- ડોનાલ્ડ ટ્રમ્પે ACA ને નાબૂદ કરવાનો પ્રયાસ કર્યો
- કમલા હેરિસ પર ટ્રમ્પે લગાવ્યો આરોપ
- યુએસ પ્રમુખપદની ચૂંટણીમાં હવે ગણતરીનો સમય બાકી
યુએસ પ્રમુખપદની ચૂંટણીમાં હવે બસ ગણતરીનો સમય બાકી રહ્યો છે. ત્યારે જો બિડેન આ રેસમાંથી નીકળી જતાં હવે ચૂંટણીના મુદ્દાઓમાં પણ ફેરફાર જોવા મળી રહ્યો છે. જેમાં ડેમોક્રેટિક અને રિપબ્લિકન ઉમેદવારો હવે તેમની રેલીઓમાં તે મુદ્દાઓ પર ધ્યાન કેન્દ્રિત કરી રહ્યા છે જેના દ્વારા તેમને લાગે છે કે આ ચૂંટણી લડાઈ જીતી શકાય છે.
ડોનાલ્ડ ટ્રમ્પે કમલા હેરિસ પર લગાવ્યા આરોપ
ડેમોક્રેટિક અને રિપબ્લિકન ઉમેદવારો ઘણા અગત્યના મુદ્દા પર ધ્યાન આપી રહ્યા છે. ત્યારે ડોનાલ્ડ ટ્રમ્પે દ્વારા આરોપ લગાવવામાં આવ્યો છે કે, જો કમલા હેરિસ રાષ્ટ્રપતિ બનશે તો દેશ બરબાદ થઈ જશે. જ્યારે કમલા હેરિસે આ લડાઈને બંધારણ બચાવવાની લડાઈ ગણાવી છે. આવી સ્થિતિમાં એવા મુદ્દાઓ પર ચર્ચા કરવી જરૂરી બની જાય છે જે અમેરિકી રાષ્ટ્રપતિની ચૂંટણીમાં જીત કે હાર નક્કી કરવાની ક્ષમતા ધરાવે છે.
ગર્ભપાત વિરોધી કાયદો
અમેરિકામાં ગર્ભપાત સામેનો કાયદો એક મોટો સામાજિક મુદ્દો છે, જૂન 2022માં યુએસ સુપ્રીમ કોર્ટે ગર્ભપાતને મંજૂરી આપતા કાયદા પર પ્રતિબંધ મૂક્યો હતો. કોર્ટે રાજ્યોને ગર્ભપાત સામેના કાયદામાં ફેરફાર કરવાની સત્તા આપી હતી. ત્યારથી ત્યાં ગર્ભપાતનો મુદ્દો મોટો મુદ્દો બની ગયો છે. અમેરિકાની મોટાભાગની વસ્તી ગર્ભપાત વિરોધી કાયદાની વિરુદ્ધ છે, ખાસ કરીને મહિલાઓને આ કાયદાને કારણે ઘણી સમસ્યાઓનો સામનો કરવો પડી રહ્યો છે.
ઇઝરાયેલ હમાસ યુદ્ધ
7 ઓક્ટોબરે હમાસના હુમલા બાદ ગાઝામાં ચાલી રહેલા સંઘર્ષને લઈને અમેરિકાના બંને મુખ્ય પક્ષો લગભગ સમાન વલણ અપનાવી રહ્યા હોય તેવું લાગે છે. અમેરિકામાં ગમે તે પક્ષ સત્તામાં હોય, પરંતુ તાજેતરના સમયમાં અમેરિકન લોકોમાં પેલેસ્ટાઈન માટેના સમર્થનમાં ક્યારેય ઘટાડો થયો નથી. લોકો ઈઝરાયેલને આપવામાં આવતી આર્થિક મદદનો પણ વિરોધ કરી રહ્યા છે. આવી સ્થિતિમાં આ મુદ્દો અમેરિકન ચૂંટણી પર કેટલી મોટી અસર કરશે તે જોવું રહ્યું.
આરોગ્ય
અમેરિકાના પૂર્વ રાષ્ટ્રપતિ ઓબામાની હેલ્થકેર સ્કીમ ‘ઓબામાકેર’ અમેરિકામાં ખૂબ જ સફળ રહી હતી. આ યોજના સામાન્ય લોકોને વધુ સારી અને સસ્તી આરોગ્ય સંભાળ પૂરી પાડવાના ઉદ્દેશ્યથી શરૂ કરવામાં આવી હતી, જેને અમેરિકામાં ખૂબ જ સારો પ્રતિસાદ મળ્યો હતો. તે અમેરિકામાં એફોર્ડેબલ કેર એક્ટ (ACA) તરીકે ઓળખાય છે.
કર
અમેરિકામાં ટેક્સ સિસ્ટમની ચર્ચા ઘણી જૂની છે. એવો દાવો કરવામાં આવે છે કે અમેરિકામાં દરેક વ્યક્તિ તેના હિસ્સાનો ટેક્સ ચૂકવે છે પરંતુ જો કેટલાક અહેવાલો પર વિશ્વાસ કરવામાં આવે તો આ સંપૂર્ણપણે ખોટું છે. વાસ્તવમાં અમેરિકાની ટેક્સ સિસ્ટમ એવી છે કે તે અબજોપતિઓને ટેક્સ બચાવવામાં મદદ કરે છે. યુ.એસ.માં, સરકાર ફક્ત શેર અને મિલકતના વેચાણ પર જ ટેક્સ વસૂલ કરે છે, તેથી અબજોપતિઓની સંપત્તિમાં સતત વધારો થાય છે અને તેમને નજીવો ટેક્સ ચૂકવવો પડે છે.
ઇમિગ્રન્ટ્સનો મુદ્દો
ઇમિગ્રન્ટ્સનો મુદ્દો શરૂઆતથી જ ટ્રમ્પના ચૂંટણી પ્રચારનો મહત્વનો ભાગ રહ્યો છે. અમેરિકી રાષ્ટ્રપતિની ચૂંટણીમાં ડોનાલ્ડ ટ્રમ્પ આ મુદ્દે કમલા હેરિસ અને ડેમોક્રેટિક પાર્ટી પર સતત પ્રહારો કરી રહ્યા છે. કમલા હેરિસ હવે આ મુદ્દે ટ્રમ્પને ઘેરવાની રણનીતિ બનાવી રહી છે. બિડેન-હેરિસ વહીવટીતંત્ર ઇમિગ્રન્ટ્સ પ્રત્યે સકારાત્મક વલણ અપનાવી રહ્યું છે, જ્યારે ટ્રમ્પ તેનો સખત વિરોધ કરી રહ્યા છે.
