નોઇડાની હવા બની ઝેરી, વાયુ પ્રદૂષણમાં દિલ્હીને પણ પાછળ છોડ્યુ

• નોઇડાએ વાયુ પ્રદૂષણમાં દિલ્હીને પાછળ છોડ્યુ
  
• નોઇડાની હવા બની ઝેરી
  
• આજે પ્રદૂષણ આંક 397 નોંધાયો
  

ઠંડીની શરૂઆત થઇ ગઇ છે. વહેલી સવારે ઠંડા પવનોની સાથે ઠંડીનો ચમકારો અનુભવાઇ રહ્યો છે. ત્યારે વાત કરીએ દિલ્હીના વાતાવરણની તો અહીં ફરી એકવાર દિલ્હી NCR વિસ્તારના લોકોનો શ્વાસ રૂંધાવા લાગ્યો છે. દિવસેને દિવસે આ વિસ્તારની હવા વાયુ પ્રદૂષણને કારણે વધુ ઝેરી બની રહી છે. નોઈડાએ ગુરુવારે પ્રદૂષિત હવાના મામલામાં દિલ્હીને પાછળ છોડી દીધું છે. અહીંનો AQI દિલ્હી કરતાં ઘણો આગળ વધી ગયો છે જે લોકો માટે ચિંતાનો વિષય છે.

આજનો AQI શું છે ?

મળતી માહિત અનુસાર ગુરુવારે નોઈડાએ પ્રદૂષિત હવાના મામલે દિલ્હીને ઘણું પાછળ છોડી દીધું છે. આ વિસ્તારનો AQI 397 નોંધવામાં આવ્યો છે. રાજધાની દિલ્હીની વાત કરીએ તો અહીં AQI- 343 રેકોર્ડ કરવામાં આવ્યો છે. તમને જણાવી દઈએ કે આ બંને આંકડાઓ અત્યંત ગરીબ શ્રેણીમાં રાખવામાં આવ્યા છે.

દિલ્હીમાં ડીઝલ બસો માટે નો એન્ટ્રી

વાયુ પ્રદૂષણની સમસ્યાને ધ્યાનમાં રાખીને દિલ્હીની કેજરીવાલ સરકારે મોટો નિર્ણય લીધો છે. સરકારે બુધવારથી રાજ્યમાં ડીઝલ બસોના પ્રવેશ પર રોક લગાવી દીધી છે. દિલ્હીના પર્યાવરણ મંત્રી ગોપાલ રાયે આ મામલે માહિતી આપી છે. તેમણે રાજ્ય સરકારોને વિનંતી કરી કે તેઓ તેમના ડેપોમાંથી માત્ર CNG, ઇલેક્ટ્રિક અથવા BS-VI બસો ચલાવે જેથી મુસાફરોને કોઈ સમસ્યાનો સામનો ન કરવો પડે.

GRAP-2 અમલમાં છે

દિલ્હીના પર્યાવરણ મંત્રી ગોપાલ રાયે ગઈ કાલે માહિતી આપી હતી કે વધતા પ્રદૂષણને કારણે રાજ્યમાં આવનારા 15-20 દિવસ ખૂબ જ ગંભીર રહેવાના છે. તમને જણાવી દઈએ કે રાજધાનીમાં પ્રદૂષણની ગંભીર સ્થિતિને જોતા દિલ્હી સરકારે GRAP-2 લાગુ કરવાનો નિર્ણય લીધો છે. આ નિર્ણય બુધવાર સવારથી લાગુ થઈ ગયો છે. તેનો હેતુ દિલ્હીમાં પ્રદૂષણને નિયંત્રિત કરવાનો છે.