- આરોપી PI ભટ્ટના 4 દિવસના રિમાન્ડ કોર્ટે મંજૂર કર્યા
- ATSએ આરોપી PIની કડક તપાસ હાથ ધરી
- ગઈકાલે 4 કલાક સુધી SOGમાં તપાસનો દોર ચાલ્યો
જુનાગઢનો ચકચારી પોલીસ તોડકાંડ કેસમાં આરોપી PI ભટ્ટના 4 દિવસના રિમાન્ડ કોર્ટે મંજૂર કર્યા છે. ATS એ આરોપી PI ની કડક તપાસ હાથ ધરી છે. તેમાં ગઈકાલે 4 કલાક સુધી SOGમાં તપાસનો દોર ચાલ્યો હતો. તપાસ માટે તમામ સાહિત્યોની તપાસ કરવામાં આવી છે. ATS એ તમામ જરૂરી પૂરાવાઓ એકત્ર કરવાની કામગીરી કરી છે.
આરોપી PI ભટ્ટને સાથે રાખી તમામ તપાસ કરાઈ
આરોપી PI ભટ્ટને સાથે રાખી તમામ તપાસ કરાઈ છે. એકાઉન્ટની માહિતી છૂપાવેલી પેનડ્રાઈવની શોધ કરાઈ છે. મોબાઈલ અને પેનડ્રાઈવનો ડેટા પોલીસ માટે મહત્વનો છે. PI તરલ ભટ્ટ વોટ્સઅપ કોલિંગનો ઉપયોગ કરતો હતો. વોટ્સઅપ કોલિંગ કરેલા નંબરની પણ ચકાસણી કરાશે. ATSની પૂછતાછમાં PI ભટ્ટ સાથ ન આપતો હોવાનો આરોપ છે. દુબઈ સાથેના બુકીઓના કનેક્શનની તપાસ હાથ ધરાશે. તેમજ PI તરલ ભટ્ટે જે પોલીસ કર્મચારી સાથે કામ કર્યુ તે જ તપાસ કરશે.
ઈ-ગેમિંગના નાણાની હેરફેર માટેના અકાઉન્ટ ફ્રીઝ કરી રકમ માંગતા
ઈ-ગેમિંગના નાણાની હેરફેર માટેના અકાઉન્ટ ફ્રીઝ કરી રકમ માંગતા હતા. એકાઉન્ટમાં કુલ રકમના 40 થી 50 ટકા રકમની માંગ કરાતી હતી. મળતી માહિતી અનુસાર, જુનાગઢ પોલીસ તોડકાંડ કેસમાં ATSએ આરોપી PI તરલ ભટ્ટને લઈને જુનાગઢથી રવાના થઈ હતી. જેમાં 4 કલાકની તપાસ બાદ એસઓજી ઓફિસ માટે એટીએસ ટીમ રવાના થઈ હતી અને જુનાગઢમાં એટીએસની ટીમે એસઓજી ઓફિસમાં 2 કલાકથી વધુ સમય સુધી તપાસ કરી. સમગ્ર મામલે એટીએસ દ્વારા પુરાવાઓ એકત્રિત કરવાની કામગીરી ચાલુ છે. એટીએસ તોડકાંડ મામલે સાહિત્ય તથા કોમ્પ્યુટર સહિતના સાધનોનો મુદ્દામાલ કબ્જે કરી શકે છે. આ મામલે વધુ પુરાવા એકત્ર કરવામાં હજુ પણ વધુ સમય લાગી શકે એમ છે. તોડકાંડના આરોપી માસ્ટર માઈન્ડ તરલ ભટ્ટને તપાસ દરમિયાન સાથે રખાયો હતો.
