- ચીન આર્મીના શસ્ત્રો-સાધનોની તસવીરો શેર કરતા લોકોને ફટકાર
- ફોટોગ્રાફ્સનું વિશ્લેષણ કરીને ચીનની સેના પર નજર રાખનાર સામે કાર્યવાહી
- દુશ્મનોના ડરથી ચીન પોતાના સુરક્ષા દળોને આધુનિક હથિયારો વધારવાનું કર્યું શરૂ
ચીનના ઘણા નાગરિકો દેશની પીપલ્સ લિબરેશન આર્મીના શસ્ત્રો અને સાધનોની તસવીરો ઓનલાઈન પોસ્ટ કરતા રહે છે. પરંતુ હવે તે આ કરી શકશે નહીં. વાસ્તવમાં ચીને સોશિયલ મીડિયા પર આવી તસવીરો શેર કરવા પર પ્રતિબંધ લગાવી દીધો છે. એવું માનવામાં આવે છે કે પશ્ચિમી દેશોના નિષ્ણાતો આ ફોટોગ્રાફ્સનું વિશ્લેષણ કરીને ચીનની સેના પર નજર રાખે છે.
તમને જણાવી દઈએ કે ચીન પોતાના સુરક્ષા દળોને ઝડપથી આધુનિક બનાવી રહ્યું છે. પરંતુ ત્યાંના સોશિયલ મીડિયા યુઝર્સ બહારના સૈન્ય કેન્દ્રો અથવા સંવેદનશીલ વિસ્તારોની નજીકની કોમર્શિયલ ફ્લાઇટ્સમાંથી લશ્કરી જહાજો અને વિમાનોની તસવીરો પોસ્ટ કરતા રહે છે. પરંતુ એક અહેવાલમાં દાવો કરવામાં આવ્યો છે કે ચીની સૈન્યના આ ચાહકો હવે આ કરી શકશે નહીં.
ચીન સુરક્ષાને લઇ એલર્ટ
ચીનના સુરક્ષા મંત્રાલયે ત્યાંના સોશિયલ મીડિયા પ્લેટફોર્મ WeChat પર આ અંગે એક પોસ્ટ લખી છે. આ પોસ્ટમાં કહેવામાં આવ્યું છે કે સેના પ્રત્યે ઉત્સાહી કેટલાક લોકો ગેરકાયદેસર રીતે રાષ્ટ્રીય સંરક્ષણ વિશે માહિતી એકત્રિત કરી રહ્યા છે અને તેને ઇન્ટરનેટ પર પોસ્ટ કરી રહ્યા છે. આ દેશની સૈન્ય સુરક્ષા માટે ગંભીર ખતરો છે. પોસ્ટમાં જણાવાયું છે કે આવા લોકો લશ્કરી એરપોર્ટ, રાષ્ટ્રીય સંરક્ષણ અને લશ્કરી ઔદ્યોગિક એકમોના ફોટોગ્રાફ્સ લેવા માટે ફેરી અથવા પ્લેન દ્વારા આવા સ્થળોએથી પસાર થાય છે. આ દરમિયાન તે અહીં ટેલિફોટો લેન્સ અથવા ડ્રોનની મદદથી ફોટોગ્રાફ્સ લે છે. બાદમાં તેઓ આ તસવીરો ઈન્ટરનેટ પર પોસ્ટ કરે છે જે ન થવું જોઈએ.
હવે જો તમે આવું કરશો તો તમારે જેલમાં જવું પડશે
તમને જણાવી દઈએ કે હવે આવું કરનાર વ્યક્તિને જેલની સજા પણ ભોગવવી પડી શકે છે. પોસ્ટમાં કહેવામાં આવ્યું છે કે જે કોઈ પણ વારંવાર આવા કૃત્યો કરે છે તેને સાત વર્ષ સુધીની જેલની સજા થઈ શકે છે. તે જ સમયે, પ્રથમ વખત અથવા ક્યારેક આવા ચિત્રો લેનારા અને પોસ્ટ કરનારાઓને ફક્ત ચેતવણી આપવામાં આવશે. તેમાં એમ પણ કહેવાયું છે કે ઓનલાઈન પોસ્ટ કરાયેલા આવા ફોટોગ્રાફ્સ યુદ્ધ જહાજો અથવા વિમાન પર થઈ રહેલા કામની પ્રગતિ દર્શાવે છે. આ સાથે દરેકને ચીની મિલિટરી હાર્ડવેર વિશે ઓપરેશનલ અને ટેક્નિકલ માહિતી પણ મળે છે. મંત્રાલયનું કહેવું છે કે આ એવી સ્થિતિ છે જેમાં સેના અને દેશની સુરક્ષા સાથે ચેડા થઈ શકે છે.
