મિડિસ ઈસ્ટમાં ઈઝરાયલ ઘણા મોરચે ઘેરાતું જાવા મળી રહ્યું છે. એક તરફ ગાઝામાં હમાસ વિરુદ્ધ યુદ્ધ ચાલી રહ્યું છે, તો બીજી તરફ હિઝબુલ્લાહ અને હૂતી સંગઠનો પણ ઈઝરાયલ પર તણાવ વધારી રહ્યા છે. ઈસ્માઈલ હાનિયાના મોતથી નારાજ ઈરાન ભલે શાંત થઈ ગયું હોય, પરંતુ ઈઝરાયલ પર તેના હુમલાનો ખતરો હજુ પણ યથાવત છે. આ દરમિયાન ઈઝરાયલ અને ઈજિપ્ત વચ્ચે પણ તણાવના સમાચાર સામે આવી રહ્યા છે.
ફિલાડેલ્ફી કોરિડોરમાંથી ઈઝરાયેલના સૈનિકોને તાત્કાલિક હટાવવાની માંગ
ઈઝરાયેલના વડાપ્રધાન નેતન્યાહૂ વારંવાર ઈજિપ્તની સરહદેથી હથિયારોની દાણચોરીનો દાવો કરી રહ્યા છે, જેના માટે ઈજિપ્તે હવે નેતન્યાહૂ પર વળતો પ્રહાર કર્યો છે. ઈજિપ્તે પણ રફાહ સરહદ પરના ફિલાડેલ્ફી કોરિડોરમાંથી ઈઝરાયેલના સૈનિકોને તાત્કાલિક હટાવવાની માંગ કરી છે.
નેતન્યાહુના દાવા પર ઇજિપ્ત ગુસ્સે ભરાયું
મીડિયા અહેવાલો અનુસાર ઈજિપ્તના એક વરિષ્ઠ અધિકારીએ ઈઝરાયલના વડાપ્રધાન બેન્જામિન નેતન્યાહૂના દાવા સામે સખત વાંધો વ્યક્ત કર્યો છે. આ અધિકારીનું કહેવું છે કે, નેતન્યાહુ હમાસ સાથે યુદ્ધવિરામ અને બંધકોની મુક્તિ માટેની વાતચીતમાં અવરોધ ઉભો કરી રહ્યા છે. ઈજિપ્ત તરફથી આ આરોપો ત્યારે સામે આવ્યા છે જ્યારે થોડા દિવસો પહેલા નેતન્યાહૂએ ગાઝા-ઈજિપ્ત સરહદ પર નિયંત્રણ જાળવી રાખવા પર ભાર મૂક્યો હતો. તેમણે દાવો કર્યો હતો કે, હમાસ માટે રફાહ સરહદને ફરીથી સજ્જ કરવાનો આ એક માર્ગ છે. ઈજિપ્તે હથિયારોની દાણચોરીના નેતન્યાહૂના દાવાઓની નિંદા કરી છે અને આ વિસ્તારમાંથી ઈઝરાયલના સૈનિકોને હટાવવાની સમયમર્યાદાની માંગ કરી છે.
ઈજિપ્તની આર્મીના ચીફ ઓફ સ્ટાફે રફાહ સરહદનું નિરીક્ષણ કર્યું
આ નિવેદનના બરાબર 24 કલાક પછી ઈજિપ્તની આર્મીના ચીફ ઓફ સ્ટાફ રફાહ સરહદનું નિરીક્ષણ કરવા પહોંચ્યા. મીડિયા અહેવાલ અનુસાર ચીફ ઓફ સ્ટાફે સરહદ સુરક્ષાનું નિરીક્ષણ કર્યું હતું, જોકે વધુ માહિતી આપવામાં આવી ન હતી.
કોરિડોર પર નિયંત્રણ રાખવાનો આગ્રહ!
ઈઝરાયલના વડાપ્રધાન બેન્જામિન નેતન્યાહૂએ રફાહ સરહદ પર સ્થિત ફિલાડેલ્ફી કોરિડોર પર નિયંત્રણ જાળવી રાખવા પર વારંવાર ભાર મૂક્યો છે. ગાઝા અને ઈજિપ્તની સરહદ પર સ્થિત આ 14 કિલોમીટર લાંબો કોરિડોર છે. જેની પહોળાઈ લગભગ 100 યાર્ડ છે. તે ગાઝા પટ્ટી અને ઇજિપ્ત વચ્ચે બફર ઝોન તરીકે કામ કરે છે, પરંતુ નેતન્યાહુનો દાવો છે કે આ માર્ગનો ઉપયોગ હમાસને હથિયોરો પહોંચાડવા માટે થાય છે.
ફિલાડેલ્ફી કોરિડોરના કારણે આ સમજતી અટકી ગઈ
ગાઝામાં યુદ્ધવિરામ અને બંધકોની મુક્તિ માટે હમાસ અને ઈઝરાયલ વચ્ચેની વાતચીત કોઈ નિષ્કર્ષ પર પહોંચી શકી નથી. અમેરિકા, કતાર અને ઇજિપ્ત ઘણા મહિનાઓથી આ માટે પ્રયાસ કરી રહ્યા હતા. પરંતુ ફિલાડેલ્ફી કોરિડોર પર નિયંત્રણ જાળવી રાખવાના નેતન્યાહૂના આગ્રહને કારણે સમજૂતી થઈ શકી ન હતી. હમાસની સાથે ઈજિપ્ત પણ આ કોરિડોર પર ઈઝરાયલના નિયંત્રણની વિરુદ્ધ છે.
આ માંગને બિનજરૂરી
જ્યારે ઈઝરાયલના રક્ષા મંત્રી સહિત ઘણા સુરક્ષા અધિકારીઓએ પણ નેતન્યાહૂની આ માંગને બિનજરૂરી ગણાવી છે. રક્ષા મંત્રી યોવ ગેલન્ટના જણાવ્યા અનુસાર ઈજિપ્તની સરહદ પર સૈનિકો તૈનાત કર્યા વિના પણ સુરક્ષા સુનિશ્ચિત કરી શકાય છે.
