એન્ટાર્કટિકા નજીક પહેલી વાર બર્ડ ફ્લૂ જોવા મળ્યો; બ્રિટિશ વૈજ્ઞાનિકોને વાઇરસ મળ્યો

• ગયા વર્ષે યુરોપ, અમેરિકા, જાપાન અને દક્ષિણ અમેરિકામાં પ્રકોપ જોવા મળ્યો હતો
• દક્ષિણ જોર્જિયા ટાપુ પર હાથી અને ફર સીલમાં રોગજનક એવિયન ઇન્ફ્લૂએન્ઝા જોવા મળ્યો
  
• એન્ટાર્કટિકામાં પ્રથમ વાર જ સ્તનધારીઓમાં બર્ડ ફ્લૂ જોવા મળ્યો છે
  

એન્ટાર્કટિકામાં પ્રથમ વાર જ સ્તનધારીઓમાં બર્ડ ફ્લૂ જોવા મળ્યો છે. આ કારણે આ ક્ષેત્રમાંની વન્ય જીવોની મોટી વસ્તી પર જોખમ ઊભું થયું હોવાનું બ્રિટનની એનિમલ એન્ડ પ્લાન્ટ હેલ્થ એજન્સી (એપીએચએ)એ જણાવ્યું છે. એજન્સીએ કહ્યું કે એટલાન્ટિક ક્ષેત્રના દક્ષિણ જોર્જિયા ટાપુ પર હાથી અને ફર સીલમાં રોગજનક એવિયન ઇન્ફ્લૂએન્ઝા જોવા મળ્યો છે. એપીએચએ ગયા વર્ષે પહેલી વાર શંકાના આધારે આ ક્ષેત્રમાં સ્તનધારીઓમાં બર્ડ ફ્લૂનું પરીક્ષણ શરૂ કર્યું હતું. વૈજ્ઞાનિક ઇયાન બ્રાઉને કહ્યું કે એન્ટાર્કટિકા એક અનોખો અને ખાસ કરીને જૈવ વૈવિધ્ય ધરાવતો હોટસ્પોટ છે. તેથી આ ક્ષેત્રમાં સ્તનધારીઓમાં બીમારી ફેલાતી જોવી તે દુઃખદ છે. ગયા વર્ષે યુરોપ, અમેરિકા, જાપાન અને દક્ષિણ અમેરિકામાં એવિયન ફ્લૂનો પ્રકોપ જોવા મળ્યો હતો. આ ફ્લૂના કારણે હજારો પક્ષીઓ અને સ્તનધારી જીવોનાં મૃત્યુ થયાં હતાં. તેના પ્રસારને અટકાવવા માટે લાખો જાનવરોને પણ મારી નાખવામાં આવ્યાં હતાં. જે બાબતે આજે પણ શંકા છે.

અમેરિકાના પ્રવાસી પક્ષીઓ એક કારણ હોઈ શકે

દક્ષિણ જોર્જિયાના ઉત્તર-પિૃમ તટના એક ટાપુ પર ઓક્ટોબરમાં પહેલી વાર એચપએન1ની શંકા થઈ હતી. કારણ કે ત્યાં ઘણાં બધાં બ્રાઉન સ્કુઆ પક્ષીઓનાં મૃત્યુ થયાં હતાં. ત્યાર બાદ હાથી અને સીલ પણ મરવા લાગ્યાં હતાં. વૈજ્ઞાનિકોએ કહ્યું કે, હાથી, ફર સીલ, બ્રાઉન સ્કુઆ, કેલ્પ ગલ્સના કરાયેલા ટેસ્ટ પણ પોઝિટિવ જોવા મળ્યા હતા.

ઓક્સફર્ડમાં નિપાહ વાઇરસની રસીનું માનવ પરીક્ષણ શરૂ

ઓક્સફર્ડ યુનિવર્સિટીએ કહ્યું કે, તેણે મગજમાં સોજો લાવી દેનારા નિપાહ વાઇરસ સામે રક્ષણ આપતી પ્રાયોગિક રસીનું માનવ પરીક્ષણ શરૂ કરી દીધું છે. આ વાઇરસનો ભારતના કેરળ અને એશિયામાં પ્રકોપ જોવા મળ્યો હતો.