- ઈસ્લામ વિરોધી નેતા ગીર્ટ વાઈલ્ડર્સ નેધરલેન્ડના નવા વડાપ્રધાન બન્યા
- હું હંમેશા એવા હિંદુઓને સમર્થન આપીશ કે જેઓ પર હુમલો થાય છે:ગીર્ટ વાઈલ્ડર્સ
- વાઇલ્ડર્સ ઇસ્લામની તીવ્ર ટીકા અને કઠોર ઇમિગ્રેશન નીતિઓને કારણે ચર્ચામાં
ઈસ્લામ વિરોધી નેતા ગીર્ટ વાઈલ્ડર્સ નેધરલેન્ડના નવા વડાપ્રધાન બન્યા છે. વાઇલ્ડર્સ ઇસ્લામની તીવ્ર ટીકા અને કઠોર ઇમિગ્રેશન નીતિઓને કારણે ઘણીવાર ચર્ચામાં રહે છે. વડાપ્રધાન તરીકે ચૂંટાયા બાદ વાઈલ્ડર્સે વિશ્વના તમામ મિત્રોનો આભાર માન્યો જેમણે તેમને ચૂંટણી જીતવા બદલ અભિનંદન પાઠવ્યા હતા. આ દરમિયાન તેમણે હિંદુઓને લઈને પણ નિવેદન આપ્યું છે.
ગીર્ટ વાઇલ્ડર્સ લખ્યું હતું કે, ‘ભારતથી ઘણા પ્રકારના સંદેશા આવ્યા. હું હંમેશા એવા હિંદુઓને સમર્થન આપીશ કે જેઓ પર હુમલો કરવામાં આવે છે અથવા મારવાની ધમકી આપવામાં આવે છે અથવા બાંગ્લાદેશ, પાકિસ્તાનમાં માત્ર એટલા માટે કે તેઓ હિંદુ છે.’
યુરોપના રાજકારણ પર ઊંડી અસર પડશે
અહેવાલો અનુસાર, ઈસ્લામ વિરોધી ગ્રીટની જીત બાદ તે માત્ર નેધરલેન્ડની રાજનીતિ જ નહીં પરંતુ યુરોપીયન રાજનીતિને પણ હચમચાવી નાખશે. ગીર્ટ વિલ્ડર્સની પાર્ટી ફોર્મ ફ્રીડમ (PVV) આ ચૂંટણીમાં મોખરે રહી અને તમામ પક્ષોને હરાવીને 150 માંથી 43 બેઠકો જીતી હતી. ગત ચૂંટણીમાં તેમની પાર્ટીને માત્ર 17 બેઠકો મળી હતી.
નુપુર શર્માને ખુલ્લેઆમ સમર્થન આપ્યું
પયગંબર મોહમ્મદ વિશે વાંધાજનક ટિપ્પણી કરવા ઉપરાંત વાઈલ્ડર્સે ઈસ્લામને પછાત ધર્મ પણ ગણાવ્યો છે. વાઈલ્ડર્સે ઘણી વખત કહ્યું છે કે તે નેધરલેન્ડ્સમાં મસ્જિદો અને કુરાન પર પ્રતિબંધ મૂકવા માંગે છે. વિલ્ડર્સે ભાજપના ભૂતપૂર્વ પ્રવક્તા નુપુર શર્માને ટેકો આપ્યો છે જેમણે ટીવી ડિબેટ દરમિયાન પ્રોફેટ મોહમ્મદ વિશેની તેમની ટિપ્પણી માટે ટીકાનો સામનો કરવો પડ્યો હતો. ત્યારે વાઈલ્ડર્સે કહ્યું કે નુપુર શર્માએ સત્ય કહ્યું છે અને ઈસ્લામિક દેશોના ગુસ્સાને હાસ્યાસ્પદ ગણાવ્યો છે.
ત્યારબાદ વાઈલ્ડર્સે તેના સોશિયલ મીડિયા એકાઉન્ટ પર લખ્યું હતું કે, ‘અલ-કાયદા જેવા ઈસ્લામિક આતંકવાદીઓ સામે ક્યારેય ઝુકશો નહીં, તેઓ બર્બરતાને રજૂ કરે છે. સમગ્ર ભારતીય રાષ્ટ્રે હવે નુપુર શર્માની તરફેણમાં એક થવું જોઈએ અને તેને સમર્થન આપવું જોઈએ. અલકાયદા અને તાલિબાને વર્ષો પહેલા મને તેમની હિટલિસ્ટમાં મૂક્યો હતો. એક પાઠઃ આતંકવાદીઓ સામે ક્યારેય ઝુકશો નહીં.
