- એક એવો દેશ જ્યાં છે માત્ર 27 લોકો
- એવો દેશ જે વસેલો છો થાંભલા પર
- આ દેશમાં છે રાજા રાણીનું શાસન
આપણે કોઇ દેશની વાત કરીએ તો, પહેલા વિચાર આવે કે કેટલો મોટોહશે.. કેવા લોકો ત્યાં વસતા હશે. કેવી આબોહવા હશે .શું ત્યાં પબ્લિક ટ્રાન્સપોર્ટેશન હશે, ત્યાં કેવી ઇમારતો હશે વગેરે વગેરે સવાલો આપણા માઇન્ડમાં આવે. પરંતુ જ્યારે તમને ખબર પડે કે તમે જે દેશ વિશે વિચારો છો તેમાં તમારા વિચારવા મુજબનું કશું જ નથી. ત્યારે આવો આજે આપણે એવા જ એક દેશ વિશે વાત કરીએ જેને દુનિયાનો સૌથી નાનો દેશ કહેવામાં આવે છે.
1 કિમીના ચોથા ભાગ જેટલો દેશ ??
દરેક વ્યક્તિ વિચારે છે કે વિશ્વનો સૌથી નાનો દેશ વેટિકન સિટી છે, પરંતુ તે સાચું નથી, વિશ્વના સૌથી નાના દેશનું નામ છે પ્રિન્સિપાલિટી ઓફ સીલેન્ડ. તે ઇંગ્લેન્ડના સફોક બીચથી 10 કિમી દૂર આવેલો છે. એક ખંડેર સમુદ્ર કિલ્લા પર સ્થિત છે. આ કિલ્લો બીજા વિશ્વ યુદ્ધ દરમિયાન બ્રિટને બનાવ્યો હતો. બાદમાં બ્રિટન દ્વારા તેને ખાલી કરવામાં આવ્યું હતું. ત્યારથી, સીલેન્ડ, જેને માઇક્રો રાષ્ટ્ર કહેવામાં આવે છે, તેના પર જુદા જુદા લોકોનો કબજો રહ્યો છે.
નથી મળી આંતરરાષ્ટ્રીય માન્યતા
મળતી માહિતી મુજબ રોય બેટ્સ નામની વ્યક્તિએ 1967માં આ દેશને સ્વતંત્ર જાહેર કર્યો અને પોતાને સીલેન્ડનો પ્રિન્સ જાહેર કર્યો. રોય બેટ્સના મૃત્યુ પછી, આ સૂક્ષ્મ રાષ્ટ્ર તેમના પુત્ર માઇકલનું શાસન છે. તમને જણાવી દઈએ કે સૂક્ષ્મ રાષ્ટ્રો એવા નાના દેશો છે જેને આંતરરાષ્ટ્રીય માન્યતા નથી મળતી. તેઓ માત્ર એક દેશનો ભાગ છે. સીલેન્ડનો કુલ વિસ્તાર 1 કિમીનો ચોથો ભાગ એટલે કે 250 મીટર (0.25 કિલોમીટર) છે. જો કે, જર્જરિત હાલતમાં પહોંચી ગયેલો આ કિલ્લો સીલેન્ડ તેમજ રફ ફોર્ટ તરીકે પણ ઓળખાય છે. તે થાંભલાઓ પર ઉભો છે.
માત્ર 27 લોકો રહે છે
તેને વિશ્વનો સૌથી નાનો દેશ કહેવામાં આવે છે. અહીંની વસ્તી માત્ર 27 છે. દેશનો પોતાનો ધ્વજ, ચલણ, લશ્કર પણ છે. અહીં કોઈ વડાપ્રધાન કે રાષ્ટ્રપતિ નથી, તે રાજા અને રાણી દ્વારા ચલાવવામાં આવે છે. બીજા વિશ્વયુદ્ધ દરમિયાન ઈંગ્લેન્ડે આ જગ્યાનો ઉપયોગ જર્મનીથી પોતાને બચાવવા માટે કર્યો હતો. વિશ્વમાં આવા ઘણા માઇક્રોનેશન છે.
