- SITએ વધુ 4 આરોપીઓની કરી ધરપકડ
- ગરીબ લોકોના આધારકાર્ડથી આચરતા હતા કૌભાંડ
- આધારકાર્ડ મેળવી મોબાઈલ નંબર અપડેટ કરી કરતા કૌભાંડ
ભાવનગરના કરોડોના GST કૌભાંડમાં વધુ 4 ઝડપાયા છે. જેમાં SITએ વધુ 4 આરોપીઓની ધરપકડ કરી છે. તેમાં ગરીબ લોકોના આધારકાર્ડથી કૌભાંડ આચરતા હતા. આધારકાર્ડ મેળવી મોબાઈલ નંબર અપડેટ કરી કૌભાંડ કરતા હતા. જેમાં હવે આરોપીઓને કોર્ટમાં રજૂ કરી વધુ કાર્યવાહી હાથ ધરાઈ છે.
ગરીબ લોકોના આધારકાર્ડ મેળવી કૌભાંડ આચરવામાં આવ્યું
કરોડો રૂપિયાના જીએસટી કૌભાંડમાં વધુ ચાર આરોપીને એસ.આઇ.ટીની ટીમે ઝડપી લીધા છે. ગરીબ લોકોના આધારકાર્ડ મેળવી મોબાઈલ નંબર અપડેટ કરી ખોટા જીએસટી નંબર લઈ કૌભાંડ આચરવામાં આવ્યું હતું. ભાવનગર નિલમબાગ પોલીસ સ્ટેશન, પાલીતાણા પોલીસ સ્ટેશન અને અમરેલી પોલીસ સ્ટેશનમાં કુલ 6 ફરિયાદ નોંધાઈ હતી. તેમાં રેન્જ આઈ.જી દ્વારા એસ.આઇ.ટી.ની રચના કરવામાં આવેલી ટીમ દ્વારા આરોપીની ધરપકડ કરવામાં આવી છે.
ચારેય આરોપીઓને કોર્ટમાં રજૂ કરી વધુ કાર્યવાહી હાથ ધરાઈ
એસ.આઇ.ટી ની ટીમ દ્વારા આ કૌભાંડમાં સંડોવાયેલા તોફીક રફીકભાઈ શેખ, અબ્દુલકરીમ રસુલભાઇ ગાંધી, અલ્તાફ સલીમભાઈ ચૌહાણ અને ઇમરાન ગફારભાઈ મલેક નામના ઈસમોને ભાવનગર શહેરમાંથી ઝડપી લીધા છે. તેમજ ચારેય આરોપીઓને કોર્ટમાં રજૂ કરી વધુ કાર્યવાહી હાથ ધરાઈ છે.
