અમરેલીમાં ૨૦૧૯ની સાપેક્ષમાં પાંચ ટકા મતદાન ઓછુ થયું

માત્ર ૫૦ ટકા લોકોએ જ મતદાનની ફરજ અદા કરી : પ૦.૭ ટકા મતદાન

અમરેલી લોકસભા બેઠક પર આકરા તાપમાં મતદારોએ જાણે બહાર નહી નીકળવાનું મન બનાવી લીધુ હોય તે મુજબ અમરેલીમાં ઓછુ મતદાન નોંધાયુ છે. ૫૦ ટકા જેટલા મતદારો પોતાની ફરજથી અળગા રહેતા જિલ્લાનું પ૦.૭ ટકા જ મતદાન નોંધાતા ૨૦૧૯ની સાપેક્ષમાં પાંચ ટકા મતદાન ઓછું થયું છે. જિલ્લામાં શરૂઆતથી જ રાજકીય પક્ષો વચ્ચે ગરમાગરમી જોવા મળી હતી. જો કે મતદારોએ પોતાની તાકાત બતાવતા રાજકીય  પક્ષો પણ થોડીવાર વિચારતા થઇ ગયા છે. જો કે ભાજપના ઉમેદવારે પોતાની જીત થશે તેવો વિશ્વાસ વ્યકત કર્યો હતો તો કોંગ્રેસ ઉમેદવારે પણ ખાતુ ખોલાવવાનું આશાવાદ વ્યકત કર્યો છે.

અમરેલી લોકસભા બેઠક પર કુલ ૧3૭૧ મતદાન મથકો પર મતદાન યોજાયું હતું. જિલ્લામાં સૌથી વધુ મતદાન વિધાનસભા સીટ વાઇઝ કરવા જોઇએ. તો અમરેલી વિધાનસભા ૪૯.૦૪, ધારી વિધાનસભા ૪૬.૦૮, ગારીયાધાર વિધાનસભા ૪૭.૪3, લાઠી વિધાનસભા ૪૯.૫૦, મહુવા વિધાનસભા ૫૮.૨૨, રાજુલા વિધાનસભા ૫૨.૯૮, સાવરકુંડલા વિધાનસભા ૪૬.૯૫ ટકા જેટલું મતદાનના આંકડાઓ સામે આવ્યા હતા. ગત વખતે પપ.૫૭ ટકા મતદાન થયું હતું. તો આ વખતે ૫૦.૦૭ ટકા મતદાન થતાં ગત વખતની સરખામણી કરતાં પ.૯ ટકા જેટલું ઓછુ મતદાન નોંધાયુ હતું. તો સૌથી વધુ મતદાન મહુવા અને સૌથી ઓછુ મતદાન ધારી વિધાનસભા વિસ્તારમાં થયુ હતું. આ વખતે જબરદસ્ત કાર્યક્રમો પ્રશાસન દ્વારા કરવામાં આવ્યા હોવા છતાં ઓછુ મતદાન થતાં ખૂબ જ નિરાશાજનક બન્યો છે.

અમરેલી લોકસભા બેઠક પર ૨૦૦૯ બાદ સૌથી ખરાબ મતદાનની સ્થિતિ આ વખતે જોવા મળી હતી. ૨૦૦૯ની ચૂંટણી વખતે 3૯.૬૭ ટકા મતદાન નોંધાયુ હતું. ત્યારબાદ મતદાનની વાત કરીએ તો ૨૦૧૪માં ૫૪.૨૧ ટકા મતદાન, ૨૦૧૯માં ૫૫.૭૫ ટકા મતદાન નોંધાયુ હતું. તો આ વખતે ઓછું મતદાન જોવા મળ્યું હતું.

આ ચૂંટણીના મોકપોલ દરમિયાન બીયું-૭, સીયુ ૯ અને વીવીપેટ ૨૨ જેટલા બદલવામાં આવ્યા હતા તો ભાવનગર જિલ્લાના જેસર તાલુકાના રબારીકા ગામે ચૂંટણી બહિષ્કારની ચીમકી ઉચ્ચારવામાં આવી હતી. સવારથી જ મતદાનનો બહિષ્કાર કયો હતો. ગામ લોકોએ વિવિધ માંગણીઓને લઇને વિરોધ દર્શાવ્યો હતો. જો કે પ્રશાસન દ્વારા સમજાવટ કર્યા બાદ મામલો થાળે પડયો હતો અને મતદાન કરવામાં આવ્યું હતું.

અમરેલી લોકસભા બેઠક પર ૫૦.૦૮ ટકા મતદાન

બેઠકો      ૭થી૯      ૭થી૧૧    ૭થી૧      ૭થી3      ૭થીપ      ૭થી૬

ધારી       ૮.૬૦      ૧૯.૭૮    ૨૮.૧3     33.૪૬     ૪૧.૦3     ૪૬.૦૮

અમરેલી   ૮.૬૫      ૨૧.૫૦    3૧.૪૯     3૭.૭૫     ૪૪.૧૪    ૪૯.૦૪

લાઠી       ૯.૧૮      ૨૨.૪૧    3૧.૯૧     3૮.૧૫     ૪૫.૪૮    ૪૯.૫૦

સાવરકુંડલા ૮. 3૮    ૨૦.૭૭    ૨૯.૬૨    3૫.૦પ    ૪૧.૮૯    ૪૬.૭૫

રાજુલા     ૧૦.૨૧    ૨3.૬૨     33.૫૯     ૪૦.3૭     ૪૮.૬૮    ૫૨.૫૮

મહુવા      ૯.૦૪      ૨૨.૭૧    3૪.૯૨     ૪3.૬૮     ૫3. 3૮    ૫૮.૨૨

ગારીયાધાર ૯.૮3     ૨૨.૧૪    3૦.૦૯     3૫.૭૨     ૪3.૮૬     ૪૭.૪3

કુલ        ૯.૧3      ૨૧.૮૯    3૧.૪૮     3૭.૮૫     ૪૫.૫૯    ૫૦.૦૭