ફરસાણની દુકાનમાંથી પશુ આહાર લખેલ પેકેટ મળ્યા, ત્રણ પેઢી સીલ

ફરસાણની દુકાનમાંથી પશુ આહાર લખેલ પેકેટ મળ્યા, ત્રણ પેઢી સીલ

કેસર ફુડ પ્રોડક્ટસમાંથી ૧૦૨૦ કિલો અખાદ્ય, શાહ ફૂડમાંથી ૫૯૭૨ કિલો વિવિધ ફ્લેવરના એસન્સના કેન, તારીખ વગરનો ૨૦૦૦ લિટર જથ્થો, શ્રીનાથજી ટ્રેડીંગમાંથી વિવિધ મસાલાનો ૫૬૦૦ કિલો શંકાસ્પદ જથ્થો મળ્યો

મેંગો પાવડર, ધાણાજીરૂ, હળદર, મરચું, માવો, મલાઈ અને દુધનો નમુનો લેવાયો, ૧૨ પેઢીને લાઈસન્સ માટે નોટીસ: ૭૫ સ્થળે મનપાનો દરોડો, વહીવટી ચાર્જ વસુલાયો

અગ્ર ગુજરાત, રાજકોટ

રાજકોટ મહાનગરપાલિકાના આરોગ્ય શાખાના ફૂડ વિભાગ દ્વારા ખાદ્ય પદાર્થોમાં થતી ભેળસેળ અને ગંદકી સામે કડક કાર્યવાહી અર્થે સર્વેલન્સ ચેકિંગ દરમિયાન કુલ મળી 75 પેઢી, રેસ્ટોરન્ટ ની તપાસ કરી કુલ 1020 Kg અખાદ્ય, વાસી જથ્થાનો નાશ કરી કુલ 12 પેઢીને સ્ટોરેજ, લાઇસન્સ, હાઈજેનિક કન્ડિશન બાબતે નોટિસ આપી કૂલ રૂ.34,500/- નો વહીવટી ચાર્જ વસૂલવામાં આવેલ. 10 સેમ્પલ લેવામાં આવેલ તેમજ 03 પેઢીને સીલ કરવામાં આવેલ.

વાવડી ગામથી આગળ, ઇન્ડસ્ટ્રીયલ એરીયા, ગોપાલ હોટલ વાળી શેરી, રાજકોટ મુકામે આવેલ “કેસર ફૂડ પ્રોડક્ટસ” પેઢીને સીલ કરવામાં આવેલ. પેઢીની તપાસ કરતા ખાદ્યચીજોની બનાવટમાં રો-મટિરિયલ તરીકે વપરાતા લોટના પેકિંગ પર પશુ આહાર તરીકે પ્રિન્ટ કરેલ જોવા મળેલ તેમજ પેઢીમાં ઉત્પાદન કરેલ ફરસાણ અનહાઈજીનીક રીતે જમીન પર રાખેલ જોવા મળેલ. મીઠાશક્કરપારા તથા લોટ કુલ મળી અંદાજિત 1020 kg અખાધ્ય જથ્થાનો નાશ કરી સ્ટોરેજ અને હાઇજિનિક કન્ડિશન બાબતે નોટિસ આપેલ તથા  ₹5000/- નો વહીવટી ચાર્જ વસૂલ કરેલ. તેમજ પેઢીમાંથી મીઠાશક્કરપારા (લુઝ) તથા સુગર પાવડર (લુઝ) ના કુલ 2 નમૂના લેવામાં આવેલ.

‘અરિહંત’, વિજય પ્લોટ-18, ગોંડલ રોડ, રાજકોટ મુકામે આવેલ “શાહ ફૂડ પ્રોસેસિંગ પ્રાઈવેટ લિમિટેડ” પેઢી સીલ કરવામાં આવેલ. પેઢીની તપાસ કરતા પેઢીમાં ટેકનિકલ પર્સનની ગેરહાજર જોવા મળેલ. તેમજ ઉત્પાદન અંગેનો બેચવાઇઝ કોઈ રેકર્ડ નિભાવતા ન હોવાનું જાણવા મળેલ. પેઢીમાં સંગ્રહ કરેલ પ્રીમિક્સ માટેના એસન્સ,  FSS Act-2006 અન્વયેના લેબલ વગરનો જથ્થો તેમજ વેચાણ માટે માટે સંગ્રહ કરેલ ટી- કોફી પ્રીમિક્સ, સોફ્ટ ડ્રિંક કોન્સ્ટ્રેટ, ફૂડ એડીટિવ્સ, પ્રિસેર્વેટિવ, સોડા મસાલા, વગેરેનો કુલ મળી 5972 kg અલગ-અલગ ફ્લેવરના એસન્સના કેન ઉત્પાદન/ એક્સપાયરી ડેટ વગરનો કુલ મળીને અંદાજિત 2000 લિટર જથ્થો સ્થગિત કરી પેઢીને સીલ કરવામાં આવેલ. તેમજ પેઢીમાં સંગ્રહ કરેલ ચીજો અનહાઈજેનિક રીતે સ્ટોરેજ કરેલ જે બાબતે પેઢીને નોટિસ આપવામાં આવેલ.  ₹10,000/- નો વહીવટી ચાર્જ વસૂલ કરેલ તેમજ પેઢીમાંથી મેંગો પાવડર (લુઝ) તથા સ્વિટનર(લુઝ) ના કુલ 2 નમૂના લેવામાં આવેલ.

જય ખોડીયાર મકાનમાં વિજય પ્લોટ-18, ગોંડલ રોડ, રાજકોટ મુકામે આવેલ “શ્રીનાથજી ટ્રેડિંગ” પેઢી સીલ કરવામાં આવેલ. પેઢીની તપાસ કરતા પેઢીમાં ઉત્પાદન અંગેનો બેચવાઇઝ કોઈ રેકર્ડ નિભાવતા ન હોવાનું જાણવા મળેલ. પેઢીમાં સંગ્રહ કરેલ પોતાની અલગ અલગ બ્રાન્ડમાં પેકિંગમાં મસાલાના પાવડર FSS Act-2006 અન્વયેના લેબલ વગરનો પડતર જથ્થો તેમજ વેચાણ માટે માટે સંગ્રહ કરેલ મરચું પાવડર, હળદર પાવડર, ધાણાજીરું પાવડર, વગેરેનો કુલ મળી અંદાજિત 5600 kg  શંકાસ્પદ જથ્થો સ્થગિત કરવામાં આવેલ તેમજ પેઢીમાં સંગ્રહ કરેલ ચીજો અનહાઈજેનિક રીતે સ્ટોરેજ કરેલ જે બાબતે પેઢીને નોટિસ આપવામાં આવેલ. ₹10,000/- નો વહીવટી ચાર્જ વસૂલ કરેલ તેમજ પેઢીમાંથી હળદર પાવડર (લુઝ) મરચું પાવડર (લુઝ) અને ધાણાજીરું પાવડર (લુઝ) ના કુલ 3 નમૂના લેવામાં આવેલ. ઉપરાંત ખોડલ ડેરી ફાર્મ: શ્રદ્ધા પાર્ક, ડી-માર્ટ વાળો રોડ, લાઇસન્સ બાબતે નોટિસ આપેલ તેમજ ₹500/-વહીવટી ચાર્જ વસૂલ કરેલ તથા માવો(લુઝ)નો નમૂનો લેવામાં આવેલ. શ્યામ ડેરી ફાર્મ: શ્રદ્ધા પાર્ક, ડી-માર્ટ વાળો રોડ, મલાઈ (લુઝ) નો નમૂનો લેવામાં આવેલ.  અરમાન ડેરી ફાર્મ: શ્રદ્ધા પાર્ક, ડી-માર્ટ વાળો રોડ, ભેંસ દૂધ(લૂઝ) નો નમૂનો લેવામાં આવેલ.

ઉમિયા ચોકમાં આવેલ ગાત્રાળ કોલ્ડ્રિંક્સ,  ધારેશ્વર ડેરી ફાર્મ, યુવરાજ પાંઉભાજી, ભૈરુનાથ કોલ્ડ પાણીપુરી, બ્રહ્માણી કરિયાણા સ્ટોર, પટેલ પાન & કોલ્ડ્રિંક્સ, શ્રીજી અનાજ કરિયાણા ભંડાર, મિલન ખમણ, ભગવતી સ્વીટ માર્ટ, બજરંગ ડેરી ફાર્મ, શ્રી મંદિર કોલ્ડ્રિંક્સ, પટેલ શાક, પટેલ લાઈવ ખાજલી, સદગુરુ ડેરી ફાર્મ, ખોડિયાર જનરલ સ્ટોર,  શ્રી બાલમુકુન્દ કરિયાણા, COCONUT ડ્રાયફ્રૂટ, બાપા સીતારામ ઘૂઘરા, પ્રમુખ એન્ટરપ્રાઇઝ (અવધ ડિસ્ટ્રીબ્યુટર), પટેલ ડાઇનિંગ હોલ, જય બાલાજી ડાઇનિંગ હોલ, જય બાલાજી ઘૂઘરા, બોમ્બે સ્ટાઇલ પાણીપુરી, ગાંધી સોડા શોપ, ખેતલાઆપા કોલ્ડ્રિંક્સ, શિવશંકર રેસ્ટોરન્ટ, યુનિવર્સિટી રોડ પરહરિકૃષ્ણ દાળ પકવાન,  શ્રી ગણેશ ખમણ, શ્રી ગુરુકૃપા જમણવાર, જયશંકર દાળ પુરી, ફુલ ક્રીમ સ્નેક્સ એન્ડ આઈસ્ક્રીમ, રાજ શક્તિ ફરસાણ એન્ડ સ્વીટ, જલારામ સિંગ એન્ડ નમકીન, શક્તિ સિંગ એન્ડ નમકીન, પટેલ પાન એન્ડ કોલ્ડ્રિંક્સ, ટી. ડોટ. કોમ, જલારામ ફાસ્ટ ફૂડ, જય જોગમાયા રેસ્ટોરન્ટ, ટ્વિલાઈટ કોલ્ડ્રિંક્સ, જય જલારામ ખમણ, બીપીન રેસ્ટોરન્ટ, જયશંકર દાલપુરી, શ્રદ્ધા પાર્કમાં Sky Bubbles, શ્રી ઘૂઘરા & દાળ-પકવાન, યશ સેલ્સ એજન્સી બોમ્બે ચોપાટી આઇસક્રીમ, બોમ્બે પાઉંભાજી, હિરલ સેલ્સ એજન્સી, શ્રી ખોડિયાર ખમણ લાઈવ ઢોકળા, ગુરુકૃપા સ્વીટ, માં જાનકી ખીરુ, મારવાડી પાણીપુરી, કૃષ્ણ નમકીન, S.S. દાળપકવાન, દિલખુશ પાણીપુરી, ખોડિયાર સોડા શોપમાં દરોડો પાડવામાં આવ્યો હતો.