- અમેરિકા અને રશિયા વચ્ચે સંઘર્ષ જગજાહેર
- રશિયા આવનારા સમયમાં નવા પ્રકારના મોટા યુદ્ધની તૈયારીમાં
- રશિયાની આ શોધ ચિંતાજનક છેઃ અમેરિકા
અમેરિકા અને રશિયા વચ્ચે સંઘર્ષ જગજાહેર છે. આ દરમિયાન વ્હાઈટ હાઉસે રશિયાને લઈ મોટો ખુલાસો કર્યો છે. કહ્યું કે રશિયા એન્ટિ સેટેલાઈટ ક્ષમતા વિકસિત કરી રહ્યું છે જે ખૂબ હેરાન કરનારું છે.
રશિયા અને યુક્રેન વચ્ચેના યુદ્ધ વચ્ચે અમેરિકા રશિયાની દરેક ‘એક્શન’ પર નજર રાખે છે. વિશ્વના આ બે મોટા દેશો વચ્ચે ઘણા દાયકાઓથી શીતયુદ્ધ ચાલી રહ્યું છે. પરંતુ અમેરિકાના એક ખુલાસાથી ચોંકાવનારો છે. વ્હાઇટ હાઉસે પુષ્ટિ કરી છે કે રશિયા ખતરનાક ‘સેટેલાઇટ વિરોધી ક્ષમતાઓ’ વિકસાવી રહ્યું છે. આ અત્યંત મુશ્કેલી લાવનાર છે. આનાથી એવો સવાલ થાય છે કે શું રશિયા આવનારા સમયમાં નવા પ્રકારના મોટા યુદ્ધની તૈયારી કરી રહ્યું છે!
વ્હાઇટ હાઉસે ગુરુવારે જાહેરમાં પુષ્ટિ કરી હતી કે રશિયાએ ખતરનાક એન્ટિ-સેટેલાઇટ હથિયાર મેળવ્યું છે, જે પરેશાન કરે છે. જો કે, યુએસએ કહ્યું કે તે પૃથ્વી પર સીધો ‘ભૌતિક વિનાશ’ કરી શકે નહીં. વ્હાઇટ હાઉસના રાષ્ટ્રીય સુરક્ષા પ્રવક્તા જ્હોન કિર્બીએ કહ્યું કે અમેરિકી ગુપ્તચર અધિકારીઓ પાસે માહિતી છે કે રશિયાએ આ ક્ષમતા મેળવી લીધી છે.
જો કે, આવા કોઈ હથિયાર હાલમાં ‘કામ’માં નથી. અમેરિકી અધિકારીઓ ઉભરતી ટેક્નોલોજી પર તેમની પાસે રહેલી માહિતીનું વિશ્લેષણ કરી રહ્યા છે અને આ બાબતે સહયોગી અને ભાગીદારો સાથે પરામર્શ કર્યો છે.
રશિયાની આ શોધ ચિંતાજનક છેઃ અમેરિકા
“સૌપ્રથમ તો આ એક સક્રિય ક્ષમતા નથી જે તૈનાત કરવામાં આવી છે અને જો કે રશિયા દ્વારા આ વિશિષ્ટ ક્ષમતાની શોધ મુશ્કેલીમાં મૂકે છે, કોઈની સુરક્ષા માટે તાત્કાલિક કોઈ ખતરો નથી,” કિર્બીએ કહ્યું. “અમે એવા શસ્ત્ર વિશે વાત કરી રહ્યા નથી જેનો ઉપયોગ મનુષ્યો પર હુમલો કરવા અથવા પૃથ્વી પર ભૌતિક વિનાશ કરવા માટે થઈ શકે.”
બાઈડેન તંત્રને તેને રાષ્ટ્રીય સુરક્ષા માટે ખતરો ગણાવ્યો હતો
હાઉસ ઇન્ટેલિજન્સ કમિટીના રિપબ્લિકન વડા, ઓહિયોના પ્રતિનિધિ માઇક ટર્નરની અસ્પષ્ટ ચેતવણી પછી વ્હાઇટ હાઉસે બુધવારે તેના ગુપ્તચર તારણોની પુષ્ટિ કરી. તેણે જો બાઈડેન વહીવટીતંત્રને માહિતીને સાર્વજનિક કરવા વિનંતી કરી, જેને તેણે ગંભીર રાષ્ટ્રીય સુરક્ષા જોખમ તરીકે વર્ણવ્યું હતું.
