રાજસ્થાન રોયલ્સના બોલર જોફ્રા આર્ચરના નામે એક શરમજનક રેકોર્ડ નોંધાયો છે. તે IPLના ઈતિહાસમાં સૌથી મોંઘો સ્પેલ ફેંકનાર બોલર બની ગયો છે. તેને સનરાઈઝર્સ હૈદરાબાદ સામેની મેચમાં 4 ઓવરમાં 76 રન આપ્યા.
આ મામલે તેને ભારતીય બોલર મોહિત શર્માને પાછળ છોડી દીધો છે. IPL 2024 માં ગુજરાત ટાઈટન્સ તરફથી રમતા મોહિતે દિલ્હી કેપિટલ્સ સામેની મેચમાં 73 રન આપ્યા હતા.
આ રીતે 4 ઓવરમાં 76 રન બન્યા
આર્ચર માટે તે ખૂબ જ ખરાબ દિવસ હતો. તેને ઈનિંગની 5મી ઓવરમાં પોતાનો સ્પેલ શરૂ કર્યો. જ્યારે પોતાની ઘાતક બોલિંગ માટે પ્રખ્યાત જોફ્રા આર્ચરે પહેલી ઓવરમાં 23 રન આપ્યા, ત્યારે બધા ચોંકી ગયા. કેપ્ટન રિયાન પરાગ તેને 11મી ઓવરમાં ફરીથી બોલમાં લાવ્યો જેમાં તેને 12 રન આપ્યા. આર્ચરે 2 ઓવરમાં 35 રન આપ્યા હતા.
જ્યારે ત્રીજી ઓવર આવી ત્યારે ઈશાન કિશન અદ્ભુત શોટ ફટકારી રહ્યો હતો. આર્ચરે પોતાના સ્પેલની ત્રીજી ઓવરમાં 22 રન આપ્યા. તેને બોલિંગમાં માત્ર 3 ઓવરમાં અડધી સદી ફટકારી હતી. આર્ચર પોતાના ટૂંકા રન-અપ અને ઝડપી ગતિથી બોલિંગ કરે છે. તેને પોતાના સ્પેલની છેલ્લી ઓવરમાં 23 રન પણ આપ્યા. આમ આર્ચરે તેના 4 ઓવરના સ્પેલમાં 76 રન આપ્યા.
એક જ સ્પેલમાં સૌથી વધુ રન આપનારા બોલરો
જોફ્રા આર્ચર એક સ્પેલમાં સૌથી વધુ રન આપનાર બોલર છે. જ્યારે મોહિત શર્માએ પોતાના 4 ઓવરના સ્પેલમાં 73 રન આપ્યા છે. આ લિસ્ટમાં ત્રીજા સ્થાને બેસિલ થંપી છે, જેને વર્ષ 2018 માં એક જ સ્પેલમાં 70 રન આપ્યા હતા. યશ દયાલે પોતાના સ્પેલમાં 69 રન આપ્યા અને રીસ ટોપલીએ પણ એક સ્પેલમાં 68 રન આપ્યા.
- જોફ્રા આર્ચર – 76 રન
- મોહિત શર્મા – 73 રન
- બાસિલ થંપી – 70 રન
- યશ દયાલ – 69 રન
- રીસ ટોપલી – 68 રન
