- 17 ફેબ્રુઆરીથી લગાવાયો છે એક્સ પર પ્રતિબંધ
- પ્રતિંબધનું કારણ પણ પાકિસ્તાની સરકારે આપ્યું નથી
- આતંકી હુમલાથી બચવા માટે ઈન્ટરનેટ કરાયું બંધ
પાકિસ્તાનમાં સોશિયલ મીડિયા પ્લેટફોર્મ “X” (ટ્વિટર) ના ઉપયોગ પર સતત સાતમા દિવસે પ્રતિબંધ છે. 17 ફેબ્રુઆરીથી લગાવવામાં આવેલો પ્રતિબંધ હજુ સુધી હટાવવામાં આવ્યો નથી, જેના કારણે લોકોને માહિતી અથવા તેમના વિચારો શેર કરવામાં મુશ્કેલીનો સામનો કરવો પડી રહ્યો છે. પાકિસ્તાન સરકારે હજુ સુધી પ્રતિબંધ પાછળનું કારણ જાહેર કર્યું નથી. પાકિસ્તાન ટેલિકોમ્યુનિકેશન ઓથોરિટી (PTA)એ પણ હજુ સુધી આ મામલે કોઈ નિવેદન જારી કર્યું નથી. યુઝરને પોતાના મંતવ્યો અને માહિતી શેર કરવામાં ઘણી મુશ્કેલીનો સામનો કરવો પડી રહ્યો છે.
આતંકવાદી હુમલાથી બચવા માટે ઈન્ટરનેટ બંધ
8 ફેબ્રુઆરીએ યોજાયેલી સામાન્ય ચૂંટણીને કારણે પાકિસ્તાનના લોકો ઘણા સોશિયલ મીડિયા પ્લેટફોર્મનો ઉપયોગ કરી શકતા નથી. પાકિસ્તાનના એક સરકારી અધિકારીએ કહ્યું કે ચૂંટણીના દિવસે ઈન્ટરનેટ સેવાઓ બંધ રાખવામાં આવી હતી, જેથી કરીને કોઈ આતંકવાદી હુમલો ન થાય. જેના કારણે તે દિવસે સોશિયલ મીડિયા એક્સમાં વારંવાર અડચણો આવી રહી હતી.
ઈન્ટરનેટ બંધ કરવું બંધારણ વિરુદ્ધ
ઈન્ટરનેટ શટડાઉન બંધારણીય રીતે માહિતી શેરિંગ અને વાણીની સ્વતંત્રતાનું ઉલ્લંઘન કરે છે. વર્ષ 2018માં ઈસ્લામાબાદ હાઈકોર્ટે પોતાના નિર્ણયમાં કહ્યું હતું કે ઈન્ટરનેટ બંધ કરવું એ મૂળભૂત અધિકારો અને બંધારણની વિરુદ્ધ છે. ડિજિટલ અધિકાર કાર્યકરોએ સોશિયલ મીડિયા X પરના આ પ્રતિબંધ માટે પાકિસ્તાની અધિકારીઓની નિંદા કરી.
એક્સ સેવાઓને જારી કરવાના અપાયા આદેશ
ગુરુવારે (ફેબ્રુઆરી 23), સિંઘ હાઈકોર્ટે પાકિસ્તાન ટેલિકોમ્યુનિકેશન ઓથોરિટીને સમગ્ર દેશમાં સોશિયલ મીડિયા Xની સેવાઓ બહાર પાડવાનો આદેશ આપ્યો હતો. જોકે, PTAએ હજુ સુધી X પરનો પ્રતિબંધ હટાવવાની મંજૂરી આપી નથી.
