અમેરિકામાં માર્ગ અકસ્માતમાં ભારતીય મૂળનાં મા-દીકરીનાં કરુણ મોત

• આંધ્રપ્રદેશના વતની પરિવારને ગમખ્વાર અકસ્માત નડયો
• પરિવાર જન્મદિવસની ઉજવણી કરવા જઈ રહ્યું હતું
• માતા, પુત્રીનું નિધન થયું, પુત્ર અને પિતાનો ચમત્કારિક બચાવ

  વિદેશની ધરતી પર ભારતીયોના મોતનો સીલસીલો યથાવત્ છે. અમેરિકામાં આવેલા પોર્ટલેન્ડમાં એક ગોઝારા અકસ્માતમાં ભારતીય મૂળની મહિલા અને તેની પુત્રીનું મોત થયું હતું. પીડિત પરિવાર ભારતના આંધ્રપ્રદેશનો વતની હતો.

 આ ઘટના અમેરિકાના ઓરેગનમાં બની હતી. જ્યારે પીડિત પરિવારની કાર અન્ય એક વાહન સાથે અથડાઈ ગયું હતું. આખો પરિવાર ગીતાંજલીનો જન્મદિવસ મનાવવા મંદિરે જઈ રહ્યો હતો. આ ઘટનામાં મહિલા ગંભીર રીતે ઈજાગ્રસ્ત થઈ ગઈ હતી. જ્યારે તેની છ વર્ષીય પુત્રી હનિકાનું મોત થયું હતું. બાદમાં મહિલા પણ હોસ્પિટલમાં મૃત્યુ પામી હતી. ઓેરેગન સ્ટેટ પોલીસ અનુસાર આ ઘટના 30 માર્ચની છે. આમાં અન્ય બે લોકો પણ ઈજાગ્રસ્ત થયા છે. જેમાં મહિલાનો પતિ અને દીકરો પણ સામેલ છે. જો કે આ ઘટનામાં મહિલાના પતિ નરેશ અને પુત્રનો ચમત્કારિક બચાવ થયો હતો. અમેરિકામાં મહિલા અને બાળકીનાં મોત પર ભારતમાં તેમના ગામડામાં શોકનું મોજું ફરી વળ્યું છે.

પરિવારમાં મૃતક ગીતાંજલીના પતિ કમાથમ નરેશ સિવાય તેના બે બાળકો હતાં. તેઓના પતિ અમેરિકામાં સોફ્ટવેર એન્જિનિયર છે. પરિવાર આંધ્રપ્રદેશના એક ગામડામાં રહેતા હતા. વતનમાં બંનેના અંતિમ સંસ્કાર કરવામાં આવશે. આ સિવાય મૃતદેહોને ભારત લાવવાની તૈયારી કરાઈ રહી છે.