- શિકાગોમાં આવેલું ભારતીય દૂતાવાસ સતત ભારતીય સમુદાયના સંપર્કમાં
- અમેરિકામાં ભારતીય વિદ્યાર્થીઓ પર હુમલામાં વધારો
- રૂપેશ ચંદ્રા નામનો વિદ્યાર્થી બે મહિનાથી ગુમ હોવાનો દાવો
ભારતીય વિદ્યાર્થીઓ માટે અમેરિકામાં ભણવા જવું એક સપનું રહ્યું છે, પરંતુ છેલ્લા કેટલાક મહિનાઓથી આ સપનું ખરાબ સપનામાં બદલાઈ ચુકયું છે. અમેરિકામાં સતત ભારતીય વિદ્યાર્થીઓ ગાયબ અથવા હત્યા થવાની ઘટનાઓ સામે આવી રહી છે. હવે ફરી એકવાર અમેરિકાના શિકાગોમાંથી એક ભારતીય વિદ્યાર્થી ગુમ થયો છે. વિદ્યાર્થીની ઓળખ રૂપેશ ચંદ્રા ચિંતાકિંદીના રૂપમાં થઈ. જે ગત બે મહિનાથી ગુમ છે.
ભારતના દૂતાવાસે નિવેદન જાહેર કર્યું
શિકાગોમાં આવેલા ભારતીય હાઈ કમિશન દૂતાવાસે જણાવ્યું કે તે પોલીસ અને અમેરિકામાં રહેતા ભારતીય સમુદાયના સંપર્કમાં છે. સોશિયલ મીડિયા પર જાહેર એક પોસ્ટમાં લખ્યું કે દૂતાવાસ ભારતીય વિદ્યાર્થી રૂપેશ ચંદ્રાના ગુમ થવાની ખબર મળી છે. આ અંગેની જાણ થતા દૂતાવાસ ચિંતિત છે. દૂતાવાસ સતત ભારતીય સમુદાય અને પોલીસના સંપર્કમાં છે અને આશા છે કે જલ્દી જ રૂપેશની જાણ થાય. શિકાગો પોલીસે લોકોને અપીલ કરી છે કે જો રૂપેશ અંગે કોઈપણ જાણકારી મળે તે તેને પોલીસ સાથે શેર કરવી. રૂપેશ છેલ્લા બે મહિનાથી શિકાગોના શેરિડોન રોડથી ગુમ થે. મહત્ત્વનું છે કે, આની પહેલા માર્ચમાં પણ એક ભારતીય વિદ્યાર્થી ગુમ થયો હતો. જેનો એપ્રિલમાં મૃતદેહ મળી આવ્યો હતો. હૈદ્રાબાદમાં રહેતા મોહમ્મદ અબ્દુલ અરફાતનો મૃતદેહ ઓહાયો ક્લિવલેન્ડ યુનિવર્સિટીમાંથી આઈટી માસ્ટર ડિગ્રીનો અભ્યાસ કરવા ગયો હતો.
અમેરિકામાં ભારતીય વિદ્યાર્થીઓ પર હુમલામાં વધારો
તાજેતરના દિવસોમાં અમેરિકામાં ભારતીય વિદ્યાર્થીઓના મોતના કિસ્સાઓ વધ્યા છે. ગત એપ્રિલ મહિનામાં એક ભારતીય વિદ્યાર્થી ઉમા સત્ય ગંગેનું મોત થયું હતું. જેની તપાસ ચાલી રહી છે. ફેબ્રુઆરીમાં એક ભારતીય વિદ્યાર્થી પર જીવલેણ હુમલો થયો હતો. આ વર્ષે અમેરિકામાં કુલ 11 વિદ્યાર્થીઓના જુદા-જુદા કારણે મોત થયા. આવામાં અમેરિકામાં ભારતીય વિદ્યાર્થીઓની સુરક્ષાને લઈ સવાલ ઉઠવા લાગ્યા છે.
