- ચૂંટણી પંચ દ્વારા મતગણતરીની તમામ તૈયારીઓ કરી લેવામાં આવી
- વિધાનસભા મુજબ ગણતરી ટેબલ ઉપર મત ગણતરી હાથ ધરાશે
- વિધાનસભા વાઇઝ 14-14- ટેબલ તૈયાર કરાયા
આવતીકાલે સમગ્ર દેશ માટે મહત્વનો દિવસ છે,કારણકે આવતીકાલે એટલે કે 4 જૂનના રોજ દેશમાં લોકસભા 2024ના પરિણમો જાહેર થશે,તો બીજી તરફ ચૂંટણીપંચ અને તમામ અધિકારીઓ દ્રારા તૈયારીઓ પૂર્ણ કરી દેવામાં આવી છે,લોકસભા બેઠકમાં આવતી વિધાનસભા દીઠ મત ગણતરી હાથ ધરાવામાં આવશે તો ગાંધીનગર લોકસભા બેઠકની મતગણતરી ગાંધીનગર આર્ટસ એન્ડ કોમર્સ કોલેજમાં યોજવામાં આવશે.
એક ટેબલ ઉપર ચાર કર્મચારીઓ ફરજ બજાવશે
મત ગણતરી કેન્દ્ર ઉપર 500 થી વધારે પોલીસ સ્ટાફ પેરામિલેટરી ફોર્સ તૈનાત રહેશે સાથે સાથે 600થી વધુ ચૂંટણી સાથે જોડાયેલા કર્મચારીઓ અને અધિકારીઓ મત ગણતરી કેન્દ્ર પર ફરજ બજાવશે,ઉનાળાની અસહય ગરમીમાં રાહત મળી રહે એટલા માટે પંખા અને કુલર પણ મુકાયા છે.ગાંધીનગર સંસદીય મત વિભાગની મત ગણતરી સરકારી કોર્મસ અને આર્ટસ કોલેજ, સેકટર- ૧૫ ખાતે યોજાશે. આ સેન્ટરની મુલાકાત જનરલ ઓર્બ્ઝવર વિનયકુમારે પણ લીધી છે.
બારીકાઇથી નિરીક્ષણ કરાયુ
મત ગણતરીના સુચારું આયોજનનું બારીકાઇથી નિરીક્ષણ જનરલ ઓર્બ્ઝવર વિનયકુમાર, જિલ્લા ચૂંટણી અધિકારી મેહુલ દવે અને જિલ્લા પોલીસ વડા વાસમશેટ્ટી રવિ તેજાએ લીધી હતી. આ બેઠકમાં જિલ્લા કલેકટર મેહુલ દવેએ સમગ્ર મત ગણતરી સેન્ટર ખાતે કરવામાં આવેલી તમામ તૈયારીઓની ટુંકી રૂપરેખા રજૂ કરીને સમગ્ર તૈયારીથી વાકેફ કર્યા હતા. નાયબ જિલ્લા ચૂંટણી અધિકારી પાર્થ કોટડિયાએ તમામ સાતેય મત ગણતરી કેન્દ્ર, સીસીટીવી મોનિટરીંગ રૂમ, મીડિયા રૂમ, રાજકીય પક્ષના પ્રતિનિધિઓની બેઠક વ્યવસ્થા તેમજ અન્ય તમામ વ્યવસ્થા અંગેની વિસ્તૃત માહિતી આપી હતી.
અધિકારીઓને માહિતી અપાઈ
ઉપરાંત આ બેઠકમાં તમામ એ.આર.ઓ. દ્વારા તેમના વિધાનસભા મતદાર વિભાગમાં મતગણતરી માટે કરવામાં આવેલી તૈયારીઓના સુચારું આયોજન અંગેની વિસ્તૃત માહિતી આપી હતી. તેમજ તમામ નોડલ અધિકારીઓએ પોતાની તૈયારીઓની માહિતી આપી હતી. બેઠક બાદ જનરલ ઓર્બ્ઝવરએ મત ગણતરી કેન્દ્રની રૂબરૂ મુલાકાત લીધી હતી. બેઠકમાં તમામ વિધાનસભા મતદાર વિભાગના એ.આર.ઓ, વિવિધ ટીમના નોડલ અધિકારીઓ અને કર્મચારીઓ ઉપસ્થિત રહ્યા હતા.
