- ચીનના મહત્ત્વના શહેર શાંઘાઈમાં તોફાને તબાહી સર્જી
- ભૂસ્ખલન અને પૂરના સ્થળે રાહત અને બચાવની ટીમ દ્વારા કામગીરી
- ચીનના દક્ષિણ-પૂર્વ હિસ્સામાં ભારે વરસાદ બાદ પૂરે તારાજી સર્જી
પાડોશી દેશ ચીનમાં ભારે વરસાદ બાદ પૂરનો કહેર યથાવત્ છે. આમાં 11 લોકોનાં મોત થયા છે, જ્યારે ઘણા મોટા પ્રમાણમાં લોકો ઈજાગ્રસ્ત થયા છે. ચીનના દક્ષિણ-પૂર્વ હિસ્સામાં ભારે વરસાદને લીધે ભૂસ્ખન થવાથી એક મકાન વરસાદી પાણીમાં તણાઈ ગયું, જેથી 11 લોકોનાં મોત નિપજયા હતા. એક બીજી ઘટનામાં ચીનના શાંઘાઈ શહેરમાં આવેલા તોફાનથી એક વૃક્ષ પડી જતા એક વ્યકિતનું ઘટનાસ્થળે જ મોત થયું હતું.
ચીનના તંત્રનો દાવો
ચીનના વહીવટી તંત્રના જણાવ્યા પ્રમાણે ચીનમાં આ મોત કદાચ ઉષ્ણ કટિબંધીય ચક્રવાત ગેમીને લીધે થયું છે. ચીનના હુનાના પ્રાંતના હેંગયાંગ શહેર પાસે આવેલું યુએલિન ગામમાં સવારે આઠ વાગ્યે ભૂસ્ખલન થવાથી એક ઘર ધરાશાયી થયું હતું. અગાઉ એવું સામે આવ્યું હતું કે ભૂસ્ખલન થતા 18 લોકો ફસાઈ ગયા છે અને છ લોકો ઈજાગ્રસ્તને બહાર કાઢી લેવામાં આવ્યા છે.
ઘટનામાં ઘણા લોકો ઈજાગ્રસ્ત
ભૂસ્ખલનની આ ઘટનામાં ઘણા લોકો ઈજાગ્રસ્ત થયા છે. એક અન્ય વ્યકિત પણ હજી ગુમ હોવાનું સામે આવ્યું છે. આ ઘટનામાં ઈજાગ્રસ્ત લોકોને ગંભીર અથવા સામાન્ય ઈજાઓ થઈ છે. મળતી માહિતી અનુસાર, ભૂસ્ખલન ભારે વરસાદને લીધે પહાડોથી પાણી વહવાને લીધે બન્યું હતું. રાહત અને બચાવ ટીમ ઘટનાસ્થળે ભારે જહેમતથી કામ કરી રહી છે.
