- અમેરિકાના એક શખ્સે એક જ દિવસમાં 15 પરાક્રમો કરી વર્લ્ડ રેકોર્ડનો ઢગલો કર્યો
- ગિનીજ વર્લ્ડ રેકોર્ડ્સના અધિકારી ડેવિડથી ઘણા પ્રભાવિત છે
- ગિનીજ બુક ઓફ વર્લ્ડ રેકોર્ડમાં આ શખ્સે 250થી વધુ પરાક્રમ કર્યા
ગિનીસ બુક ઓફ વર્લ્ડ રેકોર્ડમાં તમારું નામ નોંધાવવું એ પોતાનામાં ગર્વની વાત છે. ગિનિસ બુકમાં પોતાનું નામ લખાવવા માટે ઘણા લોકો સખત મહેનત કરે છે. ઘણી જહેમત બાદ ગીનીસ બુકનો હિસ્સો બનવાની તક માત્ર થોડા જ લોકોને મળે છે. પરંતુ એક વ્યક્તિએ ગિનિસ બુકમાં પોતાનું નામ લખાવવાનો વર્લ્ડ રેકોર્ડ બનાવ્યો છે. આ વ્યક્તિએ 250 થી વધુ ગિનિસ વર્લ્ડ રેકોર્ડ તોડ્યા છે. હાલમાં જ આ વ્યક્તિએ એક દિવસમાં 15 ગિનીસ વર્લ્ડ રેકોર્ડ પોતાના નામે કર્યા છે.
ડેવિડ રશે સૌને ચોંકાવ્યા
અમેરિકાના ઈડાહોમાં રહેતા ડેવિડ રશે એક દિવસની અંદર 15 ગિનીજ બુક ઓફ વર્લ્ડ રેકોર્ડ પ્રાપ્ત કર્યા છે. ત્યારબાદ ડેવિડ 250થી વધુ વખત ગિનીજ બુકમાં નામ નોંધાવી ચુક્યા છે. ગિનીજ વર્લ્ડ રેકોર્ડ્સના અધિકારી ડેવિડથી ઘણા પ્રભાવિત છે. તેઓએ કોઈપણ મહેનત વગર આટલા વર્લ્ડ રેકોર્ડ તોડયા છે. રેકોર્ડ બ્રેકર ડેવિડ રશના જણાવ્યા પ્રમાણે તમામ વર્લ્ડ રેકોર્ડ બનાવવા પર તેઓ પણ નવાઈ પામ્યા છે. ડેવિડ15 નવા વર્લ્ડ રેકોર્ડની સત્તાવાર પુષ્ટિકની વાટ જોઈ રહ્યા છે.
ડેવિડના ટોપ 10 વર્લ્ડ રેકોર્ડની યાદી
1. ડેવિડે એક મિનિટમાં ત્રણ સફરજનમાંથી મહત્તમ 198 બાઇટ્સ કાપીને વિશ્વ રેકોર્ડ બનાવ્યો.
2. ડેવિડે ટેબલ ટેનિસ બોલને બે બોટલ કેપ પર 2.9 સેકન્ડમાં વધુમાં વધુ 10 વખત ફટકાર્યો હતો.
3. ડેવિડે 30 સેકન્ડમાં 5,100 મિલીલીટર પાણી હલાવી લીધું છે.
4. ડેવિડે 5.38 સેકન્ડમાં એક હાથથી 10 ટોયલેટ પેપર રોલ કર્યા છે.
5. ડેવિડે 13.99 સેકન્ડમાં સ્ટ્રોની મદદથી 1 લીટર લેમોનેડ પીધું, જે અત્યાર સુધીનું સૌથી ઝડપી લેમોનેડ પીવાનો રેકોર્ડ છે.
6. ડેવિડે 30 સેકન્ડની અંદર 20 ટી-શર્ટ પહેરીને વર્લ્ડ રેકોર્ડ બનાવ્યો હતો.
7. ડેવિડે 30 સેકન્ડની અંદર બેઝબોલના બંને ખૂણાને 125 વખત સ્પર્શ કરીને વિશ્વ રેકોર્ડ બનાવ્યો.
8. બાળપણમાં આપણે બધાએ કાગળના એરોપ્લેન બનાવ્યા હશે અને તેને ઉડાડ્યા હશે. ડેવિડે પ્લેન બનાવ્યું અને તેને માત્ર 5.12 સેકન્ડમાં ઉડાડ્યું, જેના કારણે તેનું નામ ગિનિસ બુકમાં નોંધાયું.
9. ડેવિડના નામે 1 મિનિટમાં 398 વખત ટેબલ ટેનિસ બોલ દિવાલ પર મારવાનો વર્લ્ડ રેકોર્ડ છે.
10. ડેવિડે 1 મિનિટમાં નિશાન પર 29 ચોપસ્ટિક્સ મારીને વર્લ્ડ રેકોર્ડ બનાવ્યો છે.
