- નાઇજીરિયાના બોર્નો સ્ટેટમાં બોમ્બ બ્લાસ્ટ
- 18 લોકોના મોત અને 48 લોકો ઘાયલ
- નાઇજીરિયા સમયાનુસાર શનિવારે થયો બ્લાસ્ટ
નાઈજીરિયામાંથી એક હૃદયદ્રાવક ઘટના સામે આવી છે. એક પછી એક અનેક બોમ્બ વિસ્ફોટોમાં બાળકો અને મહિલાઓ સહિત અનેક લોકોએ જીવ ગુમાવ્યા હતા. બોર્નોમાં થયેલા આ વિસ્ફોટો બાદ સમગ્ર દેશમાં સનસનાટી ફેલાઈ ગઈ હતી. નાઈજીરીયાના ઉત્તરપૂર્વીય બોર્નો રાજ્યમાં બોમ્બ વિસ્ફોટોમાં ઓછામાં ઓછા 18 લોકો માર્યા ગયા અને 48 અન્ય ઘાયલ થયા છે.
લગ્ન સમારંભમાં કર્યો વિસ્ફોટ
પોલીસ પ્રવક્તાના જણાવ્યા અનુસાર ગ્વોઝા શહેરમાં થયેલા ત્રણ વિસ્ફોટોમાંથી એકમાં, એક મહિલા હુમલાખોરે પોતાની પીઠ પર બાંધેલા બાળકને લઈને લગ્ન સમારંભની મધ્યમાં વિસ્ફોટ કર્યો હતો. અધિકારીઓએ જણાવ્યું હતું કે કેમેરોનિયન સરહદી શહેરમાં અન્ય હુમલાઓએ એક હોસ્પિટલને નિશાન બનાવી હતી.
ઇજાગ્રસ્તોને ખસેડાયા સારવાર અર્થે
એક અહેવાલમાં એજન્સીના વડા બાર્કિન્દો સૈદુએ જણાવ્યું હતું કે અત્યાર સુધીમાં 18 લોકોના મોત થયાની જાણ કરવામાં આવી છે, જેમાં બાળકો, પુરૂષો, મહિલાઓ અને ગર્ભવતી મહિલાઓનો સમાવેશ થાય છે. તેમણે અહેવાલ આપ્યો કે 19 “ગંભીર રીતે ઘાયલ” લોકોને પ્રાદેશિક રાજધાની મૈદુગુરીમાં લઈ જવામાં આવ્યા હતા, જ્યારે 23 અન્ય લોકો સ્થળાંતરની રાહ જોઈ રહ્યા હતા.
અહીં થયા વિસ્ફોટ
- પ્રથમ બ્લાસ્ટ લગ્ન સમારંભ
- બીજા બ્લાસ્ટ જનરલ હોસ્પિટલ ગ્વોઝા
- ત્રીજો બ્લાસ્ટ સ્મશાનમાં અંતિમ સંસ્કાર સમયે
