રાજુલામાં બાપા સીતારામ સેવા સમિતિ દ્વારા ભવ્ય આયોજન આયોજિત બ્લડ કેમ્પમાં ૧૫૧ બોટલ રક્ત એકત્રિત
ઉનાળામાં લોહીની અછત પૂરી કરવા રક્તતાઓનો ભારે ઉત્સાહ,
અગ્ર ગુજરાત, રાજુલા
અમરેલી જિલ્લાના રાજુલા શહેરમાં આવેલ લોહાણા મહાજન વાડી ખાતે શ્રી બાપા સીતારામ સેવા સમિતિ દ્વારા મેગા બ્લડ ડોનેશન કેમ્પનું આયોજન કરવામાં આવ્યું હતું. આ કાર્યક્રમની શરૂઆત ધારાસભ્ય હીરાભાઇ સોલંકી તથા આમંત્રિત મહેમાનોના હસ્તે દીપ પ્રાગટ્ય કરીને કરવામાં આવી હતી. સામાન્ય રીતે ઉનાળાની કાળઝાળ ગરમીમાં બ્લડ બેંકોમાં લોહીની ભારે અછત સર્જાતી હોય છે. આવા સમયે જરૂરિયાતમંદ દર્દીઓને સમયસર લોહી મળી રહે તેવા ઉમદા હેતુથી ભાજપના આગેવાન અને સેવાભાવી યુવાન સાગરભાઇ સરવૈયા દ્વારા બ્લડ ડોનેશન કેમ્પનું સુંદર આયોજન કરવામાં આવ્યું હતું. અમદાવાદ સિવિલ હોસ્પિટલની ખાસ મેડિકલ ટીમ સહયોગ આપ્યો હતો. રક્તદાન એ જ મહાદાનના’ સૂત્રને સાર્થક કરતા રાજુલાના સેવાભાવી નાગરિકોએ ઉત્સાહભેર રક્તદાન કર્યું હતું જેમાં ૧૫૧ જેટલી બ્લડની બોટલો એકત્રિત કરવામાં આવી હતી. ઉલ્લેખનીય છે કે, રાજુલામાં છેલ્લા ચાર વર્ષથી કાર્યરત શ્રી બાપા સીતારામ સેવા સમિતિ માત્ર બ્લડ ડોનેશન જ નહીં, પરંતુ વૃક્ષારોપણ સહિતની અનેક સામાજિક અને સેવાકીય પ્રવૃત્તિઓ કરી રહી છે. આ પ્રસંગે રાજકીય-સામાજિક આગેવાનો, વિવિધ સંસ્થાના પ્રતિનિધિઓ અને સંતો-મહંતોએ ઉપસ્થિત રહીને રક્તદાતાઓનો ઉત્સાહ વધાર્યો હતો. આ પ્રસંગે જીલ્લા પંચાયતના કારોબારી ચેરમેન અરજણભાઇ વાઘ, બકુલભાઇ વોરા, હરસુરભાઇ લાખણોત્રા, મહેન્દ્રભાઇ ધાખડા, સંજયભાઇ ધાખડા, પ્રતાપભાઇ બેપારીયા, મુકેશભાઇ ગુજરીયા, કનુભાઇ કામળીયા, સુરેશભાઇ ધાખડા, ધીરૂભાઇ નકુમ, કાનાભાઇ ગોહિલ, વિજયભાઇ વાઘ, ધવલભાઇ દુધરેજીયા, રણછોડભાઇ મકવાણા, ભરતભાઇ જાની,વનરાજભાઇ ધાખડા, જયરાજભાઇ ધાખડા, સમીરભાઇ કનોજીયા, જયદીપભાઇ કોટીલા, ઇનુસભાઇ(પટેલ મોબાઇલ),
મેહુલભાઇ હરીયાણી, વીજયભાઇ વરૂ, મનોજભાઇ વ્યાસ, નિખિલભાઇ પ્રજાપતિ, હરશભાઇ જેઠવા, આર.કે સાયન્સ સ્કૂલના કમલેશભાઇ હડિયા તથા રમેશભાઇ બાંભણીયા સહિત મોટી સંખ્યામાં લોકો ઉપસ્થિત રહ્યાં હતાં.
