શું અમ્પાયરે આપ્યો ખોટો નિર્ણય? રિચાર્ડ કેટલબોરો સોશિયલ મીડિયા પર થયા ટ્રોલ

• ભારત અને ઓસ્ટ્રેલિયા વચ્ચે ફાઇનલ મેચ
  
• ઓસ્ટ્રેલિયાની જીત માટે 241 રનનો ટાર્ગેટ
  
• રિચર્ડ કેટલબોરો સોશિયલ મીડિયા પર થયા ટ્રોલ
  

અમદાવાદમાં ભારત અને ઓસ્ટ્રેલિયા વચ્ચે રમાઈ રહેલી વર્લ્ડકપ 2023ની ફાઈનલ મેચના બે દિવસ પહેલા અમ્પાયરને લઈને ચર્ચા થઈ હતી. સતત એવું કહેવામાં આવી રહ્યું હતું કે અમ્પાયર ટીમ ઈન્ડિયા માટે સૌથી મોટો ખતરો છે. તે અમ્પાયર રિચાર્ડ કેટલબોરો હતા જેમને ફાઈનલ માટે ફિલ્ડ અમ્પાયર બનાવવામાં આવ્યા છે. આ મેચમાં પણ એક તબક્કે આવું જ જોવા મળ્યું હતું. હવે નિર્ણાયક સમયે એક નિર્ણય આવ્યો જેમાં ફિલ્ડ અમ્પાયરના નિર્ણયે સેટ બેટ્સમેન માર્નસ લાબુશેનને બચાવી લીધો. આ પછી સોશિયલ મીડિયા પર ખળભળાટ મચી ગયો હતો.

શું છે સમગ્ર મામલો?

ભારતીય ટીમે પ્રથમ બેટિંગ કરતા 240 રન બનાવ્યા હતા. 241 રનના ટાર્ગેટનો પીછો કરતા ઓસ્ટ્રેલિયાનો દાવ ખોરવાઈ ગયો હતો પરંતુ ટ્રેવિસ હેડ અને માર્નસ લાબુશેને ચોથી વિકેટ માટે 100થી વધુની ભાગીદારી કરી હતી અને ટીમને મજબૂત સ્થિતિમાં પહોંચાડી હતી.આ દરમિયાન ભારતને વિકેટની સખત જરૂર હતી. આ જ વળાંક પર, બુમરાહનો એક બોલ લાબુશેનના ​​પગ પર વાગ્યો હતો. આ પછી ભારતે રિવ્યુ લીધો અને અમ્પાયરના કોલમાં લેબુશેનનો બચાવ થયો. આ પછી, ચાહકોએ ફરીથી સોશિયલ મીડિયા પર રિચર્ડ કેટલબરોને નિશાન બનાવવાનું શરૂ કર્યું હતું.