- વેપારીની ફેવર કરતો અધિકારીનો વીડિયો વાઇરલ થતાં ખેડૂતોમાં આક્રોશ
- સીસીઆઇના અધિકારી વેપારીને ફેવર કરતા હોય તો કડક કાર્યવાહીની માગ
- ખરીદી બંધ કરાતા 1000 ઉપરાંત ખેડૂતોને અસર થશે
ડભોઇમાં CCI એ કપાસની ખરીદી અચાનક બંધ કરતા APMC ખાતે આજરોજ ખેડૂતોએ હલ્લાબોલ મચાવ્યો હતો. ત્યારબાદ રેલી સ્વરૂપે ભારે સુત્રચ્ચાર સાથે APMCનો વિરોધ કરી ખેડૂતોનો અવાજ સરકાર સુધી પહોચાડવા પ્રાંત અધિકારી ને આવેદન સુપ્રત કર્યું હતું.
ગુજરાતમાં સીસીઆઈના નેજા હેઠળ રાજ્ય સરકાર દ્વારા કપાસ ની ટેકાના ભાવથી ખરીદી શરૂ કરવામાં આવી હતી જેમાં વડોદરાના ડભોઇ ખાતે પણ બી ગ્રેડ ના કપાસની CCI દ્વારા ખરીદી શરૂ કરાઈ હતી તેવામાં ગઈકાલે CCI ના અધિકારી દ્વારા વેપારીની ભલામણ કરતું એક વિડીયો વાયરલ થયો હતો. જેને લઇને ખેડૂતોમાં આક્રોશ ભભૂકી ઉઠયો હતો. ત્યારબાદ સીસીઆઈના અધિકારીઓ દ્વારા આજથી કપાસની ખરીદી બંધ કરાતા ખેડૂતો મુશ્કેલીમાં મુકાયા હતા જેને લઈને એપીએમસી ખાતે આજરોજ ડભોઇ તાલુકાના ખેડૂતો મોટી સંખ્યામાં ભેગા મળીને વિરોધ નોંધાવ્યો હતો. એટલું જ નહીં રેલી સ્વરૂપે નીકળી નાયબ કલેક્ટરને આવેદનપત્ર સુપ્રત કર્યું હતું અને ડભોઇ તાલુકામાં તાત્કાલિક અસરથી ટેકાના ભાવથી કપાસની ખરીદી શરૂ કરવામાં આવે સાથે સાથે સીસીઆઇના અધિકારી વેપારીને ફેવર કરતા હોય તો તેના ઉપર કડકમાં કડક કાર્યવાહી કરવામાં આવે તેવી માગ ઉચ્ચારી હતી. આ વિરોધ પ્રદર્શનમાં જિલ્લા પંચાયતના ઉપપ્રમુખ અશ્વિન વકીલ સહિતના આગેવાનો મોટી સંખ્યામાં જોડાયા હતા.
ખરીદી બંધ કરાતા 1000 ઉપરાંત ખેડૂતોને અસર થશે
ડભોઇ તાલુકાના ખેડૂતોના કપાસની ખરીદી અચાનક CCIએ બંધ કરતા મોટી સંખ્યામાં ખેડૂતોએ ડભોઇ APMC ખાતે એકત્ર થઇ સૂત્રોચ્ચાર કરી રેલી સ્વરૂપે પ્રાંત કચેરી જઈ આવેદન પત્ર સુપ્રત કર્યું હતું.
કપાસની ખરીદી બંધ કરતા તાલુકાના 1000 થી વધારે ખેડૂતોને અસર થશે ગઇકાલે ખેડૂતોએ CCI સેન્ટર વેગા ખાતે આવેલી શ્રીજી ફયબર મિલ ખાતે હલ્લાબોલ કરતા અચાનક આજરોજ થી કપાસની ખરીદી બંધ કરવામાં આવી ખેડુતોએ વેપારી ની ભલામણ કરતો CCI ના અધિકારી નો વિડિયો વાયરલ થતાં ખેડૂતો માં રોષ વ્યાપી ગયો હતો. જેથી ખેડુતો ગઈકાલે વિર્ફ્યા હતા ત્યાં ખરીદી આજરોજ બંધ કરતા તાલુકાના 1000 ઉપરાંત ખેડૂતોને અસર થશે.
APMCના સત્તાધીશો વિરૂદ્ધ આક્રોશ વ્યક્ત કર્યો
પોતાનું દુઃખડું રડવા ખેડૂતો APMCના સત્તાધીશો પાસે જતા સંતોષ કારક અને ખેડૂત હીત ન જળવાય તેવા જવાબો ખેડૂતો ન મળતાં APMCથી સેવાસદન પ્રાંત અધિકારીને આવેદન આપવા નીકળેલી રેલીમાં ખેડૂતો એ APMCના સત્તાધિશો વિરૂદ્ધ આક્રોશ વ્યક્ત કરતા દૂર કરો દૂર કરોના નારા લગાવ્યા હતા.
ધારાસભ્ય દ્વારા કપાસ ખરીદી શરૂ થાય તે માટે રજૂઆત
ડભોઇ સી.સી.આઇ કપાસ ખરીદી મુદ્દે ધારાસભ્ય શૈલેષ મહેતાએ કૃષિ મંત્રીને લખ્યો પત્ર કોટન કોર્પોરેશન ઓફ્ ઈન્ડીયાનાં અધિકારીઓ દ્વારા કપાસ ખરીદી શરૂ થાય તે માટે રજૂઆત કરી ખેડૂતોના હિતમાં નિર્ણય લેવા કરી કૃષિ મંત્રી રાઘવજી પટેલ અને સહકાર મંત્રી જગદીશ વિશ્વકર્માને લખ્યો પત્ર ખરીદી બંધ થતા ખેડૂતોને મોટો આર્થિક નુકશાન થાય તેવી ભિતી ધારાસભ્ય એ સી.સી આઇ દ્વારા કપાસ ખરીદી પુનઃ શરૂ કરવા કરી પત્રમાં રજૂઆત પત્રમાં સી.સી.આઇ ખરીદી માં મનમાની ચલાવતા અધિકારીઓ સામે કડક કાર્યવાહી કરવા પણ રજૂઆત કરી છે
