બાંગ્લાદેશમાં હિંસા બાદ વચગાળાની સરકાર રચવામાં આવી હતી. જેમાં સરકારના વડા મોહમ્મદ યુનુસ બાંગ્લાદેશની સ્થિતિને સુધારવાના પ્રયાસ કરી રહ્યા છે. ત્યારે હવે બાંગ્લાદેશની સુરક્ષાને લઈને એક મહત્વનો નિર્ણય લેવામાં આવ્યો છે. જે પોલીસ વિભાગ સબંધિત જોડાયેલી છે.
બાંગ્લાદેશમાં પોલીસ સામે ભારે રોષ
બળવા પછી વચગાળાની સરકારની રચના કરવામાં આવી છે. આ સરકારના વડા મોહમ્મદ યુનુસ દેશની સ્થિતિ સુધારવાના પ્રયાસો કરી રહ્યા છે. આ સંદર્ભમાં, એક મોટો નિર્ણય લેવામાં આવ્યો છે, જે પોલીસ વિભાગ સાથે સંબંધિત છે. બાંગ્લાદેશ પોલીસનો યુનિફોર્મ અને લોગો બદલવાનો નિર્ણય લેવામાં આવ્યો છે. બાંગ્લાદેશમાં વિદ્યાર્થીઓ પર પોલીસની ક્રૂર કાર્યવાહી બાદ પોલીસ સામે ભારે રોષ જોવા મળી રહ્યો છે.
બાંગ્લાદેશ સરકારે કમિટીની રચના કરી
પોલીસ યુનિફોર્મ અને લોગો બદલવા માટે સરકારે એક કમિટીની રચના કરી છે. તેમાં દસ સભ્યો હશે. સરકારે પોલીસ યુનિફોર્મના રંગ અને લોગો અંગે વિદ્યાર્થીઓ પાસેથી અભિપ્રાય માંગ્યો છે. શેખ હસીના સરકાર વિરૂદ્ધ વિરોધ પ્રદર્શન, બળવા અને તેમના દેશ છોડ્યા બાદ સરકાર બાંગ્લાદેશ પોલીસની ઓળખ બદલવાનો પણ પ્રયાસ કરી રહી છે.
પોલીસ યુનિફોર્મ અને લોગોમાં ફેરફારનો નિર્ણય
પોલીસ યુનિફોર્મ અને લોગોમાં ફેરફારની સાથે સેનાએ પણ મોટો નિર્ણય લીધો છે. સોમવારે આર્મી ચીફ જનરલ વકાર ઉઝ જમાને વચગાળાના સરકારના વડા મુહમ્મદ યુનુસ સાથે મુલાકાત કરી હતી. આ પછી એવું કહેવામાં આવ્યું હતું કે પોલીસ ઓપરેશનની કમાન સંભાળે પછી તમામ સૈનિકો બેરેકમાં પાછા ફરશે.
આર્મી ચીફે દેશની સુરક્ષા સ્થિતિની સમીક્ષા કરી
યુનુસ સાથેની મુલાકાત દરમિયાન આર્મી ચીફે દેશની સુરક્ષા સ્થિતિની પણ સમીક્ષા કરી હતી. શેખ હસીનાએ પીએમ પદેથી રાજીનામું આપી દેશ છોડીને લશ્કરી વિમાનમાં ભારત ગયા બાદ અરાજકતા ફેલાઈ ગઈ હતી. સૈન્યએ સત્તા સંભાળવા માટે પગલાં લીધાં હતાં. હવે આર્મી ચીફે કહ્યું કે પોલીસ ઓપરેશનની કમાન સંભાળ્યા બાદ સૈનિકો બેરેકમાં પરત ફરશે.
