રોટરી કલબ ઓફ રાજકોટ રોયલ્સનો કાલથી પ્રારંભ
પ્રમુખ સહિતના હોદેદારોને ચાર્ટર સમારોહમાં સોંપાશે પદભાર : સેવાકાર્યો કરવાનો સંસ્થાનો સંકલ્પ : નવા હોદેદારો ‘અગ્ર ગુજરાત’ની શુભેચ્છા મુલાકાતે
અગ્ર ગુજરાત, રાજકોટ
વિશ્વભરમાં માનવતાવાદી સેવાઓ અને સામાજિક ઉત્થાન માટે અગ્રેસર એવી વિશ્વવિખ્યાત સંસ્થા રોટરી કલબની સેવાયાત્રામાં રાજકોટનું વધુ એક નવું સોપાન ઉમેરાવા જઇ રહ્યું છે. રોટરી કલબ ઓફ રાજકોટ પ્રાઇમના માર્ગદર્શન હેઠળ નવા રચાયેલા રોટરી કલબ ઓફ રાજકોટ રોયલ્સના ભવ્ય ચાર્ટર સમારોહનું આયોજન આવતીકાલ સાંજે ૭:3૦ કલાકે કરવામાં આવ્યું છે. આ નવા ચેપ્ટરના માધ્યમથી રાજકોટના અનેક પ્રતિષ્ઠિત નાગરિકો, તબીબો, વકીલો, ઉદ્યોગપતિઓ અને વિવિધ ક્ષેત્રના અગ્રણીઓ રોટરી પરિવારમાં જોડાવા જઇ રહ્યા છે. જેમના સહયોગથી આગામી સમયમાં માનવસેવાના અનેક પ્રકલ્પો સાકાર થશે.
આ પ્રસંગે રોટરી કલબ ઓફ રાજકોટ રોયફલ્સની નવી ટીમનું સત્તાવાર ચાર્ટરિંગ કરવામાં આવશે. જેમાં કલબના સ્થાપક પ્રમુખ તરીકે રોટેરિયન અશ્વિન ચોટલીસયા મો.૭૭૭૮૮૬૮૭૮૮ તેમજ સેક્રેટરી તરીકે રોટેરીયન રાજદીપ દાસાણી મો.૯૬૦૧૭ ૧૫૬૪૬ અને મેમ્બરશીપ ચેર તરીકે ધર્મેશ કલ્યાણીને પદભાર સોંપી સ્થાપિત કરવામાં આવશે. સમારોહના મુખ્ય અતિથિ અને ઇન્સ્ટોલિંગ ઓફિસર તરીકે રોટરી ડિસ્ટ્રીકટ 3૦૬૦ના પૂર્વ જિલ્લા ગર્વનર રોટેરિયન પીડીજી દીપક અગ્રવાલ ખાસ ઉપસ્થિત રહીને વિધિવત રીતે નવી ટીમની સ્થાપના વિધિ સંપન્ન કરાવશે.
આ ભવ્ય શપથસંગ્રહણ સમારોહમાં રાજકીય, સામાજીક, શૈક્ષણિક અને અગ્રણી ઉદ્યોગ જગતના નામાંકિત મહાનુભાવો તેમજ વિશિષ્ટ સમાજ શ્રેષ્ઠીઓ બહોળી સંખ્યામાં ઉપસ્થિત રહીને નવી ટીમને પ્રોત્સાહિત કરશે.
નવનિર્મિત કલબ દ્વારા આગામી વર્ષ દરમિયાન હાથ ધરાનારા સેવાકીય કાર્યોનો એજન્ડા પણ નક્કી કરવામાં આવ્યો છે. જે અંતર્ગત સમાજના છેવાડાના પછાત ગામોને દત્તક લઇ ત્યાં સંપૂર્ણ સાક્ષરતા અભિયાન ચલાવવામાં આવશે. આ સાથે જ નવી પેઢીના બાળકોને વ્યસનમુકિત અને ખરાબ આદતોથી મુકત કરી એક સુસંસ્કારી સમાજની રચના થાય તેવા સઘન પ્રયાસો હાથ ધરાશે. તેમજ યુવાધનને દરેક તહેવારોનું ધાર્મિક-સાંસ્કૃતિક મહત્વ સમજાય તે માટે વિશેષ માર્ગદર્શન પુરૂ પાડવામાં આવશે. મહિલા આરોગ્યને પ્રાધાન્ય આપીને પછાત વિસ્તારની કિશોરીઓ તથા બાળાઓને સેનેટરી પેડનું વિનામુલ્યે વિતરણ અને સ્વાસ્થય વિષયક જાગૃતિ લાવવામાં આવશે.
વર્તમાન સમયની સૌથી વિકટ સમસ્યા ગ્લોબલ વોર્મિંગ સામે લડવા માટે કલબ દ્વારા વ્યાપક પ્રમાણમાં વૃક્ષારોપણ કરીને ગ્રીન રાજકોટ અભિયાન વેગવંતુ બનાવાશે. જેની સાથે પાણીના બચાવ અને શૃધ્ધિકરણને લગતા પ્રોજેકટસ પણ ચલાવવામાં આવશે. આ ઉપરાંત ઋગુવત સેવાઓ અંતર્ગત શિયાળામાં જરૂરીયાતમંદોને ધાબળા-સ્વેટર, ઉનાળામાં સ્લીપર તેમજ છાશ વિતરણ અને ગરીબ વિદ્યાર્થીઓને શૈક્ષણિક પ્રોત્સાહન પુરૂ પાડવા માટે સ્કુલબેગ, વોટરબેગ તેમજ ચોપડાઓનું વિતરણ કરવામાં આવશે. રોટરી કલબ ઓફ રાજકોટ પ્રાઇમના પ્રમુખ રોટેરીયન નિહાર ચંદારાણા, માનદ સચિવ રોટેરીયન પીએચએફ મેહુલ પરમાર તથા જીએસઆર રોટેરીયન વિશાલ સરવૈયાએ તમામ રોટરી પરિવારના સભ્યો તેમજ આમંત્રીત મહેમાનોને સમારોહમાં હાજર રહી નવી ટીમને પ્રોત્સાહન પુરૂ પાડવા અનુરોધ કર્યો છે. તેમ ‘અગ્ર ગુજરાત’ની મુલાકાતે આવેલા સંસ્થાના પ્રમુખ રોટેરિયન અશ્વિન ચોટલીયા, સેક્રેટરી રોટેરિયન રાજદીપ દાસાણી જયભારત ધામેચા, રક્ષિણ સિનરોજા અને સુમિત ઘેલાણીએ જણાવ્યું હતું.
