ચોમાસું અડધું વીત્યું છતાં રાજકોટ કોરૂધાકોર: સિઝનનો માત્ર ૧૫ ઇંચ વરસાદ

ચોમાસું અડધું વીત્યું છતાં રાજકોટ કોરૂધાકોર: સિઝનનો માત્ર ૧૫ ઇંચ વરસાદ

૨૬ ઓગસ્ટ સુધી ભારે વરસાદની કોઈ શક્યતા નહીં, બફારો યથાવત રહેશે; ઓગસ્ટના અંતમાં મેઘરાજાના નવા રાઉન્ડની આશા

અગ્ર ગુજરાત, રાજકોટ

રાજકોટમાં ચાલુ વર્ષે ચોમાસાની અડધી સિઝન પૂર્ણ થવા આવી છે છતાં મેઘરાજાએ હજુ સુધી મન મૂકીને મહેર કરી નથી. શહેરમાં અત્યાર સુધીમાં સિઝનનો કુલ માત્ર ૧૫ ઇંચ જેટલો જ વરસાદ નોંધાયો છે. છેલ્લા ૧૦ વર્ષના આંકડાકીય વિશ્લેષણ મુજબ રાજકોટનો સરેરાશ વાર્ષિક વરસાદ આશરે ૩૯.૯૨ ઇંચ રહ્યો છે, જેની સરખામણીએ હાલમાં ૨૪ ઇંચ જેટલો વરસાદ ઓછો પડ્યો છે.

હવામાન વિભાગના ફોરકાસ્ટ મુજબ આગામી ૨૬ ઓગસ્ટ સુધી રાજકોટમાં વાદળછાયા વાતાવરણ વચ્ચે માત્ર હળવા ઝાપટાં પડવાની શક્યતા છે. હાલ કોઈ ભારે વરસાદનું એલર્ટ નથી. તાપમાન ૩૦°C થી ૩૨°C ની વચ્ચે રહેશે, જ્યારે ભેજનું પ્રમાણ ૯૨% સુધી પહોંચતાં ઉકળાટ અને બફારો યથાવત્ રહેશે.

“હવામાન ચાર્ટ અને સેટેલાઇટ તસવીરોના વિશ્લેષણ મુજબ ૨૨ ઓગસ્ટથી બંગાળની ખાડીમાં ચોમાસું સિસ્ટમ વધુ સક્રિય બની રહી છે, જેમાં લોકલ સર્ક્યુલેશન પણ જોવા મળી રહ્યું છે. બંગાળની ખાડી ૨૨ થી ૨૫ ઓગસ્ટ સુધી સતત સક્રિય રહેવાની સંભાવના હોવાથી, ૨૬ કે ૨૭ ઓગસ્ટથી ગુજરાતમાં વરસાદના નવા રાઉન્ડની શરૂઆત થઈ શકે છે જે ૬ સપ્ટેમ્બર સુધી લંબાઈ શકે છે.”

ઓગસ્ટના મધ્ય સુધીમાં માત્ર ૧૫ ઇંચ વરસાદ થતાં રાજકોટના નાગરિકો અને ગ્રામ્ય વિસ્તારના ખેડૂતો હવે ઓગસ્ટના અંતમાં સક્રિય થનારી નવી વરસાદી સિસ્ટમ પર મીટ માંડીને બેઠા છે.

છેલ્લા એક દાયકામાં રાજકોટનો વરસાદી ટ્રેન્ડ