રાજ્યની ઠંડીમાં આંશિક રાહત જોવા મળી, જાણો કયા કેટલુ રહ્યું તાપમાન

• 9 ડિગ્રી સાથે નલિયા સૌથી ઠંડુ શહેર
  
• ભુજમાં 11 ડિગ્રી, રાજકોટમાં 12 ડિગ્રી તાપમાન
  
• ડિસા અને કંડલામાં 13 ડિગ્રી તાપમાનનો પારો
  

રાજ્યમાં સતત બીજા દિવસે ઠંડીમાં ઘટાડો થયો છે. જેમાં 9 ડિગ્રી સાથે નલિયા સૌથી ઠંડુ શહેર બન્યુ છે. તેમજ ભુજમાં 11 ડિગ્રી, રાજકોટમાં 12 ડિગ્રી તાપમાન છે. ડિસા અને કંડલામાં 13 ડિગ્રી તાપમાનનો પારો છે. સુરેન્દ્રનગરમાં 13 ડિગ્રી, કેશોદમાં 14 ડિગ્રી સાથે વલસાડમાં 15 ડિગ્રી અને ગાંધીનગરમાં 16 ડિગ્રી તાપમાન છે.

અમદાવાદ અને વલ્લભવિદ્યાનગરમાં 17 ડિગ્રી તાપમાન

અમદાવાદ અને વલ્લભવિદ્યાનગરમાં 17 ડિગ્રી તાપમાન છે. દિલ્હી, પંજાબ, હરિયાણા અને રાજસ્થાન સહિત સમગ્ર ઉત્તર ભારત તીવ્ર ઠંડીની ઝપેટમાં છે. ઠંડીનું મોજુ અને ગાઢ ધુમ્મસના કારણે જનજીવન અસ્તવ્યસ્ત થઈ ગયું છે. લદ્દાખમાં તાપમાન માઈનસ 11.3 ડિગ્રી થઈ ગયું છે, જ્યારે મેદાની વિસ્તારોમાં અલવર 2.6 ડિગ્રી તાપમાન નોંધાયું હતું. જોકે, ગુજરાતમાં ઠંડીમાં આંશિક રાહત જોવા મળી હતી. અમદાવાદમાં બે ડિગ્રી જેટલું તાપમાન ઉંચું આવ્યું હતું. જોકે, નલિયા 9 ડિગ્રી લઘુત્તમ તાપમાન સાથે રાજ્યનું સૌથી ઠંડુ સ્થળ રહ્યું હતું. જ્યારે સુરત અને ઓખા 17 ડિગ્રી લઘુત્તમ તાપમાન છે.

શિયાળામાં જોઇએ તેવી ઠંડી પડી રહી નથી

હવામાન વિભાગ દ્વારા આપવામાં આવેલા આંકડા પ્રમાણે રાજ્યમાં ઠંડી ઘટી છે. રાજ્યમાં તાપમાનમાં આંશિક વધારો થતાં ઠંડીનાં નહિવત રાહત જોવા મળી હતી. અમદાવાદમાં પણ ઠંડી ઘટી છે. જેમાં કમોસમી વરસાદની આગાહી સાથે શિયાળામાં જોઇએ તેવી ઠંડી પડી રહી નથી.