ગીર ગઢડા ગામે 27 લાખના ગાંજાનો જથ્થો ઝડપાયો
પોલીસે NDPS હેઠળ કાર્યવાહી કરી વયોવૃદ્ધની અટકાયત
અગ્ર ગુજરાત, ઊના
ગીર સોમનાથ જિલ્લાના ગીર ગઢડા પોલીસ સ્ટેશન વિસ્તારમાંથી રૂ. 27.66 લાખની કિંમતનો 55 કિલોથી વધુ વનસ્પતિજન્ય ગાંજાનો વિશાળ જથ્થો ઝડપાયો છે. ગીર સોમનાથ પોલીસે NDPS એક્ટ હેઠળ આ મોટી કાર્યવાહી કરી છે, જેમાં 75 વર્ષીયએકઆરોપીની ધરપકડ કરવામાં આવી છે.
SOG ઇન્ચાર્જ પોલીસ ઇન્સ્પેક્ટર ડી.એમ. કાગડા અને SOG સ્ટાફ ગીરગઢડા પોલીસ સ્ટેશન વિસ્તારમાં પેટ્રોલિંગ કરી રહ્યા હતા.પેટ્રોલિંગ દરમિયાન ASI સરમણભાઈ ભોપાભાઈ, HC ગોપાલસિંહ દિપસિંહ અને અભેસિંહ ભવાનભાઈને અંગત બાતમીદાર પાસેથી માહિતી મળી હતી. આ બાતમીના આધારે ગીરગઢડાના ઢોરા શેરી, ઉના રોડ પર આવેલા એક રહેણાંક મકાનના વાડામાં NDPS એક્ટ મુજબ રેઇડ કરવામાં આવી હતી.રેઇડ દરમિયાન, આરોપીના રહેણાંક મકાનના વાડામાંથી આશરે 0.5 ફૂટથી 4 ફૂટ લંબાઈના નાના-મોટા વનસ્પતિજન્ય ગાંજાના છોડનો મોટો જથ્થોમળી આવ્યો હતો. તેનું કુલ વજન 55 કિલો 320 ગ્રામ હતું, જેની બજાર કિંમત રૂ. 27, 66, 000 આંકવામાં આવી છે. આ ઉપરાંત, રૂ. 5,000 ની કિંમતનો સેમસંગ કંપનીનો એક એન્ડ્રોઇડ મોબાઇલ ફોન પણ જપ્ત કરવામાં આવ્યો હતો. કુલ મુદ્દામાલ રૂ. 27,71,000 સાથે આરોપી ભીખાભાઈ અતુભાઈ મકવાણા (ઉંમર 75 વર્ષ, ધંધો: કડીયાકામની મજુરી, રહે: ગીર ગઢડા ઢોરા શેરી, ઉના રોડ) ને ઝડપી પાડવા માં આવ્યો હતો. તેની સામે ગીર ગઢડા પોલીસ સ્ટેશન ખાતે NDPS એક્ટની કલમ 8(C) અને 20(2)(C) મુજબ ગુનો નોંધવામાં આવ્યો છે.
