પેટ્રોલ સદી પાર, ડીઝલે પણ જનતાની કમર તોડી

આગમાં ઘી સમો ભાવવધારો

પેટ્રોલ સદી પાર, ડીઝલે પણ જનતાની કમર તોડી

11 દિવસમાં ચોથી વખત ઝાટકો : પેટ્રોલ-ડીઝલ રૂા.7.50થી વધુ મોંઘા થતાં હવે તમામ ચીજવસ્તુઓના ભાવ ભડકે બળશે

અગ્ર ગુજરાત, નવી દિલ્હી

મધ્ય પૂર્વમાં અમેરિકા-ઇરાન વચ્ચે વધતા યુદ્ધીય તણાવની સીધી અસર હવે ભારતીયોની જેબ પર પડી રહી છે. નવા સપ્તાહની શરૂઆત જ મોંઘવારીના મોટા ડોઝ સાથે થઈ છે. છેલ્લા 48 કલાકમાં બીજી વખત અને 11 દિવસમાં ચોથી વખત પેટ્રોલ-ડીઝલના ભાવમાં વધારો ઝીંકાતા સામાન્ય માણસ પર આર્થિક બોજ વધી ગયો છે.
આજે પેટ્રોલમાં પ્રતિ લીટર રૂા.2.61 અને ડીઝલમાં રૂા.2.79નો વધારો કરવામાં આવ્યો હતો. આ નવા વધારા સાથે પેટ્રોલનો ભાવ અનેક શહેરોમાં સદી પાર પહોંચી ગયો છે, જ્યારે ડીઝલ પણ 100ની નજીક પહોંચી રહ્યું છે. દિલ્હીમાં પેટ્રોલનો ભાવ રૂા.102.12 અને ડીઝલ રૂા.95.20 સુધી પહોંચ્યો હતો. મુંબઈમાં પેટ્રોલ રૂા.111.21 અને કોલકાતામાં રૂા.113.51 સુધી વેચાઈ રહ્યું છે.
પેટ્રોલીયમ કંપનીઓએ 15 મે બાદ સતત ચાર વખત ભાવવધારો કર્યો છે. અગાઉ 15 મેના રોજ રૂા.3નો, 19 મેના રોજ 90 પૈસા અને 23 મેના રોજ 91 પૈસાનો વધારો કરવામાં આવ્યો હતો. આજના વધારા સાથે માત્ર 11 દિવસમાં પેટ્રોલ-ડીઝલ રૂા.7.50થી 8 સુધી મોંઘા થઈ ચૂક્યા છે.
નિષ્ણાતોના મતે, વૈશ્વિક ક્રૂડ ઓઈલના વધતા ભાવ અને ભૌગોલિક-રાજકીય તણાવના કારણે આયાત ખર્ચ વધી રહ્યો છે. તેની સીધી અસર ટ્રાન્સપોર્ટેશન અને લોજિસ્ટિક્સ ખર્ચ પર પડશે. પરિણામે ફળ, શાકભાજી, દૂધ, અનાજ સહિતની આવશ્યક ચીજવસ્તુઓ પણ વધુ મોંઘી બનવાની શક્યતા છે.
ખેતી ખર્ચમાં વધારો થવાથી ખેડૂતો પર પણ બોજ વધશે. બીજી તરફ સતત વધી રહેલી મોંઘવારીને લઈને વિપક્ષોએ કેન્દ્ર સરકાર પર આકરા પ્રહારો કર્યા છે અને લોકોને “રિબાવીને મારવાની નીતિ” અપનાવવાનો આરોપ લગાવ્યો છે.

11 દિવસમાં ભાવવધારાનો સિલસિલો

15 મે – રૂા.3 વધારો
19 મે – 90 પૈસા વધારો
23 મે – 91 પૈસા વધારો
25 મે – પેટ્રોલ રૂા.2.61, ડીઝલ રૂા.2.79 વધારો
કુલ વધારો – રૂા.7.50થી વધુ

આજે નવા ભાવ કેટલા?

દિલ્હી – પેટ્રોલ રૂા.102.12
દિલ્હી – ડીઝલ રૂા.95.20
મુંબઈ – પેટ્રોલ રૂા.111.21
કોલકાતા – પેટ્રોલ રૂા.113.51

કેમ વધી રહ્યા છે ભાવ?

અમેરિકા-ઇરાન તણાવ
વૈશ્વિક ક્રૂડમાં તેજી
આયાત ખર્ચમાં વધારો
ઊર્જા બજારમાં અનિશ્ચિતતા

શું થશે સીધી અસર?

ટ્રાન્સપોર્ટેશન મોંઘું
ટ્રક ભાડામાં વધારો
લોજિસ્ટિક્સ ખર્ચ વધશે
બજારમાં ચીજવસ્તુઓ મોંઘી બનશે

કઈ ચીજો મોંઘી થઈ શકે?

દૂધ
શાકભાજી
ફળફ્રૂટ
અનાજ
FMCG વસ્તુઓ

ખેડૂતોને પણ ફટકો

ડીઝલથી ખેતી ખર્ચ વધશે
ટ્રેક્ટર અને પંપ ચલાવવાનો ખર્ચ વધશે
માલ વહન મોંઘું બનશે

સામાન્ય માણસ પર ડબલ માર

વાહન ખર્ચ વધ્યો
ઘરખર્ચમાં વધારો
મોંઘવારીનો બોજ વધ્યો
બચત પર અસર

વિપક્ષના સરકાર પર પ્રહાર

લોકોને રિબાવી રહી છે સરકાર
સતત ભાવવધારાનો વિરોધ
કરમાં રાહતની માંગ ઉઠી

આગળ પણ વધી શકે ભાવ!

વૈશ્વિક બજાર પર નજર
ક્રૂડમાં તેજી યથાવત
આગામી દિવસોમાં વધુ વધારો શક્ય

મોંઘવારીનો નવો ડોઝ

નવા સપ્તાહની શરૂઆત ઝાટકાથી
પેટ્રોલ સદી પાર
ડીઝલ પણ 100ની નજીક
જનતા પર વધતો આર્થિક બોજ