ભારત અને પાકિસ્તાન વચ્ચેની હાઈ વોલ્ટેજ મેચમાં મોહમ્મદ રિઝવાને ટોસ જીતીને પહેલા બેટિંગ કરવાનો નિર્ણય લીધો હતો. ભારત તરફથી હાર્દિક પંડ્યાએ પ્રથમ વિકેટ લીધી અને બાબર આઝમને આઉટ કર્યો. ત્યારબાદ તેણે સઉદ શકીલના રૂપમાં સેટ બેટ્સમેનને પેવેલિયન પરત મોકલ્યો, જેણે 62 રન બનાવ્યા હતા.
હાર્દિક પંડ્યાની ઘડિયાળે લોકોનું ધ્યાન ખેંચ્યું
આ દરમિયાન ફેન્સનું ધ્યાન હાર્દિક પંડ્યાની ઘડિયાળ પર ગયું છે, જે તેણે મેદાનમાં પ્રવેશતી વખતે પહેરી હતી. સોશિયલ મીડિયા પર દાવો કરવામાં આવ્યો હતો કે આ ઘડિયાળની કિંમત 15 કરોડ રૂપિયા છે. ઓલરાઉન્ડર હાર્દિક પંડ્યા વૈભવી જીવન જીવવા માટે જાણીતો છે. તેની પાસે કરોડોની કિંમતનું મોંઘુ ઘર અને ગાડીઓ છે. હાર્દિકને ઘડિયાળોનો પણ ખૂબ શોખ છે. પરંતુ શું હાર્દિક પંડ્યાએ પાકિસ્તાન સામેની ચેમ્પિયન્સ ટ્રોફી મેચમાં પહેરેલી ઘડિયાળ ખરેખર 15 કરોડ રૂપિયાની છે?
હાર્દિક પંડ્યાએ મેદાન પર કઈ બ્રાન્ડની ઘડિયાળ પહેરી ?
તમને જણાવી દઈએ કે હાર્દિક પંડ્યા પાકિસ્તાન સામે રિચાર્ડ મિલેની રાફેલ નડાલ સ્કેલેટન ડાયલ એડિશન ઘડિયાળ (રિચાર્ડ મિલે RM27-02 CA FQ ટુરબિલોન) પહેરીને મેદાનમાં ઉતર્યો છે. આ ઘડિયાળની કિંમત વિશે વાત કરીએ તો, તેની વેબસાઇટ પર તેની સચોટ માહિતી આપવામાં આવી નથી. વેબસાઇટ પર, તમને ફક્ત શિપિંગ ચાર્જ વિશે જ માહિતી આપવામાં આવી છે. આ કંપનીની ઘડિયાળો ખૂબ જ મોંઘી અને વૈભવી છે, તેથી કહી શકાય કે તેની કિંમત કરોડોમાં હશે. આ ઉપરાંત હાર્દિક પંડ્યા પાસે ઘણી લક્ઝરી ઘડિયાળો પણ છે.
કુલદીપ યાદવે એક જ ઓવરમાં 2 વિકેટ લીધી
તમને જણાવી દઈએ કે ભારત અને પાકિસ્તાન વચ્ચે ચેમ્પિયન્સ ટ્રોફીની મેચ દુબઈમાં રમાઈ રહી છે. પાકિસ્તાનની શરૂઆત ધીમી પણ સારી રહી છે. હાર્દિક પંડ્યાએ બાબર આઝમને વહેલા આઉટ કર્યો, પરંતુ સઈદ શકીલ અને મોહમ્મદ રિઝવાને મળીને 100 રનની ભાગીદારી કરીને ઈનિંગ્સને સ્થિર બનાવી. આ ભાગીદારી અક્ષર પટેલે તોડી હતી, જેમણે રિઝવાન (46)ને આઉટ કર્યો હતો. ત્યારબાદ હાર્દિકે સેટ બેટ્સમેન સઈદ શકીલ (62)ને આઉટ કર્યો. કુલદીપ યાદવે એક જ ઓવરમાં સલમાન આગ અને શાહીન શાહ આફ્રિદીને આઉટ કરીને પાકિસ્તાનને પાછળ છોડી દીધું.
