- ખતમ થઈ રહેલા કુદરતી સંસાધનોને લઈને સાઉદી અરેબિયા ચિંતિત
- આવકમાં 2030 સુધીમાં વિવિધતા લાવવાના પ્રયાસોમાં સાઉદી અરેબિયા
- 500 બિલિયન ડોલરના ખર્ચે વિકસાવવામાં આવી રહ્યું છે નિયોમ શહેર
સાઉદી અરેબિયાની ગણતરી વિશ્વના સૌથી અમીર દેશોમાં થાય છે. તેનું મુખ્ય કારણ એ છે કે આ દેશ અન્ય દેશોને મોટા પાયે તેલની નિકાસ કરે છે. એવામાં જો કોઈ એવું કહે કે સાઉદી અરેબિયાને અન્ય દેશો પાસેથી ઉધાર લેવું પડી રહ્યું છે તો આ વાત હજમ થાય તેમ નથી. જોકે આ વાત સાચી છે કે સાઉદીને હાલમાં લોન લેવાની ફરજ પડી છે.
વાસ્તવમાં, સાઉદી અરેબિયાની સંપૂર્ણ આર્થિક સ્થિતિ તેલ પર ટકેલી છે. સાઉદી પણ સારી રીતે જાણે છે કે તેની પાસે આ કુદરતી સંસાધનો કાયમ રહેશે નહીં. આ જ કારણ છે કે તે UAE જેવા દેશમાં પણ તેલ પર નિર્ભરતા ઘટાડવા માંગે છે.
સાઉદી અરેબિયાનું લક્ષ્ય છે કે તે 2030 સુધીમાં પોતાની આવકમાં વિવિધતા લાવે. આ સંદર્ભમાં, તે વૈશ્વિક તકનીક અને નવીનતામાં પોતાનો હાથ અજમાવી રહ્યો છે. આ જ કારણ છે કે સાઉદીમાં લગભગ 500 બિલિયન ડોલરના ખર્ચે નિયોમ શહેર વિકસાવવામાં આવી રહ્યું છે.
જો કે, આ પહેલમાં તે આર્થિક પડકારોનો પણ સામનો કરી રહ્યું છે. આ જ કારણ છે કે સાઉદીએ આ પહેલને પૂર્ણ કરવા માટે લોન લેવી પડી છે અને તે તેના કેટલાક શેર પણ વેચી રહ્યું છે.
સાઉદી અરેબિયામાં પ્રોજેક્ટ્સને ધિરાણ વેલ્થ ફંડ અને પબ્લિક ઇન્વેસ્ટમેન્ટ ફંડ (PIF) દ્વારા આપવામાં આવે છે. એક અહેવાલ મુજબ, PIF હાલમાં નાણાકીય અવરોધોનો સામનો કરી રહ્યું છે.
સ્થિતિ એવી છે કે PIFની રોકડ અનામત 2020 બાદ સૌથી નીચલા સ્તરે પહોંચી ગઈ છે. આ જ કારણ છે કે ઘણા વર્ષો બાદ તે પૈસા ઉધાર લેવા માટે મજબૂર થવું પડ્યું છે.
