ઉના ગીર ગઢડા પંથકમાં વરસાદની એન્ટ્રી, ખેડૂતોમાં ખુશી
બેડીયામાં વૃક્ષ ધરાશાય, સનખડામાં વીજ શોર્ટ લાગવાથી નંદીનું મોત નીપજ્યું
અગ્ર ગુજરાત, ઉના
ઉના ગીર ગઢડા પંથક માં આજે બપોર બાદ અચાનક વાતાવરણ માં પલટો આવતા ભારે પવન સાથે ક્યાંક ધીમીધારે તો ક્યાંક ધોધમાર વરસાદ વરસી ગયેલ અને ખેતરો માંથી પાણી બહાર નીકળી ગયા હતા ગીર ગઢડા પંથક ના ધોકડવા,નીતલી,જસાધાર, બેડીયા, સહિત ના વિસ્તાર માં ધોધમાર વરસાદ વરસી ગયેલ વ્યાપક વરસાદ ના પગલે ખેડૂતો ના ચહેરા પણ હરખાઈ ગયા હતા તે સીવાય ઉના શહેર માં વરસાદી વાતાવરણ વચ્ચે અમી છાંટણાં વરસ્યા હતા પરંતુ તાલુકા ના સનખડા,ગાંગડા, પશવાળા, સામતેર નાંદરખ સહિત ના ગામો માં ધોધમાર વરસાદ વરસી ગયેલ અને ખેતરો માંથી પાણી વહેતા થઈ ગયા હતા કાગડોળે વરસાદ ની રાહ જોતા ખેડૂતો પણ વરસાદ ના આગમન ને વધાવ્યું હતું અને વાવણી કાર્ય ની તૈયારી કરવા લાગ્યા હતા જ્યારે બન્ને તાલુકા માં બપોર બાદ વરસાદી વાતાવરણ જોવા મળતું હતું અને સમયસર વરસાદ થી લોકો એ પણ રાહત ની લાગણી અનુભવી હતી ભારે પવન સાથે વરસાદ વરસતા ગીર ગઢડા તાલુકા ના બેડીયા ગામે વૃક્ષ ધરાશાય થયું હતું તેમજ સનખડા ગામ માં પણ ધોધમાર એક ઇંચ જેટલો વરસાદ વરસી જતા બસ સ્ટેન્ડ ની બાજુમાં આવેલ પી.જી.વી.સી. એલ ના સબસ્ટેશન જે બેન્ક ની સામે આવેલ હોય તેમાં વીજ શોર્ટ લાગતા નંદી મહારાજ નું ઘટનાસ્થળે મોત નીપજેલ હતું જ્યારે ગ્રામ્ય વિસ્તાર માં ક્યાંક ધોધમાર વરસાદ તો ક્યાંક ધીમીધારે વરસાદ વરસેલ બપોર ના સમયે ધોધમાર વરસાદ ભાવનગર હાઈવે પર વરસતા વાહનચાલકો પણ મુશ્કેલી માં મુકાયા હતા જ્યારે ગાંગડા થી સામતેર પાસે વરસાદ નો છાંટો પણ જોવા મળેલ નહીં બાદ માં સામતેર માં અમુક વિસ્તાર માં ધોધમાર વરસાદ તો બીજા વિસ્તાર માં ધીમીધારે વરસાદ વરસ્યો હતો જ્યારે તાલુકા ના નાંદરખ ગામ પણ ધોધમાર વરસાદ વરસી જતા ચારેકોર પાણી જોવા મળતું હતું આમ વરસાદ નું આગમન થતા નાઘેર વિસ્તાર ના લોકો એ રાહત અનુભવી હતી.
