- શહેરમાં રથયાત્રા પહેલા પોલીસની મેગા કોમ્બિંગ
- ઝોન 5 વિસ્તારમાં 24 ઈસમો સામે પ્રોહિબિશન હેઠળ બુટલેગરો સામે કાર્યવાહી કરવામાં આવી
- 2 ઈસમો સામે પાસા હેઠળ કાર્યવાહી કરવામાં આવી
ભગવાન જગન્નાથની રથયાત્રાના હવે માત્ર ગણતરીના દિવસો બાકી રહ્યા છે, ત્યારે તંત્ર દ્વારા તમામ પ્રકારની વ્યવસ્થાની ચકાસણી કરવામાં આવી રહી છે અને અમદાવાદ શહેરમાં રથયાત્રા પહેલા પોલીસે મેગા કોમ્બિંગ હાથ ધર્યુ અને શહેરમાં ઝોન 5 પોલીસે એક જ દિવસમાં 146 ઈસમોને રાઉન્ડ અપ કર્યા છે.
38 આરોપીને પકડી લેવામાં આવ્યા
તપાસના કામે પકડવાના બાકી 38 આરોપીને પકડી લેવામાં આવ્યા છે અને ઝોન 5 વિસ્તારમાં 24 ઈસમો સામે પ્રોહિબિશન હેઠળ બુટલેગરો સામે પણ કાર્યવાહી કરવામાં આવી છે, જ્યારે 2 ઈસમો સામે પાસા હેઠળ અમદાવાદ પોલીસ દ્વારા કાર્યવાહી કરવામાં આવી છે અને અન્ય ગુનામાં 65 જેટલા ઈસમોની અટકાયત કરવામાં આવી છે. તમને જણાવી દઈએ કે અમદાવાદમાં રથયાત્રામાં કોઈ પણ પ્રકારની અઘટિત ઘટના ના બને તેના માટે શહેર પોલીસ દ્વારા ખુબ જ સતર્કતા રાખવામાં આવે છે અને તમામ બાબતનું કડક રીતે ધ્યાન રાખવામાં આવે છે.
પોલીસના ઉચ્ચ અધિકારીઓ દ્વારા એર સર્વલન્સ કરવામાં આવ્યું હતું
રથયાત્રાને લઈને અમદાવાદ પોલીસ સજ્જ થઈ છે,બે દિવસ અગાઉ અમદાવાદ પોલીસના ઉચ્ચ અધિકારીઓ દ્વારા એર સર્વલન્સ કરવામાં આવ્યું હતુ.શાહપુર, દરિયાપુર, ઘી કાંટા જેવા સંવેદનશીલ વિસ્તારમાં એર સુરક્ષા રહેશે. સાથે સાથે ટેથર્ડ ડ્રોન, નિનઝા ડ્રોન, હિલિયમ બ્લુન માઉન્ટેડ કેમેરા સાથે હેલિકોપ્ટરથી સર્વેલન્સ થશે. રથયાત્રાને ટેકનોલોજી સાથે સુરક્ષા આપવામાં આવશે.
રથયાત્રાના રૂટ પર શહેર પોલીસ કમિશનર દ્વારા પેટ્રોલિંગ
અમદાવાદ શહેર પોલીસ દ્રારા રથયાત્રા રૂટ પર નાઈટ પેટ્રોલિંગ કરવામાં આવ્યું હતુ,આ પેટ્રોલિંગમાં પોલીસના ઉચ્ચ અધિકારીઓ જોડાયા હતા,સાથે સાથે સુરક્ષાની પણ ચકાસણી કરવામાં આવી હતી.અમદાવાદ શહેર પોલીસ કમિશનર જી.એસ.મલિક પણ આ પેટ્રોલિંગમાં જોડાયા હતા.
