જૂનાગઢના ધારા મર્ડર પ્રકરણમાં સુરજ ભુવાજી સહિત પાંચ આરોપીઓને આજીવન
ત્રણનો નિર્દોષ છુટકારો : ૨૦૨૨માં બનેલ ઘટનામાં જૂનાગઢ કોર્ટનો ચૂકાદો
અગ્ર ગુજરાત, જૂનાગઢ
ગુજરાતના ચકચારી ધારા કડીવાર હત્યા કેસમાં જૂનાગઢ સેશન્સ કોર્ટે સુરજ ભુવાજી સહિત પાંચ આરોપીને આજીવન કારાવાસની સજા ફટકારી છે. જ્યારે ત્રણ આરોપીઓનો નિર્દોષ છુટકારો થયો છે. સોશિયલ મીડિયા પર એક્ટિવ રહેતી 22 વર્ષીય ધારા કડીવાર સુરજ ભુવાજીના સંપર્કમાં આવી હતી. સુરજ પોતે પરિણીત અને બે સંતાનોનો પિતા હોવા છતા ધારા અને સુરજ લિવઈનમાં રહેવા લાગ્યા હતા. પરતં, બાદમાં બંને વચ્ચે એટલા ઝઘડા વધી ગયા હતા કે સુરજ ભુવાજીએ અન્ય લોકો સાથે મળી ધારાને કાયમ માટે પોતાની જિંદગીમાંથી દૂર કરી દેવાનું કાવતરું ઘડ્યું હતું અને બે પ્લાન તૈયાર કર્યા હતા.
પ્લાન મુજબ આરોપીઓ જૂન,2022માં ધારાને લઈ અમદાવાદ આવવા નીકળ્યા હતા અને અમદાવાદ-રાજકોટ હાઈવે પર ચોટીલા નજીક સુરજ ભુવાજીની વાડીએ ધારાને લઈ ગયા હતા. જ્યાં ગળેટૂંપો આપી હત્યા નિપજાવી લાશનો સળગાવી નાખવામાં આવી હતી.જો કેસ, વાત આટલેથી અટકી ન હતી અને આ હત્યાનો ભેદ ક્યારેય પણ ન ખુલ્લે તે માટે ફિલ્મી સ્ટોરીને ટક્કર મારે એવો પ્લાન ઘડી કાઢ્યો હતો. જો કે, જે તે સમયે પોલીસે તપાસ કરી હત્યાનો ભેદ ઉકેલી આઠ આરોપીઓને ઝડપી પાડ્યા હતા. જે કેસ જૂનાગઢ સેશન્સ કોર્ટમાં ચાલી જતા સુરજ ભુવાજી સહિત પાંચ આરોપીઓને આજીવન કેદની સજા ફટકારી છે. જ્યારે 3 આરોપીઓને નિર્દોષ છુટકારો થયો છે.
સૂરજ સોલંકી નામનો એક શખસ જૂનાગઢમાં રહેતો હતો. લોકોને દોરા-ધાગા અને કેટલીક વિધિ કરી આપતો હોવાના કારણે તેની એક ઓળખ ભૂવાજી તરીકેની પણ હતી. કેટલાક સમય પહેલાં સૂરજ સોશિયલ મીડિયાના માધ્યમથી ધારા નામની 22 વર્ષની એક યુવતીના સંપર્કમાં આવ્યો હતો. સૂરજ પોતે પરિણીત છે અને તેને બાળકો પણ છે, પરંતુ ધારા અને સૂરજ વચ્ચે સંબંધો એટલા વધ્યા કે બન્ને અલગ મકાન ભાડે રાખીને લિવ-ઈન રિલેશનશિપમાં રહેવા લાગ્યાં હતાં.’
બનાવ સમયે પોલીસના જણાવ્યા મુજબ, ધારા સોશિયલ મીડિયા પર ઘણી સક્રિય રહેતી હતી. પોતાના મોજશોખ પૂરા કરવા માટે કપડાં અને મોબાઈલ જેવી વસ્તુ લેવા માટે તે સૂરજ પાસે રૂપિયાની માગણી કરતી રહેતી. વળી, જ્યારે સૂરજ તેની પત્ની અને બાળકોને મળવા જવાની વાત કરે ત્યારે પણ બન્ને વચ્ચે ઝઘડા થતા હતા. ધારા પોતાના હાથ પર તીક્ષ્ણ હથિયારના ઘા મારીને સૂરજને તેના પરિવાર પાસે જવા ન દેવા દબાણ કરતી હતી. આખરે બન્ને વચ્ચે ઝઘડા વધતા ગયા અને તેનું એક ગંભીર પરિણામ આવ્યું અને ધારાની હત્યા કરવામાં આવી હતી. તેનો જૂનાગઢ કોર્ટમાં ચૂકાદો આવ્યો હતો અને આરોપીઓને આજીવન ફાંસીની સજા ફટકારવામાં આવી છે.
