- હમાસ અને ઇઝરાયેલ વચ્ચે છેલ્લા 2 મહિનાથી યુદ્ધ યથાવત
- બંધકોને મુક્ત કરવા ઇઝરાયેલે હમાસને યુદ્ઘવિરામનો મુક્યો પ્રસ્તાવ
- બન્ને દેશ વચ્ચે યુદ્ધવિરામને લઇ ચાલી રહી છે ચર્ચા-વિચારણા
ગાઝામાં ચાલી રહેલા લોહિયાળ યુદ્ધ વચ્ચે એક ચોંકાવનારો અહેવાલ સામે આવ્યો છે.ઇઝરાયેલે હમાસને યુદ્ધવિરામની ઓફર કરી હતી પરંતુ હમાસે તેને નકારી કાઢી હતી.આ આઘાતજનક પણ છે કારણ કે હમાસ શરૂઆતથી જ આજીજી કરી રહ્યું હતું. ઇઝરાયેલે હમાસને પ્રસ્તાવ મૂક્યો હતો કે તે 40 બંધકોને મુક્ત કરવાના બદલામાં 7 દિવસનો યુદ્ધવિરામ રાખી શકે છે.
હમાસની શું છે કૂટનીતિ?
ઈઝરાયેલ અને હમાસ વચ્ચે ચાલી રહેલ યુદ્ધ વધુને વધુ ઉગ્ર બની રહ્યું છે. ગાઝામાં થયેલા નરસંહારથી વિશ્વભરના દેશો ચિંતિત છે. હવે એવા અહેવાલો છે કે ઈઝરાયેલે ગાઝામાં યુદ્ધવિરામની ઓફર કરી છે, પરંતુ ઈઝરાયેલની આ ઓફર હમાસ દ્વારા ફગાવી દેવામાં આવી છે. એક સમયે ગાઝામાં યુદ્ધવિરામ માટે સતત આજીજી કરી રહેલા હમાસે ઈઝરાયેલની માંગને ફગાવીને એક નવું પગલું ભર્યું છે. ઇજિપ્તના અધિકારીઓનું કહેવું છે કે હમાસે 40 બંધકોની મુક્તિના બદલામાં એક સપ્તાહનો યુદ્ધવિરામ સ્વીકારવાનો સ્પષ્ટ ઇનકાર કર્યો છે.
ઇઝરાયેલે હમાસને શું કરી ઓફર?
ઇજિપ્તના અધિકારીઓએ જણાવ્યું હતું કે ચર્ચા દરમિયાન હમાસના નેતા ઇસ્માઇલ હનીયેહે કહ્યું હતું કે જ્યાં સુધી ગાઝામાં સંપૂર્ણ યુદ્ધવિરામ નહીં થાય ત્યાં સુધી તેઓ એક પણ બંધકને મુક્ત કરશે નહીં. તેણે ચેતવણી પણ આપી છે કે આ સંમતિ વિના ઈઝરાયેલ સાથે કોઈ વાતચીત થશે નહીં. આતંકવાદી સંગઠનની રાજકીય પાંખના વડા ઇસ્માઇલ હનીયેહ ઇઝરાયેલની ઓફર અંગે ચર્ચા કરવા માટે કૈરોમાં ગુપ્તચર અધિકારીઓ સાથે મુલાકાત કરી હતી.
ગાઝામાં સંપૂર્ણ યુદ્ધવિરામ અને ઇઝરાયેલની માંગણીઓ પૂરી કરવાને બદલે વધુ માનવતાવાદી સહાય મેળવવા માટે ચર્ચામાં આવ્યા હતા. હમાસે ઇઝરાયેલની ઓફરના બદલામાં સંપૂર્ણ યુદ્ધવિરામ અને 100 બંધકોના બદલામાં તમામ પેલેસ્ટિનિયન કેદીઓને મુક્ત કરવાની પણ માંગ કરી છે.
ગાઝામાં 20 હજારથી વધુ લોકો મોતને ભેટ્યા
ગાઝા, ઈઝરાયેલ અને હમાસ વચ્ચે ચાલી રહેલ યુદ્ધ ઈઝરાયેલ આર્મી IDF માટે દરરોજ નવી સફળતાઓ લાવી રહ્યું છે. એક તરફ હમાસને યુદ્ધમાં સતત નુકસાન થઈ રહ્યું છે, તો બીજી તરફ ગાઝામાં અત્યાર સુધીમાં 20 હજાર લોકો માર્યા ગયા છે. જેમાં અડધાથી વધુ મહિલાઓ અને બાળકોનો સમાવેશ થાય છે.
