ભારતીય ટીમના સ્ટાર બેટ્સમેન વિરાટ કોહલી ઘણીવાર મેદાન પર ફિલ્ડિંગ કરતી વખતે પોતાની ફની હરકતોથી ફેન્સનું મનોરંજન કરતા જોવા મળે છે. ચેમ્પિયન્સ ટ્રોફી 2025 માં ભારત અને ન્યુઝીલેન્ડ વચ્ચે રમાઈ રહેલી મેચ દરમિયાન આજે આવી જ એક ઘટના જોવા મળી.
ફિલ્ડિંગ દરમિયાન, કોહલી બાઉન્ડ્રી લાઈન પાસે ફેમસ ફૂટબોલર ક્રિસ્ટિયાનો રોનાલ્ડોના સિયુ સેલિબ્રેશનની ઉજવણી કરતો જોવા મળ્યો હતો. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે.
વિરાટ કોહલીએ કર્યું સેલિબ્રેશન
તમને જણાવી દઈએ કે વિરાટ કોહલી પોર્ટુગીઝ ફૂટબોલર ક્રિસ્ટિયાનો રોનાલ્ડોનો મોટો ફેન છે. કોહલી ઘણી વાર રોનાલ્ડોની પ્રશંસા કરતો પણ જોવા મળ્યો છે. જ્યારે ન્યુઝીલેન્ડ બેટિંગ કરી રહ્યું હતું, ત્યારે કોહલી બાઉન્ડ્રી લાઈન પાસે ફિલ્ડિંગ કરી રહ્યો હતો અને તે અચાનક રોનાલ્ડોના સિયુ સેલિબ્રેશન કરતો જોવા મળ્યો, જેનાથી સ્ટેન્ડમાં રહેલા ફેન્સનો ઉત્સાહ વધી ગયો.
વિરાટ કોહલી 11 રન બનાવી થયો આઉટ
તમને જણાવી દઈએ કે, ન્યુઝીલેન્ડ સામેની આ મેચમાં વિરાટ કોહલીનું બેટ સંપૂર્ણપણે શાંત રહ્યું. પાકિસ્તાન સામે શાનદાર સદીની ઈનિંગ રમનાર કિંગ કોહલી આ મેચમાં ફક્ત 11 રન જ બનાવી શક્યો. ગ્લેન ફિલિપ્સ સુપરમેન બન્યો અને વિરાટ કોહલીનો એક શાનદાર કેચ પકડ્યો, જેની ખૂબ ચર્ચા થઈ.
ન્યુઝીલેન્ડને જીત માટે મળ્યો 250 રનનો ટાર્ગેટ
આ મેચ જીતવા માટે ન્યુઝીલેન્ડને 250 રનનો ટાર્ગેટ મળ્યો છે. પ્રથમ બેટિંગ કરતા, ભારતે નિર્ધારિત 50 ઓવર રમીને 9 વિકેટ ગુમાવીને 249 રન બનાવ્યા. ટીમ ઈન્ડિયા તરફથી શ્રેયસ ઐયરે સૌથી વધુ રન બનાવ્યા. તેને 79 રનની મહત્વપૂર્ણ ઈનિંગ રમી, જેના કારણે રોહિત શર્માની સેના સન્માનજનક સ્કોર કરવામાં સફળ રહી.
જેના જવાબમાં, ન્યુઝીલેન્ડ 44 રનથી લક્ષ્યથી દૂર રહી ગયું. કેન વિલિયમસને 81 રનની ઈનિંગ રમી, પરંતુ તે પોતાની ટીમની જીત સુનિશ્ચિત કરી ન શક્યો.
