- ક્રિકેટના સૌથી મોટા તહેવાર એટલે કે IPLની આગામી સિઝન 22 માર્ચથી શરૂ થશે
- IPL 2024 પહેલા રિલીઝ થયેલા પ્રોમોમાં ભારતના 3 સ્ટાર ખેલાડીઓ બહાર
- IPL 2024ના પ્રોમો વીડિયોમાં હાર્દિક સહિત આ ખેલાડીઓ દેખાયા
ક્રિકેટના સૌથી મોટા તહેવાર એટલે કે IPLની આગામી સિઝન 22 માર્ચથી શરૂ થશે. IPL 2024ની શરૂઆતની મેચમાં ડિફેન્ડિંગ ચેમ્પિયન ચેન્નાઈ સુપર કિંગ્સનો સામનો રોયલ ચેલેન્જર્સ બેંગ્લોર સામે થશે. મેગા ઈવેન્ટ પહેલા બ્રોડકાસ્ટરે IPL 2024નો પ્રથમ પ્રોમો વિડીયો રીલીઝ કર્યો છે.
IPL 2024ના પ્રોમોમાં ટીમ ઈન્ડિયાના ચાર સ્ટાર ખેલાડી રિષભ પંત, શ્રેયસ ઐયર, કેએલ રાહુલ અને હાર્દિક પંડ્યા જોવા મળી રહ્યા છે, પરંતુ એમએસ ધોની, રોહિત શર્મા અને વિરાટ કોહલીની ગેરહાજરીને કારણે ફેન્સ થોડા ગુસ્સે છે.
IPL 2024 નો પ્રોમો આઉટ
IPL 2024ના પ્રોમો વીડિયોમાં હાર્દિક પંડ્યાની સાથે કોલકાતા નાઈટ રાઈડર્સના કેપ્ટન શ્રેયસ ઐયર, લખનૌ સુપર જાયન્ટ્સના કેપ્ટન કેએલ રાહુલ અને દિલ્હી કેપિટલ્સના સ્ટાર ખેલાડી રિષભ પંત અલગ અલગ અંદાજમાં જોવા મળી રહ્યા છે. આ વખતના IPL પ્રોમોની થીમ છે – ‘ટાટા IPL ગજબ… રંગ દીખેગા અજબ.’
પ્રોમોમાં રોહિત, ધોની અને કોહલી જોવા મળ્યા ન હતા
IPL 2024 પહેલા રિલીઝ થયેલા પ્રોમોમાં ભારતના 3 સ્ટાર ખેલાડીઓ એમએસ ધોની, રોહિત શર્મા અને વિરાટ કોહલીની ગેરહાજરીથી ચાહકો થોડા આશ્ચર્યચકિત છે. કેટલાક ફેન્સ સોશિયલ મીડિયા દ્વારા શ્રેયસ ઐયરને ટ્રોલ કરી રહ્યા છે. એક યુઝરે લખ્યું કે ઐયર ઈજાથી પરેશાન હતો, રણજી ટ્રોફી ચૂકી ગયો પરંતુ તેને આ પ્રોમો શૂટ કરવાનો સમય મળ્યો.
મુંબઈ ઈન્ડિયન્સનો કેપ્ટન હાર્દિક નહીં પણ રોહિત હશે
IPL 2024 પહેલા પાંચ વખતની વિજેતા મુંબઈ ઈન્ડિયન્સે મોટો નિર્ણય લીધો છે. ફ્રેન્ચાઇઝીએ રોહિત શર્માને સુકાનીપદેથી હટાવીને હાર્દિક પંડ્યાને ટીમની કમાન સોંપવાનો નિર્ણય લીધો હતો. MIના આ નિર્ણયથી મોટાભાગના ચાહકો ચોંકી ગયા છે અને નારાજ છે. હાર્દિકની વાત કરીએ તો તે વર્લ્ડકપ 2023ની વચ્ચે ઈજાગ્રસ્ત થયો હતો, ત્યારબાદ તે ટીમ ઈન્ડિયાની બહાર થઈ ગયો હતો. જો કે, અહેવાલો અનુસાર, તે હવે સ્વસ્થ થઈ ગયો છે અને IPL 2024માં મુંબઈ ઈન્ડિયન્સની કમાન સંભાળવા માટે તૈયાર છે.
