- રમઝાન મહિનાની સાથે જ 4 લાખ ભિખારીઓ કરાચી આવ્યા
- ભિખારીઓ અને ગુનેગારો માટે અનુકૂળ બની ગયું કરાચી શહેર
- વગર સેલેરીએ પાકિસ્તાનની ગરીબી દૂર કરવા માંગે છે નાણામંત્રી
Pakistani Baggers: પાકિસ્તાનની આર્થિક રાજધાની કરાચીને હાલમાં ભિખારીઓએ કબજે કરી લીધું છે. પાકિસ્તાનના એક વરિષ્ઠ પોલીસ અધિકારીએ જણાવ્યું કે રમઝાન મહિનામાં સમગ્ર પાકિસ્તાનમાંથી લગભગ 4 લાખ ભિખારીઓ કરાચી પહોંચ્યા છે. આ ભિખારીઓ રમઝાન મહિનાને મૂડી બનાવવામાં વ્યસ્ત છે, આ દિવસોમાં તમને કરાચીના દરેક ચોક પર ભિખારીઓ જોવા મળશે.
વાસ્તવમાં પાકિસ્તાનની રાજનીતિ ભલે ઈસ્લામાબાદ અને રાવલપિંડીથી ચલાવવામાં આવે પરંતુ આર્થિક રાજધાની કરાચી છે. એવામાં, દેશભરમાંથી ભિખારીઓ કરાચી પહોંચી ગયા છે. પાકિસ્તાનના એક વરિષ્ઠ પોલીસ અધિકારીને ટાંકીને અહેવાલો પ્રકાશિત થઈ રહ્યા છે. કરાચીના એડિશનલ ઈન્સ્પેક્ટર જનરલ (AIG) ઈમરાન યાકુબ મિન્હાસે મંગળવારે દાવો કર્યો હતો કે ઈદ અને રમઝાન દરમિયાન પાકિસ્તાનના તમામ શહેરો અને ગામડાઓમાંથી ભિખારીઓ કરાચી આવ્યા છે, તેમની સંખ્યા લગભગ 3-4 લાખ હોઈ શકે છે.
પાકિસ્તાનમાં વધી રહી છે ગુનાખોરી
પાકિસ્તાનના ટોચના પોલીસ અધિકારીએ કહ્યું કે હાલમાં કરાચી શહેર ભિખારીઓ અને ગુનેગારો માટે અનુકૂળ શહેર બની રહ્યું છે. એડિશનલ આઈજીએ કહ્યું કે જૂની પદ્ધતિથી ગુનેગારોને પકડવા મુશ્કેલ છે, તેથી તેમણે સરકારને દરેક ચોક પર સીસીટીવી કેમેરા લગાવવાની વિનંતી કરી છે. મીડિયા અહેવાલ અનુસાર, એકલા રોડ ક્રાઈમમાં ઓછામાં ઓછા 19 લોકોએ જીવ ગુમાવ્યા છે. વર્ષ 2024માં લુટારુઓના હાથે ઓછામાં ઓછા 55 લોકોના મોત થયા છે.
પાકિસ્તાનની ગરીબી દૂર કરવામાં લાગ્યા નાણામંત્રી
તો બીજી બાજુ પાકિસ્તાનની ગરીબી દૂર કરવા માટે નાણામંત્રી મોહમ્મદ ઔરંગઝેબને ગયા મહિને પાકિસ્તાનના નાણાં મંત્રી બનાવવામાં આવ્યા હતા. ઔરંગઝેબે સિંગાપોરમાં ઉચ્ચ પગારવાળી નોકરી છોડીને પાકિસ્તાનમાં વગર પગારે ગરીબી નાબૂદ કરવાનું કામ હાથમાં લીધું છે. બીજી તરફ પાકિસ્તાનમાં ગુનેગારો અને ભિખારીઓની સંખ્યા વધી રહી છે, આવી સ્થિતિમાં પાકિસ્તાનની પોલીસ ચિંતિત જોવા મળી રહી છે.
