શેરીફેરીયાઓને આર્થિક પગભર કરવા મનપા દ્વારા ૧૮૭ લોન અરજીઓ મંજૂર

શેરીફેરીયાઓને આર્થિક પગભર કરવા મનપા દ્વારા ૧૮૭ લોન અરજીઓ મંજૂર

બે દિવસીય કેમ્પમાં ૨૨૦ લાભાર્થીઓ ઉમટ્યા: તા.૮-૯ ફરી કેમ્પ યોજાશે

અગ્ર ગુજરાત, રાજકોટ

રાજકોટ મહાનગરપાલિકા દ્રારા ગુજરાત લીવેલી હૂડસ મિશન ગાંધીનગરના માર્ગદશન અન્વયે ભારત સરકારની “PM SVANidhi” યોજનાના વધુ અસરકારક અમલીકરણ માટે જુન, ૨૦૨૬માં કેમ્પેઇન મોડમાં કામગીરી કરવામાં આવેલ જે અન્વયે રાજકોટ મહાનગરપાલિકા દ્રારા મહાત્મા ગાંધી મ્યુઝીયમ, જયુબેલી ગાર્ડન, રાજકોટ ખાતે “લોક કલ્યાણ મેળા”નું આયોજન કરવામાં આવેલ હતું. આ કેમ્પમાં ૨૨૦ લાભાર્થીઓએ લાભ લીધેલ તેમજ કેમ્પના સ્થળ પર ૧૮૭ લોન અરજીઓ મંજુર કરવામાં આવેલ. આ ઉપરાંત આગામી તા.૦૮/૦૬/૨૦૨૬ તથા તા.૦૯/૦૬/૨૦૨૬ના રોજ શ્રી મહાત્મા ગાંધી મ્યુઝીયમ ખાતે કેમ્પનું આયોજન થશે.

આ યોજનામાં સમગ્ર રાજકોટ શહેરના હોકર્સ ઝોન તથા શહેરના છુટાછવાયા સ્થળે ફેરી કરતા મહત્તમ શેરીફેરિયાઓને લાભ મળી રહે તે હેતુસર નવા લાભાર્થીઓ માટે લોન ફોર્મ ભરવા તથા જે લાભાર્થીઓની લોન અરજી બેંક લેવલે મંજુરી માટે પેન્ડીંગ છે તેમની અરજીઓના નિકાલ, લોન મેળવેલ ફેરિયાઓ માટે રાજકોટ મહાનગરપાલિકા દ્વારા PM SVANidhi યોજનાના કેમ્પનું આયોજન કરવામાં આવેલ.

આ PM SVANidhi યોજનાના કેમ્પમાં PM SVAnidhi યોજનામાં અલગ-અલગ બેંકોમાં પેન્ડીંગ રહેલ મહતમ લોન અરજીઓ મંજુર થાય તે માટે તમામ બેંકોનાં અધિકારીશ્રીઓને કેમ્પમાં હાજર રાખી કેમ્પના સ્થળે જ લોન અરજીઓ મંજુર કરવા માટે આયોજન કરેલ સાથોસાથ લોન મંજુરી કેમ્પની સાથે જે ફેરિયાઓ લોન લેવા ઈચ્છુક હોય તેવા લાભાર્થીઓ માટે નવી લોન અરજીઓ પણ કેમ્પના સ્થળ ઉપર કરવામાં આવેલ હતી.

વિશેષમાં, ડીજીટલ પેમેન્ટને પ્રોત્સાહન મળી રહે તે માટે શેરીફેરિયાઓનુ બેકો તથા ફોન-પે તેમજ પે.ટી.એમ.ના એગ્રીગેટર દ્વારા ડીજીટલ ઓન બોર્ડીંગ કરી કેશબેક અંગેની સમજ પણ આપવામાં આવેલ.

આ કેમ્પમાં બેંક ઓફ ઇન્ડિયા, કોટક મહિન્દ્રા બેંક, એચ.ડી.એફ.સી. બેંક, સેન્ટ્રલ બેંક ઓફ ઇન્ડિયા, ઇન્ડીયન ઓવરસીસ બેંકના પ્રતિનિધિઓ ઉપસ્થિત રહેલ હતા.

આ પી.એમ. સ્વનિધિ યોજનાના કેમ્પના સફળતાપૂર્વક આયોજન માટે રાજકોટ મહાનગરપાલિકા સેન્ટ્રલ ઝોનના નાયબ કમિશનર એસ. જે. ધડુક, સહાયક કમિશનર વી.ડી.ઘોણીયા તથા પ્રોજેક્ટ ઓફિસર આર. એમ. ગામેતી દ્વારા જહેમત ઉઠાવવામાં આવેલ.