‘ઇતિહાસ બદલી દીધો..!’ રામ મંદીરને લઇ શિલ્પા શેટ્ટીએ પીએમ મોદીને લખ્યો પત્ર

• બોલિવૂડ અભિનેત્રી શિલ્પા શેટ્ટીએ વડાપ્રધાન નરેન્દ્ર મોદીને પત્ર લખ્યો
  
• શિલ્પા શેટ્ટીએ રામ મંદિર નિર્માણ માટે પીએમ મોદીના વખાણ કર્યા
  
• રામ મંદિરના ઉદ્ઘાટનમાં બોલિવૂડના ઘણા સ્ટાર્સને આમંત્રણ આપવામાં આવ્યું હતું
  

બોલિવૂડ અભિનેત્રી શિલ્પા શેટ્ટીએ મંગળવારે વડાપ્રધાન નરેન્દ્ર મોદીને પત્ર લખ્યો છે. તેમણે પીએમ મોદીના વખાણ કરીને તેમનો આભાર વ્યક્ત કર્યો છે. આ પત્ર ભાજપના ટ્વિટર હેન્ડલ પરથી શેર કરવામાં આવ્યો છે. જ્યાં શિલ્પા શેટ્ટીએ રામ મંદિર નિર્માણ માટે પીએમ મોદીના વખાણ કર્યા છે. ખબર છે કે રામ મંદિરના ઉદ્ઘાટનમાં બોલિવૂડના ઘણા સ્ટાર્સને આમંત્રણ આપવામાં આવ્યું હતું. જે બાદ અમિતાભ બચ્ચન, રામ ચરણ, અભિષેક બચ્ચન, રણબીર કપૂર અને કેટરીના કૈફ સહિતના તમામ સ્ટાર્સ રામલલાના દર્શન કરવા માટે અયોધ્યા પહોંચ્યા હતા.

પીએમ મોદીના કર્યા વખાણ

શિલ્પા શેટ્ટીએ પીએમ મોદીને લખેલા આ પત્રમાં કહ્યું, ‘આદરણીય મોદીજી, કેટલાક લોકો ઈતિહાસ વાંચે છે. કેટલાક લોકો ઇતિહાસમાંથી શીખે છે, પણ તમારા જેવા લોકો ઈતિહાસ બદલી નાખે છે. તમે રામજન્મભૂમિનો પાંચસો વર્ષનો ઈતિહાસ બદલી નાખ્યો છે. દીલથી તમારો ખૂબ ખૂબ આભાર. આ શુભ કાર્ય સાથે તમારું નામ પણ ભગવાન શ્રી રામના નામ સાથે સદાકાળ જોડાયેલું છે. નમો રામ. જય શ્રી રામ.’

આ કાર્યક્રમ ક્યારે યોજાયો હતો

જાણીતું છે કે 22 જાન્યુઆરી, 2024 ના રોજ અયોધ્યાના રામલલાના અભિષેક કાર્યક્રમનું આયોજન કરવામાં આવ્યું હતું. જ્યાં પીએમ મોદીએ રીત-રિવાજ પ્રમાણે પૂજા અર્ચના કરી હતી. આ કાર્યક્રમમાં બોલિવૂડથી લઈને રાજકારણ અને અનેક ઉદ્યોગપતિઓએ ભાગ લીધો હતો.

રામ મંદિર અને બોલિવૂડ

મનોરંજન જગતની વાત કરીએ તો કેટરીના કૈફ, રાજકુમાર હિરાની, વિકી કૌશલ, આલિયા ભટ્ટ, રામ ચરણ, ચિરંજીવી, અમિતાભ બચ્ચન, કંગના રનૌત, અભિષેક બચ્ચન, અનુપમ ખેર અને માધુરી દીક્ષિત સહિતના ઘણા સ્ટાર્સ રામ મંદિર માટે જોવા મળ્યા હતા.