આજે બાલિકોઓ દ્વારા વિધાનસભા ગૃહનું સંચાલન કરાશે

• મહિલા તથા બાળ કલ્યાણ વિભાગ દ્વારા આયોજન કરાયું
  
• મુખ્યમંત્રી ભૂપેન્દ્ર પટેલ કાર્યક્રમમાં રહેશે હાજર
  
• રાજનીતિમા મહિલાઓની ભાગીદારી એ સમયની માંગ
  

બાલિકોઓ દ્વારા વિધાનસભા ગૃહનું સંચાલન કરાશે. જેમાં આજે રાષ્ટ્રીય બાલિકા દિવસની ઉજવણી કરવામાં આવશે. મહિલા તથા બાળ કલ્યાણ વિભાગ દ્વારા આયોજન કરવામાં આવ્યું છે. મુખ્યમંત્રી ભૂપેન્દ્ર પટેલ કાર્યક્રમમાં હાજર રહેશે. તથા વિધાનસભા અધ્યક્ષ, ભાનુબેન બાબરીયા પણ હાજર રહેશે.

રાજનીતિમા મહિલાઓની ભાગીદારી એ સમયની માંગ

આજે 24 જાન્યુઆરીએ રાષ્ટ્રીય બાલિકા દિવસની ઉજવણી કરાઇ રહી છે. જેમાં બાલિકોઓ દ્રારા વિધાનસભા ગૃહનું સંચાલન કરાશે. વિધાનસભા અને મહિલા તથા બાળ કલ્યાણ વિભાગ દ્વારા આયોજન કરાયુ છે. મહિલા અનામતની જોગવાઈ ભારત સરકારે કરી છે. રાજનીતિમા મહિલાઓની ભાગીદારી એ સમયની માંગ છે. લોકશાહી અને સંસદીય પ્રણાલી બધા સુધી પહોચે તે હેતુથી આયોજન કરવામાં આવ્યું છે.

એક દીકરી વિરોધ પક્ષના નેતાની ભૂમિકા ભજવશે

રાષ્ટ્રીય દીકરી દિવસની ઉજવણીના ભાગરૂપે આયોજિત તેજસ્વીની બાલિકા વિધાનસભામાં ભાગ લેવા માટે રમત ગમત ક્ષેત્રે આગવી સિધ્ધિઓ મેળવનાર મહેસાણા જિલ્લાની ચાર દીકરીઓની પસંદગી કરવામાં આવી છે. વિધાનસભાનું સંચાલન તેજસ્વી બાલિકાઓ કરનાર છે. જેમાં મહેસાણા જિલ્લાની એક દીકરી વિરોધ પક્ષના નેતા તરીકેનો હોદ્દો સંભાળશે. દીકરીઓ રાજકીય ક્ષેત્રે પ્રગતિ કરે અને તેમજ નેતૃત્વ વિકાસમાં સહયોગી બને તે માટે વિધાસભાના સંપૂર્ણ સંચાલનની જવાબદારી તેમને સોંપવામાં આવશે. ઉપરોકત કાર્યક્રમના ઉપલક્ષ્યમાં મહિલા અને બાળ અધિકારીની કચેરી તેમજ જિલ્લા વહીવટી તંત્ર દ્વારા કોફી વીથ કલેકટર કાર્યક્રમનું આયોજન કરવામાં આવ્યું હતું. જેમાં કલેકટર એમ.નાગરાજન ઉપસ્થિત રહ્યા હતા અને દીકરીઓ સાથે સંવાદ કરી લોકશાહી વ્યવસ્થા, વિધાનસભા, લોકસભા, પંચાયતી રાજ અને સરકારી પ્રણાલી વિશે ચર્ચા હાથ ધરાઈ હતી. આ કાર્યક્રમમાં દહેજ પ્રતિબંધક અધિકારી મેઘાબેન ગોસ્વામી, રમત ગમત ક્ષેત્રે વિશેષ સિધ્ધિ હાંસલ કરનાર પ્રિશા વિનોદકુમાર પ્રજાપતિ, પરી સુરેશભાઈ પટેલ અને દિશા વિષ્ણુભાઈ પટેલ ઉપરાંત કચેરીનાં કર્મચારીઓ હાજર રહ્યાં હતાં.