- મથુરાની સીએમઓ ઓફિસમાં ક્લોરિન ગેસ લીક થતાં નાસભાગ મચી
- ANM ટ્રેનિંગ સેન્ટરની વિદ્યાર્થીનીઓ અને સ્ટાફ ભાગીને બહાર આવી ગયો
- ગેસ લિકેજને કારણે આંખોમાં બળતરાની સાથે ગૂંગળામણ થવા લાગી
મથુરામાં ચીફ મેડિકલ ઓફિસરની ઓફિસમાં શુક્રવારે સવારે 11 વાગે ANM ટ્રેનિંગ સેન્ટરની બાજુમાં આવેલા પંપ હાઉસમાંથી ક્લોરિન ગેસ લીક થયો હતો. ગણતરીની સેકન્ડોમાં ગેસ સમગ્ર સંકુલમાં ફેલાઈ ગયો હતો. અચાનક ગેસ જોઈને ઓફિસમાં અફરાતફરી મચી ગઈ હતી. કર્મચારીઓને આંખોમાં બળતરાની સાથે ગૂંગળામણ થવા લાગી હતી. કર્મચારીઓ અને અધિકારીઓ રૂમ છોડીને બહાર દોડી આવ્યા હતા. ANM ટ્રેનિંગ સેન્ટરમાં અભ્યાસ કરતી કેટલીક વિદ્યાર્થીનીઓ મેદાનમાં ગઈ હતી.
વિદ્યાર્થિનીઓને જિલ્લા હોસ્પિટલમાં ખસેડી આપી
ગેસ લીની માહિતી મળતાં જ ફાયર બ્રિગેડ અને એમ્બ્યુલન્સ ઘટનાસ્થળે દોડી ગઈ હતી. CMO ઓફિસના સ્ટાફે તાકીદે વિદ્યાર્થિનીઓને જિલ્લા હોસ્પિટલમાં ખસેડી આપી હતી. ફાયર બ્રિગેડના કર્મચારી દુર્ગા પ્રસાદે જણાવ્યું કે CMO ઓફિસ પરિસરમાં ANM ટ્રેનિંગ સેન્ટરની બાજુમાં આવેલા પંપ હાઉસમાં બે ક્લોરિન સિલિન્ડર ભરેલા રાખવામાં આવ્યા હતા.
આંખોમાં બળતરા અને ગળામાં દુઃખવા સાથે ગૂંગળામણ
બંને સિલિન્ડરમાં 100-100 કિલો ક્લોરિન ગેસ ભરેલો હતો. સિલિન્ડરમાં કાટ લાગવાને કારણે ક્લોરિન ગેસ લીક થયો હતો. વધુ પડતા ગેસ લીકેજને કારણે સીએમઓ ઓફિસની આસપાસ ગેસ ફેલાઈ ગયો હતો. લોકોને આંખોમાં બળતરા અને ગળામાં દુઃખવા સાથે ગૂંગળામણનો થવા લાગી હતી. ફાયરના જવાનોએ સિલિન્ડરમાંથી ક્લોરીન ગેસનું લીકેજ અટકાવવાના પ્રયાસો શરૂ કર્યા હતા.
વર્ષો જૂના સિલિન્ડરોમાં થયો ગેસ લીક
લગભગ એક કલાકમાં કામદારોએ અંદર જઈને પાણી ભરેલા ડ્રમમાં સિલિન્ડર મૂકીને ગેસ લીકેજ બંધ કરાવ્યું હતું. લગભગ 15 વર્ષ પહેલા આ પંપ હાઉસમાંથી જિલ્લા હોસ્પિટલને પાણી પહોંચાડવામાં આવતું હતું. પાણીની શુદ્ધતા સુનિશ્ચિત કરવા માટે, પાઇપલાઇનમાં ક્લોરિન ગેસ ઉમેરવામાં આવ્યો હતો. અહીંથી પાણી પુરવઠો બંધ કરી દેવાયા બાદ પંપ હાઉસને તાળા મારી દેવામાં આવ્યા હતા. તેમાં ક્લોરિન ભરેલા બે સિલિન્ડર રાખવામાં આવ્યા હતા. ઘણા વર્ષોથી રાખવામાં આવેલા આ સિલિન્ડરોની દિવાલો પર કાટ લાગવા લાગ્યો હતો. જેને કારણે એક સિલિન્ડર લીક થવા લાગ્યું હતું.
બેદરકારીનો થયો ખૂલસો, એક દિવસ અગાઉ જ સાંજે ગેસ લીકેજ થવા લાગ્યો હતો
ક્લોરીન ગેસ લીકેજ બાબતે આરોગ્ય વિભાગની બેદરકારી સામે આવી હતી. કહેવાય છે કે ગુરુવારે સાંજે પણ ક્લોરિન ગેસનું લીકેજ થયું હતું. આ પછી સીએમઓએ જાણ કરી અને ફાયર બ્રિગેડને બોલાવી. પંપ હાઉસમાં રાખવામાં આવેલા બંને ક્લોરિન સિલિન્ડરની યોગ્ય ચકાસણી કરવામાં આવી ન હતી.
