- સિંગાપોર એર-શૉ 2024માં સારંગ ટીમ સાહસનું પ્રદર્શન કરશે
- દિલધડક કરતબોથી સિંગાપોરના દર્શકો રહી જશે અવાક
- સારંગ એરોબેટિક્સ ટીમમાં 5 ધ્રુવ હેલિકોટર સાથે 71 સભ્યોની ટીમ
સિંગાપોરના આકાશમાં ભારતની સારંગ હેલિકોપ્ટર ડિસ્પ્લે ટીમ પોતાના કરતબો બતાવશે. આ હેલિકોપ્ટર હવામાં એવા એવા કારનામાં કરશે કે જોઈને દર્શકો ચોંકી જશે તે ચોક્કસ છે. ભારતીય વાયુસેના (IAF)ની સારંગ એરોબેટિક્સ ટીમ સિંગાપોરમાં પોતાના સાહસનું પ્રદર્શન કરવા માટે તનતોડ મહેનત કરી રહી છે. આગામી સપ્તાહે આયોજિત થનાર સિંગાપોર એર-શૉ 2024માં પોતાના શાનદાર ‘એરોબેટિક્સ’ એટલે કે હવાઈ કરતબોનું પ્રદર્શન કરવા માટે તૈયાર છે.
50થી વધુ દેશો લેશે ભાગ
આયોજકોના જણાવ્યા પ્રમાણે ચાંગી પ્રદર્શની કેન્દ્ર ખાતે 20 થી 25 ફેબ્રુઆરી દરમિયાન આયોજિત પાંચ દિવસીય એર-શૉમાં 50થી વધુ દેશો અને વિસ્તારોની 1000થી વધુ કંપનીઓ ભાગ લેશે. આ ગ્રાન્ડ એર-શૉમાં સારંગ હેલિકોપ્ટર પ્રદર્શની ટીમના 71 કર્મચારીઓની એક ટીમ પાંચ એડવાન્સ લાઇટવેટ હેલિકોપ્ટર (ALH) ‘ધ્રુવ’ની સાથે સામેલ થશે. હિન્દુસ્તાન એરોનોટિક્સ લિમિટેડ દ્વારા ડિઝાઇન કરાયેલ અને અનુમાનિત ‘ધ્રુવ’ હેલિકોપ્ટર તમામ પ્રકારના હવામાનમાં કામ કરવાની સાથે સાથે અનેક પ્રકારના મિશનમાં કાર્ય કરવા માટે સક્ષમ છે.
સિંગાપોર આવીને સન્માનિત અનુભવી રહી છે ટીમ
સારંગ ટીમના જનસંપર્ક અધિકારી (PRO) અને ગુપ કેપ્ટન આશિષ મોઘે શુક્રવારે કહ્યું છે કે, સારંગની ટીમી દુનિયાના સૌથી મોટા એર-શૉમાંના એકમાં ભારતીય વાયુસેનાનું પ્રતિનિધિત્વ કરવા માટે સિંગાપોર આવીને ખૂબ જ સન્માનિત અનુભવ કરી રહી છે. 71 સભ્યોની ટીમ શાનદાર પ્રદર્શન કરવા માટે ખાસ્સી મહેનત કરી રહી છે.
12 ફેબ્રુઆરીના રોજ પહોંચી હતી ટીમ
જણાવી દઈએ કે, ભારતીય વાયુ સેના (IAF)ની સારંગ એરોબેટિક્સ ટીમ 12 ફેબ્રુઆરીના રોજ સિંગાપોર પહોંચી ગઈ હતી. અહી મંગળવાર અને બુધવારના રોજ ટીમે પ્રેક્ટિસ પ્રદર્શન કર્યું હતું. ખાસ વાત તો એ છે કે આ ટીમનો પહેલું ઇન્ટરનેશનલ પ્રદર્શન વર્ષ 2004માં સિંગાપોરમાં જ એશિયન એરોસ્પેસ એર-શૉમાં થયું હતું.
સંબંધોને વધુ મજબૂત કરવાનો પ્રયાસ
ભારત અને સિંગાપોર વચ્ચે ગાઢ સાંસ્કૃતિક અને રક્ષા સંબંધો પર પ્રકાશ પાડતા કેપ્ટન મોઘે જણાવ્યું કે, ‘અમે આ સંબંધોને વધુ મજબૂત કરવા અને આ સમૃદ્ધ શહેરના નાગરિકોના દિલ જીતવા માટે આવ્યા છીએ. તેમણે વધુમાં જણાવ્યું કે સારંગના પડકારજનક યુદ્ધાભ્યાસ ડોલ્ફિન લિપ, ક્રોસ ઓવર બ્રેક, ડબલ એરો ક્રોસ, મેષ, લેવલ ક્રોસ, સારંગ હાર્ટ અને સારંગ સ્પ્લિટ છે. મોઘે કહ્યું કે દુનિયભરમાં માત્ર ગણતરીના જ હેલિકોપ્ટર એવા છે જે પ્રદર્શન ટીમમાં જોવા મળશે. આ બાબત જ સારંગ એરોબેટિક્સ ટીમને અન્ય કરતાં અલગ તારવે છે.
2003માં થઈ હતી ટીમની સ્થાપના
સારંગ વાયુસેનાની હેલિકોપ્ટર એર ડિસ્પ્લે ટીમ છે, જેમાં પાંચ રિવાઇઝ્ડ HAL ધ્રુવ હેલિકોપ્ટર સામેલ છે, જેમને એડવાન્સ્ડ લાઇટ હેલિકોપ્ટર તરીકે પણ ઓળખવામાં આવે છે. આ ટીમની સ્થાપના ઓકટોબર 2003માં થઈ હતી. તેનું પહેલી પ્રદર્શન 2004માં સિંગાપોરમાં એશિયન એરોસ્પેસ શૉમાં થયું હતું.
