ 3 બેઠક ઉપર 5-5 ઉમેદવારોએ, 2 (બે) બેઠક ઉપર 6અ6 ઉમેદવારોએ 4 બેઠક ઉપર 7-7 ઉમેદવારોએ, 5 બેઠક ઉપર 6-6 ઉમેદવારોએ 1 બેઠક ઉપર 10 ઉમેદવારોએ, 2 (બે) બેઠક ઉપર 11-11 ઉમેદવારોએ, 2 (બે) બેઠક ઉપર 12-12 ઉમેદવારોએ, 2 (બે) બેઠક ઉપર 13-13 ઉમેદવારોએ, 1 બેઠક ઉપર 16 ઉમેદવારોએ અને 1 બેઠક ઉપર 19 ઉમેદવારોએ તેમની ઉમેદવારી નોંધાવતા ચૂંટણી ભારે રસાકસીભરી બની હતી.
