રાયપુરના શહીદ વીર નારાયણ સિંહ ઈન્ટરનેશનલ ક્રિકેટ સ્ટેડિયમમાં રમાઈ રહેલી લિજેન્ડ 90 લીગમાં ક્રિકેટ ફેન્સને એક પછી એક શાનદાર મેચ જોવા મળી રહી છે. આ લીગનું ફોર્મેટ એકદમ અલગ છે, તેમાં ફક્ત 15-15 ઓવરની મેચો છે.
લીગની 8મી મેચમાં, છત્તીસગઢ વોરિયર્સ અને બિગ બોયઝ યુનિયનની ટીમો એકબીજા સામે ટકરાઈ હતી. આ મેચમાં, 38 વર્ષના ખેલાડીએ વિસ્ફોટક ઈનિંગ્સ રમી. આ ખેલાડીએ 300થી વધુના સ્ટ્રાઈક રેટથી 160રન બનાવ્યા અને ટીમને મોટા સ્કોર સુધી પહોંચાડી.
38 વર્ષના બેટ્સમેનની ધમાકેદાર ઈનિંગ
આંતરરાષ્ટ્રીય ક્રિકેટમાંથી નિવૃત્તિ લઈ ચૂકેલા ખેલાડીઓ અને ભારતીય સ્થાનિક ક્રિકેટરો લિજેન્ડ 90 લીગમાં રમી રહ્યા છે. લીગની 8મી મેચમાં, છત્તીસગઢ વોરિયર્સના ઓપનર માર્ટિન ગુપ્ટિલે એક જોરદાર ઈનિંગ રમી. તેને દરેક બોલિંગ આક્રમણને ક્લાસ આપ્યો અને મેદાનની ચારે બાજુ રન બનાવ્યા. માર્ટિન ગુપ્ટિલે આ મેચમાં ફક્ત 49 બોલનો સામનો કર્યો અને 326.53 ના સ્ટ્રાઈક રેટથી 160 રન બનાવ્યા.
માર્ટિન ગુપ્ટિલની ઈનિંગમાં 12 ચોગ્ગા અને16 છગ્ગા હતા. માર્ટિન ગુપ્ટિલે પણ પોતાની ઈનિંગથી ફેન્સની જૂની યાદો તાજી કરી. તે આંતરરાષ્ટ્રીય ક્રિકેટમાં પણ ન્યુઝીલેન્ડ માટે આ જ રીતે બેટિંગ કરતો હતો.
માર્ટિન ગુપ્ટિલની આ જોરદાર ઈનિંગને કારણે છત્તીસગઢ વોરિયર્સની ટીમ આ મેચમાં મોટો સ્કોર બનાવવામાં સફળ રહી. છત્તીસગઢ વોરિયર્સે 15 ઓવરમાં કોઈ વિકેટ ગુમાવ્યા વિના 240 રન બનાવ્યા, જે આ લીગમાં અત્યાર સુધીનો સૌથી વધુ સ્કોર છે. આ દરમિયાન ઋષિ ધવને પણ માર્ટિન ગુપ્ટિલને સંપૂર્ણ સપોર્ટ કર્યો. ઋષિ ધવને 42 બોલમાં 76 રનની ઈનિંગ રમી. આ દરમિયાન તેને 180.95ના સ્ટ્રાઈક રેટથી 7 ચોગ્ગા અને 4 છગ્ગા ફટકાર્યા. બિગ બોય્ઝ યુનિકારી ટીમે ઈનિંગ્સમાં કુલ 6 બોલરોનો ઉપયોગ કર્યો હતો પરંતુ તેમાંથી કોઈ પણ વિકેટ લઈ શક્યું ન હતું.
છત્તીસગઢ વોરિયર્સે નોંધાવી મોટી જીત
બિગ બોયઝ યુનિયન ટીમને આ મેચ જીતવા માટે 241 રનનો લક્ષ્યાંક પીછો કરવાનો હતો. પરંતુ બિગ બોય્ઝ યુનિકારીની ટીમ આ મોટા લક્ષ્યને પ્રાપ્ત કરી શકી નહીં. તેમને પોતાના બંને ઓપનર ફક્ત 41 રનમાં ગુમાવી દીધા. આ પછી, સ્કોર 70 સુધી પહોંચ્યો ત્યાં સુધીમાં, 2 ખેલાડીઓ પેવેલિયન પાછા ફર્યા. રોબિન બિસ્ટે અડધી સદી ફટકારી હોવા છતાં, તે જીત માટે પૂરતી ન હતી. બિગ બોયઝ યુનિયનની ટીમ 15 ઓવરમાં 4 વિકેટ ગુમાવીને માત્ર 151 રન જ બનાવી શકી હતી, જેના કારણે છત્તીસગઢ વોરિયર્સે 89 રનથી મેચ જીતી લીધી હતી.
